Colosenses 3:12 - Kaqchiquel Bible

¹² Ri Dios yalan yojrajo', xojrucha' y xuben chiqe chi xojok loq'olej. Roma ri' nik'atzin chi beneq ruwech tik'oje' ri joyowanik qik'in, utz qana'oj tiqabana', man ta niqanimirisaj-qi', oj ch'uch'uj ta y yojkoch'on ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Ri Dios kin rix rojowan wi pe, y xixruchaꞌ chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik, rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen.

Kaqchikel Santa Maria de Jesus

¹² Ri Dios altíra nkojrajoꞌ; can xojruchaꞌ y oj santos ralcꞌual. Rumareꞌ nicꞌatzin chi siempre nakajoyovaj quivach quinojiel. Nicꞌatzin chi kabꞌanaꞌ chꞌuteꞌn, otz kanoꞌj quiqꞌuin quinojiel, kacachꞌoꞌ nojiel ri nipa chikij, ticꞌujieꞌ ka-paciencia.

Kaqchikel Central Guatemala

¹² Ri Dios yalan yojrajo', xojrucha' y xuch'ajch'ojirisaj ri kac'aslen. Roma c'a ri' nic'atzin chi benek-ruvech tic'oje' ri joyovanic kiq'uin. Nic'atzin chi utz kana'oj quiq'uin conojel, chi man nikanimirisaj ta ki', oj ch'uch'uj ta y yojcoch'on ta.

Re C'ac'a Testamento pa Kach'abal

¹² Re Dios camas yojrajo', xojrucha' y xuch'ojersaj re kac'aslen. Mare' nic'atzin che can nojel tiempo re kánma nijoyovan. Nic'atzin che otz kana'oj quiq'uin conojel, y man takaban che c'o kak'ij, ch'o'l-ta re kánma y yojcoch'on-ta.

Kaqchikel Western Solola

¹² Rumac'ari' tek riyin nbij chiwe riyix ri yix rucha'on ri Dios, ri yix lok'olaj tak ralc'ual, y sibilaj yixrajo': Can tiwika' c'a iwi' riq'ui ri nuc'om pe ri c'ac'ac' c'aslen. Nic'atzin chi tijoyowaj iwech chi'iwachibil iwi'. Nic'atzin chi utz ina'oj quiq'ui quinojel, ma ninimirisaj ta iwi', yix ch'uch'uj y c'o coch'onic iwuq'ui.

Colosenses 3:12 ပူးပေါင်းရင်းမြစ်များ

Efesios 4:32

Xa kan xaxe ri utz tibanala' chiwachibil-iwi'. Kixajowan y kixkuyun, kan achi'el xuben ri Dios chi xukuy qamak roj roma ri Cristo.

Efesios 4:2

Tiqasaj-iwi', kixok ch'ach'ik, ch'uch'uj y ke'ikocho' ri ch'aqa' chik rik'in ajowabel.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

Colosenses 3:10

Wakami jun k'ak'a' k'aslen ik'uan. Y ri Dios nuben k'a chiwe richin chi yixok más achi'el rija', richin niwetamaj más ruwech.

2 Pedro 1:10

Y roma ri' wach'alal ri ix oyon y ri ix cha'on roma ri Dios, kan titija' iq'ij chi kan niq'alajin ronojel re' chupan ri ik'aslen, richin keri' man yixtzaq ta.

1 Tesalonicenses 5:15

Y wi k'o ri xkebanon etzelal chiwe, man tiben ruk'exel chike. Xa titija' iq'ij niben ri utz chike ri qach'alal, y chike konojel winaqi'.

2 Corintios 6:6

Kan niq'alajin-wi chi oj rusamajela' ri Dios roma ch'ajch'oj ri qak'aslen, qetaman ri qitzij, nim qánima, oj utz kik'in ri winaqi', ri ajowabel ri k'o qik'in kan qitzij, k'o ri Loq'olej Espíritu qik'in,

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Gálatas 5:6

Roma ri' roj ri oj richin chik ri Cristo, man jun nuben chiqe wi yojqupix richin ri retal, o man yojqupix ta. Ri nik'atzin, ja ri qakuqubabel-k'u'x rik'in rija', y rik'in ri' niqak'ut ri ajowabel kik'in ri ch'aqa' chik.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

2 Timoteo 2:10

Y koma ri winaqi' ri nrajo' ri Dios chi yekolotej, toq yin ninkoch' ronojel tijoj-poqonal. Richin keri' kan nikil ri kolotajik ri nuya' ri Cristo Jesús, y kan xtik'oje' kiq'ij-kik'ojlen richin jantape'.

Romanos 1:7

Y re wuj re' chiwe rix qach'alal ninben-wi-el. Ri Dios janila yixrajo' y xixroyoj richin xixruch'er chire rija'. Kan ja ta k'a ri utzil y ri uxlanen ri peteneq rik'in ri Qatata' Dios y ri ajaw Jesucristo xtik'oje' pa taq iwánima chi'iwonojel.

Tito 1:1

Yin Pablo, jun rusamajel ri Dios y jun taqon roma ri Jesucristo. Ri Dios xiruteq chikito'ik ri e cha'on roma rija', richin nikikuquba' más kik'u'x rik'in y niketamaj ta jebel ri qitzij, ri yojruk'uaj chupan ri utzilej k'aslen ri nrajo' ri Dios.

San Mateo 24:31

Y jak'a chuqa' ri' toq ri trompeta xtiq'ajan, y yin xkenteq k'a ri nu-ángel chikimolik ri e nucha'on chik. Kan xkekimol-wi k'a pe re kere' pa relebel-q'ij y pa qajibel-q'ij, pa xokon y pa xaman. Kan xkekimol-wi k'a pe ri akuchi nitiker-pe ri jun rutza'n re kaj, k'a la jun chik rutza'n.

