Colosenses 4:9 - Kaqchiquel Bible

⁹ Y rik'in rija' ninteq-el chuqa' ri qach'alal Onésimo, ri eleneq-pe chila' iwik'in rix. Ri Onésimo kan kuqul k'a ruk'u'x rik'in ri Dios, y yalan ninwajo'. Re ka'i' qach'alal re' xtikitzijoj k'a chiwe ronojel ri banatajineq re wawe'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Chirij ri Tíquico nutaqon e chuqaꞌ ri Onésimo. Ri Onésimo jun iwinaq rix y jun hermano ri tzꞌan niwojoꞌ. Rijaꞌ kin kuqul rukꞌuꞌx rikꞌin ri Dios. Rejeꞌ ndekiyaꞌ rutzijol chiwa nojel ri ngebꞌanatej waweꞌ.

Kaqchikel Santa Maria de Jesus

⁹ Y riqꞌuin jajaꞌ nitak-el jeꞌ ri hermano Onésimo, ri alanak-pa iviqꞌuin ixreꞌ. Ri Onésimo ruyoꞌn ránima riqꞌuin ri Dios, y altíra nivajoꞌ. Ri icaꞌyeꞌ hermanos reꞌ xtiquiꞌej chiva nojiel ri nibꞌanataj vaveꞌ.

Kaqchikel Central Guatemala

⁹ Y riq'uin rija' nintek-el chuka' ri kach'alal Onáesimo, ri elenek-pe chila' iviq'uin rix. Ri Onáesimo can cukul c'a ruc'u'x riq'uin ri Dios, y yalan ninvajo'. Re ca'i' kach'alal re' xtiquitzijoj c'a chive ronojel ri banatajinek vave'.

Re C'ac'a Testamento pa Kach'abal

⁹ Y nintak-a chuka' re hermano Onésimo chij, re elinak-pa chila' iviq'uin yex. Re Onésimo can rubanon confiar-ri' riq'uin re Dios, y camas ninjo'. Re je ca'e' hermanos re' xte'quitzijoj chiva ronojel re banatajnak vova'.

Kaqchikel Western Solola

⁹ Y riya' nrachibilaj el chuka' ri kach'alal Onésimo, ri iwinak. Ri Onésimo can cukul c'a ruc'u'x riq'ui ri Dios, y sibilaj nwajo'. Re ca'i' kach'alal re' xtibequitzijoj c'a chiwe ronojel ri banatajnek wawe'.

Colosenses 4:9 ပူးပေါင်းရင်းမြစ်များ

Colosenses 1:7

Ri ch'abel ri' ja ri qach'alal Epafras xtzijon chiwe. Rija' jun samajel ri qachibil roj, y janila k'a niqajo'. Kan jebel wi nisamej pa rusamaj ri Cristo ri chiri' chi'ikojol rix.

Colosenses 4:12

Ri Epafras nuteq-el rutzil-iwech. Y rix jebel iwetaman ruwech rija' roma chila' iwik'in rix peteneq-wi, y jun utzilej rusamajel ri Cristo. Rija' rik'in ronojel ránima nich'on rik'in ri Dios iwoma rix, richin chi rix kan xtikuqer ta ik'u'x, chi kan ta xtitz'aqet ri ik'aslen y kan ta xtiben ronojel ri nrajo' ri Dios.

Colosenses 4:7

Ri qach'alal Tíquico xtiberutzijoj k'a chiwe ri achike nubanon. Rija' jun qach'alal ri janila ninwajo' y kan nuben-wi k'a ri rusamaj ri ajaw beneq-ruwech. Kan wachibil-wi k'a chupan ri samaj.