Colosenses 3:16 - Kaqchiquel Bible

¹⁶ Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

Kaqchikel Santa Maria de Jesus

¹⁶ Can nicꞌatzin jeꞌ chi ri ivánima nojnak riqꞌuin ri ruchꞌabꞌal ri Cristo. Can riqꞌuin nojiel noꞌj titijuoj-iviꞌ y tiyaꞌ ruchukꞌaꞌ ri ivánima chibꞌil-iviꞌ. Y tibꞌixaj rubꞌeꞌ ri Ajaf ruma ri ivánima nuyaꞌ tiox bꞌaꞌ cha. Quiꞌibꞌixaj salmos, himnos y nicꞌaj chic bꞌix ri ncaꞌlax riqꞌuin ivánima ruma cꞌo ri Espíritu Santo iviqꞌuin.

Kaqchikel Central Guatemala

¹⁶ Can nic'atzin chuka' chi ri kánima nojinek riq'uin ri ruch'abel ri Cristo. Can riq'uin ronojel etamabel tikatijola-ki' y tikacukubala' kac'u'x chikachibil ki'. Y tikabixaj rubi' ri Ajaf roma ri matioxinic ri c'o pa tak kánima. Quekabixala' c'a salmos, himnos y ch'aka' chic bix ri ye'alex pa tak kánima roma can c'o ri Lok'olej Espíritu kiq'uin.

Re C'ac'a Testamento pa Kach'abal

¹⁶ Can nic'atzin chuka' che re kánma nojnak riq'uin re ruch'abal re Jesucristo. Y ja re na'oj re pitinak riq'uin re Dios jare' re takacusaj chin ye'katijoj re kachibil, y reje' ja chuka' na'oj re' tiquicusaj chin yojquitijoj yoj, y cada jun chaka yoj takacukubula' kac'o'x chakavach-ka yoj. Y takabixaj rube' re Ajaf roma re kánma nrajo' nitioxin. Que'kabixaj salmos, himnos y nic'aj chic bix re ya'lax pa tak kánma roma c'o re Espíritu Santo kaq'uin.

Kaqchikel Western Solola

¹⁶ Can nic'atzin chuka' chi ri iwánima nojnek riq'ui ri ruch'abel ri Cristo. Can riq'ui ronojel etamabel titijola' iwi' y tipixabala' iwi' chi'iwachibil iwi'. Y tibixaj rubi' ri Ajaf ruma ri matioxinic ri c'o pa tak iwánima. Que'ibixaj salmos, que'ibixaj himnos y que'ibixaj nic'aj chic bix ri ye'alex pa tak iwánima ruma ri Lok'olaj Espíritu.

Colosenses 3:16 ပူးပေါင်းရင်းမြစ်များ

Wuj Richin Bix Chire ri Dios 119:11

Kan nuyakon k'a pa wánima ri ach'abel, richin chi man yimakun ta chawech.

Efesios 5:19

Tipixabala-iwi' rik'in ri ch'abel ri kik'uan ri jalajoj kiwech bix. Y kan kixbixan k'a richin tiya' ruq'ij ri Dios.

San Juan 15:7

Jak'a wi rix kan itunun-iwi' wik'in, y wi nik'oje' ta ri nuch'abel iwik'in rix, kan tik'utuj k'a chire ri Dios achike ri nurayij ri iwánima, y kan keri' xtibanatej.

Romanos 10:17

Richin nikikuquba' kik'u'x rik'in ri Cristo, nik'atzin chi nikak'axaj ri utzilej rutzijol ri nich'on chirij rija' y richin chi nikak'axaj k'o chi k'o jun ri nich'abalin chike.

1 Juan 2:24

Roma ri' rix, kan tik'oje' pa taq iwánima ri ch'abel ri iwak'axan-pe toq xikuquba' ik'u'x rik'in ri Cristo. Y wi ri ch'abel ri' kan xtik'oje' pa taq iwánima, jun k'a niben rik'in ri K'ajolaxel y rik'in ri Tata'ixel.

Wuj Richin ri Jeremías 15:16

Toq yach'on-pe wik'in, ri ach'abel kan ninben wichin chire. Ri ach'abel jebel nuben chuwe y jari' ri nibanon chire ri wánima richin nikikot, roma yin kan in awichin rat Jehová, Dios k'iytisanel richin ronojel.

Efesios 1:17

Nink'utuj chire ri Dios chi ri Espíritu kan ta pa ruk'iyal ri na'oj ri xtuya' chiwe, y chi k'iy ta xtuq'alajirisaj chiwech richin niwetamaj más ruwech ri Dios.

