Deut 1:1 - Kaqchiquel Bible

¹ Wawe' tz'ibatel-wi ri xubij ri Moisés chike ri israelita, toq ek'o chiri' pa tz'iran ruwach'ulew Arabá ri k'o pa relebel-q'ij chire ri raqen-ya' Jordán. Ek'o k'a chiri' chuwech-pe ri taq'aj Suf, pa xaman chire ri tz'iran ruwach'ulew Parán, y ri tinamit Tófel, Labán, Haserot y ri Dizahab.

Deut 1:1 ပူးပေါင်းရင်းမြစ်များ

1 Sam 25:1

Xken k'a ri Samuel y konojel ri israelita xbekimuqu' kan pa rutinamit Ramá, roma chiri' k'o-wi ri rachoch, y konojel janila xe'oq' chirij. Y ri David xberewaj-ri' chupan ri tz'iran ruwach'ulew rubini'an Parán.

Wuj Richin ri Josúe 22:7

Toq ri Josué xeruteq-el, xuya' k'a el urtisanik pa kiwi' richin xebe. Y xubij-el el chike: Wakami k'a, yixtzolej pa taq iwachoch rik'in janila beyomel, awej, saqipueq, q'anapueq, q'enq'oj-pueq, ri q'eqapueq, y ri janila chi tzieq. Kan titaluj k'a chiwech kik'in ri iwach'alal ri ek'o kan, ronojel re ximej-pe chuwi-kiq'a' ri etzelanel qichin, xcha'. Toq k'a k'es na ri Moisés, kan ruya'on chik k'a kan ri ruwach'ulew Basán chike ri nik'aj tzobaj richin ri Manasés richin xkichinaj kan, y ri nik'aj chik tzobaj, ja ri Josué xjachon chike y xkichinaj kan ri k'o pa qajbel-q'ij chire ri raqen-ya' Jordán, ri chikikojol ri ch'aqa' chik kach'alal.

Wuj Richin ri Josúe 22:4

Roma rija' wakami xuya' yan uxlanenri'il chiqakojol achi'el ri rusujun chiqe. Wakami k'a kixtzolej pa taq iwachoch chupan ri iruwach'ulew ri ruya'on kan chiwe ri Moisés ri rusamajel ri Jehová. Kixtzolej k'a pan iruwach'ulew ri k'o-apo juk'an chire ri raqen-ya' Jordán.

Wuj Richin ri Josúe 9:10

y ronojel ri xuben kik'in ri e ka'i' rey kichin ri amorreo, ri ek'o juk'an chire ri raqen-ya' Jordán, nel chi tzij: Ri Sihón rey richin ri tinamit Hesbón y ri Og rey pa ruwi' ri ruwach'ulew Basán, y pa ruwi' ri tinamit Astarot.

Wuj Richin ri Josúe 9:1

Y xk'uluwachitej k'a chi toq konojel ri winaqi' aj-Canaán xkak'axaj ronojel ri xbanatej, jari' toq ri rey ri ek'o pa qajbel-q'ij chire ri raqen-ya' Jordán, ri ek'o pa taq'aj kojol juyu', y chuwa taq juyu', y ri taq'aj ri k'o chuchi' ri palou; ri ek'o pe kere' chuwech ri juyu' Líbano, ri hitita, ri amorreo, ri cananeo, ri ferezeo, ri heveo y ri jebuseo,

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Wuj Richin ri Q'axanri'il 35:14

Oxi' k'a tinamit nicha' re kere-pe juk'an chire ri raqen-ya' Jordán y oxi' chik tinamit ri juk'an-apo chire ri raqen-ya' pa ruwach'ulew Canaán.

Wuj Richin ri Q'axanri'il 34:15

Ri ulew ri xkichinaj rije' k'o pe kere' chuchi' ri raqen-ya' Jordán, chuwech-pe ri tinamit Jericó ri k'o pa qajbel-q'ij, xcha'.

Wuj Richin ri Q'axanri'il 32:32

y chi xtikik'uaj-el ri kikamisabal richin yeq'ax-apo pa Canaán y chuqa' chi xtok kan kichin ri juk'an-pe chire ri raqen-ya' Jordán.

Wuj Richin ri Q'axanri'il 32:19

Jak'a roj man xqojk'uluman ta kan kik'in rije' ri juk'an-apo chire ri raqen-ya' Jordán, roma xa xqak'ulumaj yan kan re juk'an-pe chire ri raqen-ya', xecha'.

