Colosenses 4:2 - Kaqchiquel Bible

² Kan beneq k'a ruwech kixch'on rik'in ri Dios, jantape' ta k'a ixk'es y jantape' tik'oje' matioxinik iwik'in.

နောက်ထပ်ဗားရှင်းများ

Kaqchikel Santo Domingo (Xenacoj)

² Tixikꞌaꞌ iwiꞌ chin ndibꞌen orar, kꞌes-kꞌes iwech tibꞌanaꞌ orar y kixmatioxin chare ri Dios.

Kaqchikel Santa Maria de Jesus

² Can siempre tibꞌanaꞌ orar, y cꞌas ta ri ijaluon antok ntiꞌan orar, y siempre tiyaꞌ tiox bꞌaꞌ cha ri Dios.

Kaqchikel Central Guatemala

² Can benek c'a ruvech tibana' orar, y q'ues ta ri inojibal tok niben orar. Can jantape' c'a tic'oje' matioxinic iviq'uin.

Re C'ac'a Testamento pa Kach'abal

² Can nojel tiempo tibana' orar, y c'as-ta re ina'oj tak niban orar. Can nojel tiempo quixtioxin.

Kaqchikel Western Solola

² Can ma quixtane' ta chi niben orar, y kas q'ues ta jabel ri ina'oj tek niben orar, y quixmatioxin chare ri Dios.

Colosenses 4:2 ပူးပေါင်းရင်းမြစ်များ

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Efesios 6:18

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

Romanos 12:12

Tikikot ri iwánima roma iwoyoben ri utzil ri xtuya' ri Dios. Tikoch'o' ri tijoj-poqonal ri nik'owisaj, y kixch'on rik'in ri Dios beneq-ruwech.

San Mateo 26:41

Man k'a kixwer-qa, xkich'on rik'in ri Dios richin chi toq yixtejtobex, man kixtzaq pa mak. Kan wetaman-wi chi ri rurayibel ri iwánima ja ri niben ri nrajo' ri Dios. Jak'a iyon xa kan man yixtikir ta, xcha' chike.

San Lucas 18:1

K'ari' ri Jesús xutzijoj k'a jun k'ambel-tzij chike ri rutijoxela', richin chi nuk'ut chikiwech chi kan nik'atzin-wi chi jantape' yech'on rik'in ri Dios, y man keq'itej chubanik.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

Wuj Richin Bix Chire ri Dios 109:4

Yin janila utz xinben kik'in, jak'a rije' xa xe'ok etzelanel wichin. Man rik'in ri' yin kan jantape' yich'on awik'in.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Colosenses 1:9

Y roma ri xqak'axaj chupan ri q'ij toq xoqaqa ri qach'alal, beneq k'a ruwech oj ch'owineq-pe rik'in ri Dios iwoma rix, chi xtuben chiwe chi kan ta jebel xtiwetamaj ri rurayibel, y ri Loq'olej Espíritu xtuya' ta chiwe ronojel na'oj y etamabel.

Marcos 13:33

Rix kan jantape' tiwoyobej ri ruq'ijul ri nupetebal, roma xa man iwetaman ta jampe' xtapon ri q'ij ri'.

Colosenses 3:17

Ronojel k'a ri niqaben y ri niqabij, kan xaxe k'a pa rubi' rija', y roma rija' beneq ruwech qojmatioxin chire ri qatata' Dios.

Colosenses 2:7

Rix kan ix tikil k'a rik'in ri Cristo, y chiri' ix paban-wi-pe achi'el nipabex jun jay pa ruwi' ri ruxe'. Kan ta kuqurineq ik'u'x rik'in, achi'el ri xiwetamaj toq xik'ul ri tijonik. Y beneq ta ruwech nik'oje' matioxinik pa taq iwánima.

Colosenses 4:12

Ri Epafras nuteq-el rutzil-iwech. Y rix jebel iwetaman ruwech rija' roma chila' iwik'in rix peteneq-wi, y jun utzilej rusamajel ri Cristo. Rija' rik'in ronojel ránima nich'on rik'in ri Dios iwoma rix, richin chi rix kan xtikuqer ta ik'u'x, chi kan ta xtitz'aqet ri ik'aslen y kan ta xtiben ronojel ri nrajo' ri Dios.

1 Sam 12:23

Roma ri', kan nej ta k'a k'o chuwe yin chi xkimakun chuwech ri Jehová, richin man yich'on ta pan iwi' rix rik'in ri Jehová. Yin xa kan xkixintijoj k'a chupan ri choj laj bey.

Colosenses 3:15

Ri uxlanen richin ri Cristo ja ta ri' ri nik'oje' pa taq qánima, roma kan oj richin ri chak'ulaj richin rija' y xojoyox richin yojk'ase' rik'in uxlanibel-k'u'x. Nik'atzin k'a chuqa' chi jantape' qojmatioxin.

Wuj Richin ri Achin Job 15:4

Y wi ri abey rat keri', man jun ri xtik'oje' rukiy ri Dios chuwech. Kan man jun chik ri xtikanon richin ri Dios richin nitzijon rik'in.

Hechos 1:14

Y konojel rije' kan jantape' k'a yech'on rik'in ri Dios junan, kachibilan ri María ri rute' ri Jesús, y ri ch'aqa' chik ixoqi' y chuqa' ri e rach'alal ri Jesús.

1 Sam 1:12

Rokik ri Ana nich'on rik'in ri Jehová y kan xyaloj yan juba', ri Elí rutzuliben k'a ri ruchi'.