Wuj Richin ri Achin Job 23:12

Kan man jun bey k'a ri nujech'en ta el wi' chire ri pixa' ri rubin, kan nubeyomel k'a nubanon chire ri ch'abel ri e eleneq-pe pa ruchi', más ke chuwech ri nuway.

Santiago 3:17

Jak'a wi ja ri etamabel ri peteneq chila' chikaj rik'in ri Dios ri k'o iwik'in, re' nuben k'a chiwe chi nik'uaj jun k'aslen ch'ajch'oj, chi man niben ta oyowal, utz niben kik'in konojel, niwak'axaj jebel ri achike nikajo' ri winaqi' chiwe, y chi kan nijoyowaj kiwech konojel. Kan niben ronojel ri utz; man niben ta rukojol, ni man ka'i' ta ipalej chuqa'.

2 Juan 1:2

Roma k'o ri qitzij ri pa taq qánima, roma ri' niqajowala-qi'. Ri qitzij xtik'oje' k'a qik'in richin jantape'.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

Colosenses 1:9

Y roma ri xqak'axaj chupan ri q'ij toq xoqaqa ri qach'alal, beneq k'a ruwech oj ch'owineq-pe rik'in ri Dios iwoma rix, chi xtuben chiwe chi kan ta jebel xtiwetamaj ri rurayibel, y ri Loq'olej Espíritu xtuya' ta chiwe ronojel na'oj y etamabel.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

Colosenses 4:6

Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.

Efesios 5:17

Roma ri' man tiben achi'el ri nakaneq taq winaqi'. Xa kan nik'atzin chi niq'ax ta chiwech ri rurayibel ri qajaw pan iwi'.

Wuj Richin Bix Chire ri Dios 28:7

Rat Jehová yinato' y naya' wuchuq'a'. Yin ninkuquba' nuk'u'x awik'in, y roma ri' rat yinato'. Kan janila nikikot ri wánima, y roma ri' yibixan richin ninmatioxij chawe.

Santiago 5:13

Y wi k'o jun chi'ikojol ri k'o pa tijoj-poqonal, tich'on rik'in ri Dios. Wi k'o jun nikikot ri ránima, tubixaj rubi' ri Dios.

Wuj Richin Bix Chire ri Dios 71:23

Rik'in k'a kikoten xtinya' aq'ij. Chuqa' xkikikot roma xinakol.

Tito 3:6

Ri Dios, roma ri qakolonel Jesucristo, xuya' ri Loq'olej Espíritu chiqe richin jantape'.

1 Corintios 14:26

Wach'alal, ri ruk'amon chi niben toq nimol-iwi'; wi ek'o chiwe rix ri yebixan, ri yetijon, ri yeq'alajirisan ri ruch'abel ri Dios, ri yech'on pa ch'aqa' chik ch'abel y ri yeq'axan, ronojel ta re' nik'atzin ta chi ri qach'alal yek'iy rik'in ri kik'aslen.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

Colosenses 1:28

Roj kan ja ri Cristo ri niqaq'alajirisaj. Niqabij chike konojel chi tikiya' kan ri mak, y rik'in ronojel etamabel yeqatijoj konojel, roma niqajo' chi kan tz'aqet ta ri kik'aslen toq ye'apon-q'anej rik'in ri Dios.

Wuj Richin Bix Chire ri Dios 32:7

Ja rat ri at nutobal. Kan xkinato' k'a chuwech ri bis. Kan xtaben k'a chuwe richin xkibixan roma kikoten.

Wuj Richin ri Nehemías 12:46

Toq k'a e k'es na ri David y ri Asaf, ri ojer kan xek'oje' aj-raqen chikikojol ri bixanela' toq yebixan richin nikiya' ruq'ij ri Dios y yematioxin chire.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

1 Juan 2:14

Rix ak'uala', nintz'ibaj chuqa' re' chiwe roma iwetaman chik ruwech ri Tata'ixel. Chiwe rix te'ej-tata'aj nintz'ibaj k'a re' roma kan iwetaman chik ruwech ri jun ri kan k'o-wi-pe toq man jani k'o ta re ruwach'ulew. Rix k'ajola', nintz'ibaj k'a re' chiwe roma k'o iwuchuq'a'; ri ruch'abel ri Dios kan k'o chik ri pa taq iwánima, y kan ix ch'akowineq chirij ri Itzel-Wineq.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

2 Tesalonicenses 3:15

Jak'a man tiwetzelaj. Xa tipixabaj, achi'el ruk'amon chire jun qach'alal.

1 Tesalonicenses 4:18

Roma ri' tikuqubala' ik'u'x chi'iwachibil-iwi', rik'in re ch'abel re'.