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

Wuj Richin ri Isaías 63:15

Wakami k'a rat qa-Dios, katzu'un k'a pe ri k'a akuchi atk'o-wi; y tatz'eta' jebel k'a chupan ri loq'olej atz'uyubal ri akuchi nitz'etetej-wi ri aruwaq'ijaj. ¿Akuchi k'o-wi ri awajowabal y ri nimalej awuchuq'a'? ¿Akuchi k'o-wi ri ana'oj? Rik'in juba' xk'is yan ri joyowanik ri k'o awik'in pa qawi' roj.

San Lucas 1:78

Y ri', xaxe roma ri qa-Dios nujoyowaj qawech rik'in ronojel ajowabel. Roma ri' nuteq-pe ri jun ri nosaqirisan qichin, kan achi'el ri q'ij ri nimaq'a' yan ri xtiqaqa-pe chila' chikaj.

Marcos 13:27

Jari' toq yin xkenteq ri nu-ángel chikoyoxik ri e nucha'on chik. Kan xkekimol k'a pe re kere' pa relebel-q'ij, pa qajibel-q'ij, pa xaman y pa xokon. Kan xkekimol k'a pe chijun ruwach'ulew, nitiker-pe pa jun rutza'n re kaj napon k'a la jun chik rutza'n.

Efesios 4:24

Tik'uaj k'a ri k'ak'a' k'aslen ri ruya'on ri Dios chiwe; jun k'aslen achi'el richin ri Dios, ri kan qitzij wi chi choj y ch'ajch'oj.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Filipenses 1:8

Kan retaman k'a ri Dios chi yin kan janila yixinwajo' chi'iwonojel, kan achi'el ri ajowabel ri k'o rik'in ri Jesucristo.

Efesios 1:4

Roma toq k'a man jani k'o ta re ruwach'ulew, jari' toq ri Dios xojrucha' yan richin xojok richin rija' roma ri xaxe jun xqaben rik'in ri Cristo. Richin chi xojok loq'olej y man ta jun mak k'o pa taq qak'aslen. Kan roma k'a ri ajowabel ri k'o rik'in ri Dios.

Romanos 9:11

Jak'a toq man jani ke'alex, ri Dios xubij*f18* yan chire ri te'ej chi ri nimalaxel xtrilij ri chaq'laxel. Y roma ri xkik'uluwachij kik'in ri ka'i' ak'uala' ri', kan niq'alajin-wi chi ri Dios man xerucha' ta roma ri utzilej kibanobal, o xeretzelaj roma ri kibanobal man utz ta. Jak'a rija' yerucha' ri nrajo' rija'.

Marcos 13:22

Roma kan ek'o k'a ri xkebek'ulun-pe y xtikibila' chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Marcos 13:20

Ri Dios xtuqasaj juba' ri q'ij richin ri tijoj-poqonal ri'. Jak'a wi man ta xtuqasaj ri q'ij ri', kan man jun ta xtikolotej kan. Jak'a roma ri rutzil ri Dios pa kiwi' ri e rucha'on chik, kan xtuqasaj k'a ri q'ij ri'.

San Mateo 24:22

Ri Dios xtuqasaj juba' ri q'ij richin ri tijoj-poqonal ri'. Jak'a wi man ta xtuqasaj ri q'ij ri', kan man jun ta xtikolotej kan. Jak'a roma ri rutzil ri Dios pa kiwi' ri e rucha'on chik, kan xtuqasaj k'a ri q'ij ri'.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Wuj Richin ri Isaías 65:22

Man xtibanatej ta chi ja ri ch'aqa' winaqi' yepaban-q'anej ri jay, y xa ch'aqa' chik yek'oje' kan chupan. Chuqa' man xtibanatej ta chi ja ri ch'aqa' winaqi' nikiben-qa ri kitiko'n, y xa ch'aqa' chik yetijo ri ruwech. Ri nuwinaq kan xkeyaloj xkek'ase-el, achi'el nik'ase' jun che'. Rije' kan xtikitej ronojel ri nikisamajij-qa.

Wuj Richin ri Isaías 65:9

Jak'a kan xtinben chi xkek'oje' kan rijatzul ri Jacob, y kan xtinben chi xkek'oje' kan winaqi' chiri' pa Judá, ri xkek'ase' chiri' pa taq nujuyu'. Ri xencha' kan yin, kan xtikichinaj kan ri ruwach'ulew ri', y ri nusamajela' kan chiri' xkek'oje-wi kan.

Wuj Richin ri Isaías 45:4

Roma ri wajowabal pa kiwi' ri nuwinaq israelita, ri kan e nucha'on, kan ja yin xkibanon richin xtinimer ri aq'ij, stape' rat kan man awetaman ta nuwech.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

2 Juan 1:13

Ri e ral ri awach'alal ri janila nawajo'*f2* nikiteq-el rutzil-awech. Kan keri' ta k'a.

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Romanos 13:14

Nik'atzin k'a chi jun tiqabana' rik'in ri ajaw Jesucristo, y man tiqach'ob niqaya' q'ij chike ri itzel taq rayinik.

1 Corintios 13:4

Ri ajowabel kan nuben-wi k'a chi k'o koch'onik. Nuben chi utz qana'oj kik'in konojel. Chuqa' nuben chi maneq ch'upun-k'u'x qik'in, y nuben chuqa' chi man niqanimirisaj ta qi'.