Colosenses 4:18 - Kaqchiquel Bible

¹⁸ Yin Pablo ninteq k'a el rutzil-iwech. Y titz'eta' k'a re ruk'isibel chire re wuj re', kan rik'in k'a nuq'a' yin xinben-wi-el. Y man timestaj chi ink'o pa cárcel. Ri rutzil ri Dios xtik'oje' ta k'a iwik'in chi'iwonojel. Kan keri' ta k'a.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Riyin Pablo rikꞌin nuqꞌaꞌ nitzꞌibꞌaj e ruxunaqil iwech. Tikꞌuxlaꞌaj chi yinkꞌo pa cheꞌ y tibꞌanaꞌ orar woma. Ri favor nduyaꞌ ri Dios kin ta xtikꞌojeꞌ pa iwiꞌ rix iwonojel.

Kaqchikel Santa Maria de Jesus

¹⁸ Inreꞌ Pablo riqꞌuin nukꞌaꞌ nitzꞌibꞌaj-el va saludo va. Y man timastaj chiva chi incꞌo pa cárcel. Ja ta ri ru-favor ri Dios ticꞌujieꞌ iviqꞌuin. Amén.

Kaqchikel Central Guatemala

¹⁸ Yin Pablo nintek c'a el rutzil-ivech. Y titz'eta' c'a re ruq'uisibel parte chire re carta re', can riq'uin c'a nuk'a' yin xinben-vi-el. Y man timestaj chi inc'o pa cárcel. Ri rutzil ri Dios xtic'oje' ta c'a iviq'uin chi'ivonojel. Que ta c'a ri'.

Re C'ac'a Testamento pa Kach'abal

¹⁸ Yen Pablo nintak-a ruxnokil-ivach. Y titz'eta' re ruq'uisibal parte cha re carta re', can riq'uin nuk'a' yen ximban-va-a. Y man timistaj che yinc'o preso. Y can-ta q'uiy utzil xtic'ul chiyixnojel riq'uin re Dios. Amén.

Kaqchikel Western Solola

¹⁸ Riyin ri Pablo ntek c'a el rutzil iwech. Y titz'eta' c'a chi can riq'ui c'a nuk'a' riyin xintz'ibaj wi el. Y ma timestaj ta chi yin ya'on pa cárcel. Ri rutzil ri Dios xtic'oje' ta c'a iwuq'ui chi'iwonojel. Amén.

Colosenses 4:18 ပူးပေါင်းရင်းမြစ်များ

Hebreos 13:3

Y man ke'imestaj ri ek'o pa taq cárcel. Tina' k'a ri q'axo'n pan iwánima, achi'el ta kan ja rix ri ix tz'apen. Y chuqa' man ke'imestaj ri ek'o pa tijoj-poqonal. Xa kan tina' chi achi'el kan ja rix ri ixk'o chupan ri q'axo'n ri'.

2 Timoteo 4:22

Ri ajaw Jesucristo xtik'oje' pan awánima rat. Y chi'iwonojel ri ixk'o chiri' xtik'oje' ta k'a ri rutzil ri Dios iwik'in. Kan keri' ta k'a.

1 Timoteo 6:21

Roma ek'o ri xeniman ri tzij ke taq ri', y roma ri' xesach, y xkich'er-el-ki' rik'in ri qitzij ruch'abel ri Dios. Y ja ta k'a ri rutzil ri Dios xtik'oje' awik'in rat Timoteo. Kan keri' ta k'a.

1 Corintios 16:21

Yin Pablo nintz'ibaj k'a el re rutzil-iwech rik'in re nuq'a'.

Hebreos 13:25

Ri rutzil ri Dios xtik'oje' ta k'a iwik'in chi'iwonojel. Kan keri' ta k'a.

Tito 3:15

Konojel k'a ri qach'alal ri ek'o wik'in nikiteq-el rutzil-awech. Y taya' k'a chuqa' rutzil-kiwech ri ch'aqa' chik qach'alal. Ri rutzil ri Dios xtik'oje' ta k'a iwik'in chi'iwonojel. Kan keri' ta k'a.

2 Timoteo 1:8

Man kak'ix naq'alajirisaj ri ruch'abel ri qajaw, ni man kak'ix woma yin, ri in k'o pa cárcel roma rija'. Paruk'exel ri' rik'in ri uchuq'a' ri nuya' ri Dios chawe, man tapoqonaj nak'owisaj tijoj-poqonal roma natzijoj ri utzilej ch'abel richin kolotajik.

Filipenses 1:7

Kan pa ruchojmilal ninben chi kan janila yixinwajo', stape' ink'o pa cárcel o nintzijoj ri utzilej ch'abel richin kolotajik roma kan ibanon-wi utzil chuwe richin in ito'on chupan ri nusamaj.

2 Tesalonicenses 3:17

Y pa ruk'isibel chire re wuj re' ninteq-el rutzil-iwech, ri kan rik'in nuq'a' yin Pablo, nubanon-wi-el. Kere' ninben chire ronojel nuwuj ri yenteq, roma kan kere' ri yitz'iban.

Colosenses 4:3

Kixch'on rik'in ri Dios pa qawi' roj chuqa', chi rija' nujeq ta achi'el jun ruchi-jay chiqawech richin chi niqatzijoj ri k'a juba' tuq'alajirisaj, chi roma ri Cristo toq yojkolotej. Y chutzijoxik k'a ri' toq xinok re pa cárcel.

Romanos 16:23

Ri qach'alal Gayo nuteq-el rutzil-iwech. Wakami pa rachoch rija' ink'o-wi, y wawe' chuqa' yepe-wi ri molaj qach'alal. Ri qach'alal Erasto nuteq-el rutzil-iwech. Ja rija' ri yakol méro richin re tinamit re'. Y keri' chuqa' nuteq-el rutzil-iwech ri qach'alal Cuarto.

Romanos 16:20

Ja ri Dios niya'on uxlanen pa taq iwánima. Y rija' xtuben yan chiwe chi yixch'akon chirij ri Satanás. Y ja ta k'a ri rutzil ri qajaw Jesucristo xtik'oje' iwik'in, xcha' ri Pablo.

Romanos 16:22

Y yin Tercio, ri yitz'iban-el ri ruch'abel ri qach'alal Pablo, ninteq-el rutzil-iwech pa rubi' ri Dios.