Deut 1:15 - Kaqchiquel Bible

¹⁵ Y keri' k'a toq yin xencha' ri achi'a' ri', y ja rije' ri xenya' pan iwi': Pa kiwi' 1,000 winaqi', pa kiwi' wok'al, pa kiwi' kawineq lajuj y pa kiwi' lajujteq winaqi' y ja rije' ri yeyuqen iwichin.

Deut 1:15 ပူးပေါင်းရင်းမြစ်များ

Deut 16:18

Kan ke'ikanola' k'a to'onela' y samajela' richin ri tinamit, richin nikiq'et-tzij pa ruwi' chijun ri ruwach'ulew ri xtibeya'ox chiwe chi'ijujunal ri tzobaj, richin keri' yixbiyin rik'in ruchojmilal.

Efesios 4:11

Rija' xuya' k'a sipanik chiqe; chike ch'aqa' xuben chi xe'ok e taqon roma rija'; ek'o ri e q'alajirisey ruch'abel; ek'o ri yetzijon ri utzilej ch'abel richin kolotajik; y ek'o ri e tijonela' kichin ri qach'alal y yekichajij.

1 Sam 22:7

K'ari' ri Saúl xubij chike ri aj-labal ri kisutin-apo-rij: Tiwak'axaj k'a re wakami rix nuwinaq ri oj rijatzul kan ri Benjamín. ¿Ninimaj kami rix chi ri ruk'ajol ri Isaí, nuya' iwulew ri tikon chik uva chuwech, o yixruya' aj-raqen pa kiwi' e 1,000, o aj-raqen pa kiwi' ch'aqa' chik tzobaj?

1 Sam 17:18

Y chire ri aj-raqen pa kiwi' ri awach'alal, nak'uaj-el re lajuj queso re'. Kabiyin y ye'atz'et kan ri animal achike kibanon. Wi utz kiwech, nak'en-pe chuwe jun xabachike retal richin kan q'alaj chi kan e utz, xcha'.

1 Sam 8:12

Xkerukusaj richin xke'ok aj-raqen pa kiwi' ri aj-labal y chuqa' xkerukusaj richin xtikisamajij ri rulew y xtikimol ruchi' ri rutiko'n. Chuqa' xkerukusaj richin xtikiben kamisabel richin labal y ronojel samajibel ri k'atzinel chire ri ru-carruaje.

Wuj Richin ri Q'axanri'il 31:14

Y toq rije' xe'apon, ri Moisés xyakatej janila royowal chikij ri e aj-raqen pa kiwi' ri aj-labal ri xetzolej-pe.

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Wuj Richin ri Q'axanri'il 1:4

Chuqa' xkixkito' jujun aj-raqen chikikojol chikijujunal ri tzobaj richin ri tinamit.

Deut 1:14

Y rix xibij chuwe: Kan utz niqak'axaj ri nawajo' naben, xixcha'.

Deut 1:16

Y kere' k'a xinbij chike ri to'onela': Ri q'atoj-tzij ri xtiben, kan ta choj, kan pa ruchojmilal k'a xtiben kik'in ri qawinaq y ri man qawinaq ta.

Ex 24:1

Y ri Jehová xch'on chik rik'in ri Moisés y xubij chire: Kajote-pe, awachibilan ri Aarón, ri Nadab, ri Abihú y ri e oxk'al lajuj rijita'q taq achi'a' ri k'o kiq'ij chupan ri tinamit y k'a nej kexuke-wi kan richin nikiya' nuq'ij.