Deut 1:16 - Kaqchiquel Bible

¹⁶ Y kere' k'a xinbij chike ri to'onela': Ri q'atoj-tzij ri xtiben, kan ta choj, kan pa ruchojmilal k'a xtiben kik'in ri qawinaq y ri man qawinaq ta.

Deut 1:16 ပူးပေါင်းရင်းမြစ်များ

San Juan 7:24

Man k'a tibij chi man utz ta ri nubanobal, xaxe roma keri' niq'alajin chiwech rix. Jak'a tiq'ata-tzij pa nuwi' rik'in jun qitzij ruchojmilal, xcha'.

Wuj Richin ri Chojmirisabelri'il 24:22

Re pixa' re' nuya'on chiwe rix israelita y ri man iwinaq ta ri ek'o chi'ikojol, roma ja yin Jehová ri i-Dios ri yibin. Keri' tabij chike ri awinaq, xcha'.

Ex 22:21

Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

1 Timoteo 5:21

Chuwech ri Dios y chuwech ri ajaw Jesucristo y chikiwech ri ángel ri e cha'on roma ri Dios, kan ninbij k'a chawe rat Timoteo, chi tabana' ronojel re' kik'in ri qach'alal, y man jun rukojol taben.

Wuj Richin Bix Chire ri Dios 58:1

Rix nima'q taq achi'a', ¿kan qitzij kami chi rix niq'et-tzij pa ruchojmilal? ¿Kan qitzij kami chi kan choj ri ibanobal?

2 Sam 23:3

Ri qa-Dios roj israelita xch'on. Ja ri to'onel qichin ri xbin re ch'abel re' chuwe: Toq jun niq'aton-tzij pa ruchojmilal, kan achi'el ri saqil ri nel-pe nimaq'a' yan ri man jun sutz' k'o chuwech. Toq jun q'atoy-tzij kan k'o rukiy ri Dios chuwech, kan achi'el ri job ri nibanon chi nibek'ulun-pe ri q'ayis pan ulew.

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

Deut 27:11

Chupan ri q'ij ri' ri Moisés xuya' chuqa' re ruchojmilal re' chire ri tinamit y xubij:

Deut 24:14

Man tikamisaj pa samaj ri samajel ri nisamej chi q'ij iwik'in, ni man tiyek-qa ri xuch'ek yan, stape' iwinaq o man iwinaq ta.

Wuj Richin ri Q'axanri'il 27:19

Tapaba' k'a chuwech ri sacerdote Eleazar, chikiwech konojel ri awinaq y kan pa ruq'a' rija' tajacha' kan ri samaj,

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

1 Tesalonicenses 2:11

Rix iwetaman chi roj kan qakuquban ik'u'x, kan ixqato'on, achi'el nuben jun tata'aj chike ri ralk'ual y qaya'on pixabanik chiwe, richin chi tik'uaj jun k'aslen utz achi'el ruk'amon nikiben ri e ralk'ual chik ri Dios, roma rija' xojroyoj richin yojok pa rajawaren ri akuchi k'o-wi ruq'ij-ruk'ojlen.

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Deut 1:15

Y keri' k'a toq yin xencha' ri achi'a' ri', y ja rije' ri xenya' pan iwi': Pa kiwi' 1,000 winaqi', pa kiwi' wok'al, pa kiwi' kawineq lajuj y pa kiwi' lajujteq winaqi' y ja rije' ri yeyuqen iwichin.

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Wuj Richin Etamabel-Tzij 31:9

Kan takusaj k'a ri achi' richin chi pa ruchojmilal yaq'aton-tzij, y kan kapa'e' k'a chuwech ri ruk'ayewal ri nikik'owisaj ri man jun k'o kik'in y ri yewayjan.