1 Corintios 14:15

¿Achike k'a ri k'o chi ninben? Roma yin ninwajo' yich'on rik'in ri Dios rik'in ri wánima y rik'in chuqa' ri nunojibal. Y keri' chuqa' ninwajo' yibixan rik'in ri wánima y rik'in chuqa' ri nunojibal.

San Mateo 26:30

Y toq kibixan chik k'a ri bix richin nikiya' ruq'ij ri Dios, ri Jesús y ri rutijoxela' xe'el-el ri chiri' pa jay y xebe ri pa juyu' richin Olivo.

Wuj Richin Etamabel-Tzij 14:8

Kan q'alaj wi k'a toq ri wineq k'o runa'oj, roma kan jebel nuchajij-ri' chire ri rubanobal; jak'a ri maneq runa'oj y roma ri' ch'obon man ch'obon nuben, xa ruyon k'a nuq'ol ri'.

Wuj Richin Bix Chire ri Dios 138:1

Jehová, rik'in ronojel wánima xtinya' aq'ij; chikiwech k'a ri ch'aqa' chik dios xtinya' aq'ij rik'in bix.

Wuj Richin Bix Chire ri Dios 119:54

Jehová, ri apixa' rat kan jari' k'a nok nubix yin, xabakuchi yik'oje-wi.

Romanos 15:14

Wach'alal, yin wetaman chi kan utz wi ri ik'aslen, chi kan ix nojineq rik'in etamabel y chuqa' yixtikir ye'itijoj ri qach'alal.

San Lucas 2:51

K'ari' ri ak'ual junan k'a xtzolin kik'in rije' pa kitinamit Nazaret, y kan janila k'a nunimaj kitzij. Y ronojel ri xbanatej rik'in ri ak'ual, ri María xeruyek k'a pa ránima.

1 Crón 25:7

Ri kajlabal ri q'ojomanela' richin nikiya' ruq'ij-ruk'ojlen ri Dios, konojel k'a rije' e 288.

Wuj Richin ri Isaías 10:2

Y ri pixa' ri' xa nubij chiwe chi man nitz'aqet ta ri k'o chi niya' chike ri man jun k'o kik'in. Nubij chuqa' chi man k'atzinel ta niya'ox ri ruchojmilal chike ri e poqonatajineq. Ri pixa' ri' nubij chiwe chi man niya' ta kejqalen ri malkani', y chi nuya' q'ij chi k'o niweleq'aj kik'in ri taq meba'i'.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.

Wuj Richin ri Isaías 30:29

Jak'a chiwe rix nuwinaq israelita kan xtibebixex bix, achi'el toq niban nimaq'ij pa tinamit Sión. Kan xtikikot janila ri iwánima, achi'el nikikot kánima ri nikixupuj xul toq yejote-el pa Jerusalem richin nikiya' ruq'ij ri Jehová ri k'o janila ruchuq'a'.

Wuj Richin ri Isaías 26:1

Chupan ri q'ij ri' xtibixex re bix re' chupan ri ruwach'ulew Judá: Ri qatinamit k'o k'a jun rutobal. Ja ri Jehová ri achi'el tobel ri rubanon chiri'.

Wuj Richin ri Isaías 5:1

Xtinbenbixaj k'a re jun bix re' chire ri wachibil ri janila ninwajo', Re bix re' richin ri rutiko'n richin uva. Ri wachibil kan k'o k'a jun rutiko'n richin uva ri rubanon-qa, pa jun ulew ri akuchi niwachin-wi ronojel ruwech tiko'n.

Wuj Richin ri Nimalej Bix 1:1

Chupan re wuj re' nilitej ri nimalej bix richin ri Salomón.

Apocalipsis 14:3

Chuwech k'a apo ri akuchi tz'uyul-wi ri Dios y ri akuchi ek'o-wi ri achi'a' ri k'o kiq'ij y ri e kaji' ri k'o kik'aslen, chiri' yebixan-wi, y jun k'ak'a' bix k'a ri nikibixaj. Y kan man jun k'a nitikir netaman ri bix ri', xa kan xaxe ri e 144,000 ri e kolotajineq chik el chuwech ri ruwach'ulew.

Wuj Richin Etamabel-Tzij 18:1

Ri wineq ri ruyon rija' nrajo' nik'oje', kan ja ri itzel taq rurayibel rija' ri nuben; roma ri' rija' kan niyakatej stape' chirij ri utzilej na'oj, roma man niqa' ta chuwech ri chojmilal.

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

1 Tesalonicenses 1:8

Y man xaxe ta ri aj-Macedonia y ri aj-Acaya kak'axan chi rix ikuquban ik'u'x. Xa kan chijun ruwach'ulew nitzijox-wi. Y roma ri' man nik'atzin ta chi roj yojtzijon pa ruwi' ri'.