Wuj Richin ri Q'axanri'il 32:5

Roma ri', wi kan oj qajineq chiwech, tiya' k'a ri ruwach'ulew ri' chiqe, y man yojq'ax ta chik apo juk'an chire ri raqen-ya' Jordán, xecha'.

Wuj Richin ri Q'axanri'il 13:3

Kan rutzij-wi k'a ri Jehová toq ri Moisés xeruteq-el ri achi'a'; xe'el k'a el ri achi'a' ri' toq ek'o ri chiri' pa tz'iran ruwach'ulew ri richin ri Parán. Konojel k'a ri achi'a' kan e aj-raqen k'a pa ruwi' ri kitzobaj, ri chikikojol ri e rijatzul kan ri Israel.

Wuj Richin ri Q'axanri'il 12:16

k'ari' ri winaqi' xe'el-el chiri' pan Haserot y xkichop k'a binen y xe'apon k'a pa tz'iran ruwach'ulew Parán y chiri' xek'oje-wi-qa.

Wuj Richin ri Q'axanri'il 11:35

Y toq rije' xe'el-el ri chiri' pa Quibrot-Hataavá, xkichop chik el ri kibey y k'a pa ruwach'ulew Haserot xebek'oje-wi.

Wuj Richin ri Q'axanri'il 10:12

Jari' toq ri israelita xkichop-el binen, richin xe'el-el ri chiri' pa tz'iran ruwach'ulew Sinaí. Ri sutz' kan nipataj k'a ri beneq chikiwech ri winaqi' y xbepa'e', k'a toq xe'apon na ri pa tz'iran ruwach'ulew rubini'an Parán.

Wuj Richin ri Rutikeribel 21:21

Y ri Ismael chupan k'a ri tz'iran ruwach'ulew ri' xk'oje-wi. Y ri Agar xukanoj k'a rixjayil ri ral y ri xten ri' aj-Egipto.

Wuj Richin ri Q'axanri'il 13:26

Y xe'apon k'a rik'in ri Moisés, ri Aarón y ri ch'aqa' chik kiwinaq, ri chiri' pa tz'iran ruwach'ulew Parán, ri chiri' pa tinamit Cadés. Y xkitzijoj k'a ronojel chike y xkik'ut chikiwech ri ruwech ri tiko'n ri nuya' ri chiri'.

Wuj Richin ri Habacuc 3:3

Ri ojer, ri Dios kan xel-pe pa tinamit Temán. Ri Loq'olej qa-Dios xel k'a pe pa ruwi' ri juyu' Parán. Ri ruruwaq'ijaj kan xunojisaj k'a ruwech ri kaj; chijun ri ruwach'ulew xnoj rik'in bix chire rija'.

Deut 2:8

Keri', roj xojbe k'a chuchi' ri kiruwach'ulew ri aj-Edom. Xojel-pe chupan ri bey ri peteneq pa tinamit Elat y Esión-guéber. Xeri' xojbe chupan ri bey ri nibe pa tz'iran ruwach'ulew richin Moab.

Deut 4:46

Re' xubij toq rije' k'a ek'o na chiri' pa relebel-q'ij chire ri raqen-ya' Jordán, pa taq'aj ri k'o chuwech-apo ri tinamit Bet-peor, pa ruwach'ulew kan ri rey Sihón, rey kichin ri amorreo. Rija' xk'oje' pa tinamit Hesbón, y jare' k'a xekich'ek ri Moisés y ri ruwinaq.

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.

1 Rey 11:18

Xe'el k'a el chiri' pa Madián y xebe k'a pa Parán y chiri' xekikanoj-el ka'i-oxi' chik achi'a' richin xekachibilaj-el, y k'ari' xe'apon pan Egipto. Y rije' xbekik'utu-ki' chuwech ri rey richin Egipto, y ri rey ri' xuya' chire ri Hadad jun rachoch, rulew, y ronojel ri nik'atzin chire richin nutej.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Deut 27:1

Ri Moisés y ri achi'a' ri k'o kiq'ij richin ri tinamit Israel xkimol-ki' richin xech'on kik'in ri kiwinaq. Y ri Moisés xubij: Kan titaqej k'a ronojel ri pixa' ri xinya' chiwe re q'ij re'.

Deut 29:1

Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Deut 31:1

Ri Moisés kere' k'a xubij chike konojel ri ruwinaq,