Colosenses 4:6 - Kaqchiquel Bible

⁶ Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Kin ta kiꞌ ndakꞌaxex ri itzij y kin ta pa rubꞌeyal ngixtzijon. Chin keriꞌ iwetaman achike tzij utz ndikusaj chin nditzolij ruwech kitzij ri kꞌo achike ndikikꞌutuj razón chiwa.

Kaqchikel Santa Maria de Jesus

⁶ Can otz ta nojiel ri ntiꞌej. Can ta incheꞌl cꞌo atzꞌan riqꞌuin ri itzij chi quireꞌ cꞌo ruquiꞌal, chi quireꞌ antok cꞌo nicꞌutux chiva, ivataꞌn ri chica ntiꞌej.

Kaqchikel Central Guatemala

⁶ Can ta ronojel ri nibij c'o ta rutzil. Can ta achi'el c'o atz'an riq'uin ri ich'abel richin c'o ruqui'il. Tibana' c'a queri', richin chi can xe ta c'a ri ruc'amon ri nibij chique conojel ri c'o niquic'utuj chive.

Re C'ac'a Testamento pa Kach'abal

⁶ Can-ta ronojel re tzij nibij c'o nrajkalej. Can-ta ancha'l che c'o atz'am riq'uin re ich'abal chin che can nika chiquivach re man quiniman-ta re Dios. Tibana' quire', chin che can xe-ta re tzij re ruc'amon nibij chique conojel re c'o preguntas niquiban chiva.

Kaqchikel Western Solola

⁶ Can ta ronojel ri nibij c'o ta rutzil. Can ta achi'el c'o atz'an riq'ui ri ich'abel riche (rixin) chi c'o ruqui'il, riche (rixin) chi queri' tek c'o nic'utux chiwe, iwetaman achique nibij chique quinojel.

Colosenses 4:6 ပူးပေါင်းရင်းမြစ်များ

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

1 Pedro 3:15

Pa ruk'exel ri' kan tiya' ruq'ij ri Cristo ri iwajaw pa taq iwánima. Y wi k'o ta jun ri nuk'utuj chiwe ri achike roma iwoyoben ri rutzil rija', kan jantape' k'a tiq'alajirisaj chuwech rik'in ch'uch'ujil y ajowabel.

Wuj Richin ri Molojri'il 10:12

Ri tzij ri nubij jun wineq aj-na'oj, kan nuk'en-pe utzil, jak'a ri tzij ri nubij jun wineq ri man aj-na'oj ta xa wulunen nuk'en-pe chirij.

Marcos 9:50

Ri atz'an yalan jebel. Jak'a wi ta re atz'an re' nik'is ta el ri ratz'amil, ¿achike chik ta k'a xtukusex richin natz'amix? Roma ri' utz tibana' chiwech rix richin yixk'ase' utz y tik'oje' uxlanibel-k'u'x chi'ikojol, xcha'.

Wuj Richin Etamabel-Tzij 15:4

Ri utzilej taq ch'abel ri kan ye'aq'oman, e junan rik'in ri che' ri niya'on k'aslen; jak'a ri itzel taq ch'abel ri richin nikiben etzelal, nuya' pa q'axo'n ri wineq.

Wuj Richin Etamabel-Tzij 15:7

Ri ruchi' ri wineq ri kan k'o runa'oj, kan nutaluj k'a rubixik ri na'oj; jak'a ri winaqi' e itzel, ri nikitaluj rubixik, xa ja ri man choj ta.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

San Mateo 5:13

Ja rix ri ix achi'el atz'an chikikojol ri winaqi'. Jak'a wi ta ri atz'an nik'is ta el ri ratz'amil, xa kan man jun chik k'a banel richin ta natz'amin. Xa man jun chik k'a nik'atzin-wi; xa kan xaxe chik k'a nik'atzin chi nik'aq-el y yeq'ax ri winaqi' pa ruwi'.

Wuj Richin Etamabel-Tzij 10:21

Ri ruch'abel ri wineq ri choj ruk'aslen, kan k'o utz nuk'en-pe chike ri winaqi'; jak'a ri wineq ri xa maneq ok runa'oj, ni rija' man nitikir ta nuto-ri' y pa kamik napon-wi.

Wuj Richin Bix Chire ri Dios 119:46

Kan xkich'on k'a pa ruwi' ri ach'abel chikiwech ri e rey, y man xkik'ix ta k'a xtintzijoj.

Wuj Richin Bix Chire ri Dios 105:2

Kan tiya' k'a ri bix chire; tibixaj ri rubi'. Kixtzijon pa ruwi' ri meyel taq rubanobal.

Wuj Richin Bix Chire ri Dios 45:2

Rat rey, ja rat ri más at jebel ok chikikojol ri achi'a'; Kan jebel k'a ri ye'abij; Roma ri' ri Dios at rurtisan richin jantape'.

San Lucas 4:22

Konojel k'a ri winaqi', janila xqa' chikiwech ri Jesús, y kan janila xkimey ri utzilej taq ch'abel ri xerubij.Y ri winaqi' ri' nikibila' chuqa' chikiwech: ¿Man ja ta k'a re' ri ruk'ajol ri José?, yecha'.

Wuj Richin Bix Chire ri Dios 119:13

Yin kan rik'in k'a ri nuchi' nutzijon ronojel ri pixa' ri abin kan rat.

Wuj Richin Bix Chire ri Dios 66:16

Kixanpe k'a, tiwak'axaj rix ri k'o rukiy ri Dios chiwech, y xtintzijoj chiwe ronojel ri rubanon pa nuk'aslen.

1 Crón 16:24

Kan tiqatzijoj ri ruk'ojlemal chike ch'aqa' chik ruwach'ulew; y tiqatzijoj k'a ri meyel taq rubanobal chike ri winaqi'.

Deut 11:19

Ke'itijoj k'a ri iwalk'ual chire re ch'abel re' toq ixk'o pa taq iwachoch, toq ix beneq pa taq bey, toq yixkotz'e-qa y toq yixyakatej-el.

Wuj Richin ri Chojmirisabelri'il 2:13

Y ri jalajoj ruwech ixin ri nasuj, naya' atz'an rik'in, y man jun bey xtasuj wi maneq atz'an rik'in, roma ri atz'an jun retal richin jun jikibel-tzij chiqakojol; y ronojel k'a re sipanik re' kan k'o atz'an rik'in.

Ez 43:24

K'ari' xtasuj chinuwech y ri sacerdote xtikiya' atz'an chikij ri kich'akul y xkekiporoj jumul chinuwech yin richin nikiya' nuq'ij.