Colosenses 2:10 - Kaqchiquel Bible

¹⁰ Rix kan k'o chik ri Cristo pa taq iwánima y xaxe rija' ri nitz'aqatisan ri ik'aslen. Ja rija' ri k'o pa kiwi' ri ángel, y ri k'o uchuq'a' pa kiq'a' ri ek'o pa kaq'iq'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Y nojel ri ndikꞌatzin chin ri kꞌakꞌakꞌ ikꞌaslen, yoꞌon chiwa roma xe jun ibꞌanun rikꞌin ri Cristo ri kꞌo pa kiwiꞌ konojel espíritu nimaꞌq teq kiqꞌij y konojel espíritu ri kꞌo uchuqꞌaꞌ pa kiqꞌaꞌ.

Kaqchikel Santa Maria de Jesus

¹⁰ Ixreꞌ man jun chic kax nquixrajoꞌ ruma cꞌo chic ri Cristo riqꞌuin ivánima. Y ja ri Cristo ri cꞌo pa quiveꞌ ri ángeles y ri cꞌo autoridad pa quikꞌaꞌ ri icꞌo chicaj.

Kaqchikel Central Guatemala

¹⁰ Rix can c'o chic ri Cristo pa tak ivánima. Y xaxe c'a rija' ri nitz'akatisan ri ic'aslen. Y xa chuxe' c'a rutzij rija' ec'o-vi ri ángeles y ri c'o uchuk'a' pa quik'a'. Ja ri Cristo ri ruc'amon chi nikaya' ruk'ij.

Re C'ac'a Testamento pa Kach'abal

¹⁰ Yex can c'o chic re Jesucristo pa tak ivánma. Y mare' can ivilon chic ronojel re ndoc cha re ic'aslen. Y pa ruk'a' reja' jec'o-va re ángeles y re c'o poder pa quik'a'. Ja re Jesucristo re otz che nakaya' ruk'ij.

Kaqchikel Western Solola

¹⁰ Y riyix can tz'aket chic ri ic'aslen ruma xa jun chic ibanon riq'ui ri Cristo. Y can ya wi Riya' ri c'o pa quiwi' ri ángeles y pa quiwi' ri c'o k'atbel tzij pa quik'a'.

Colosenses 2:10 ပူးပေါင်းရင်းမြစ်များ

Efesios 3:19

Kan xtiwetamaj ta k'a más chirij ri ajowabel ri k'o rik'in ri Cristo; stape' ri ajowabel ri' man jun bey xtiq'ax ta chiqawech jebel, roma kan janila nim. Keri' nink'utuj chire ri Dios pan iwi' roma ninwajo' chi kan jantape' nojineq ta ri iwánima chiretamaxik achike rubanik ri Dios.

1 Pedro 3:22

Rija' xbe chila' chikaj, y wakami k'o-apo pa rijkiq'a' ri Dios. Kan pa ruq'a' k'a rija' ek'o-wi ri ángel, ri q'atoy taq tzij aj-chikajil, y ronojel ri uchuq'a' ri ek'o.

Hebreos 5:9

Y toq xtz'aqet ri k'o chi xok rija', kan jari' xok qitzij kolonel ri kan nitikir nuya' kolotajik richin jantape' chike konojel ri yeniman rutzij.

San Juan 1:16

Kan qonojel k'a roj qak'ulun ri rutzil ri ch'abel ri'. Kan man xaxe ta k'a jun bey ri ruya'on-pe pa qawi', xa kan kitzeqelibelon-pe-ki' ri utzil ri yeruya-pe pa qawi'.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.

San Mateo 28:18

Ri Jesús kan xjel k'a apo kik'in richin nitzijon, y xubij: Ronojel kan pa nuq'a' k'a yin jachon-wi, kan keri' chila' chikaj y keri' chuqa' wawe' chuwech re ruwach'ulew.

1 Corintios 15:24

Y k'ari' k'a xtapon ri ruk'isibel q'ij, toq ri Cristo xtich'akon chikij ri q'atbel taq tzij, y ri k'o uchuq'a' pa kiq'a'. Y toq ch'akowineq chik chikij konojel, xtuya' ri ruq'atbel-tzij chire ri Dios ri Qatata'.

Efesios 3:10

Ri Dios nrajo' k'a chi ri ángel y ri ch'aqa' chik ri k'o uchuq'a' kik'in ri ek'o chila' chikaj tikitz'eta' ri utzil ri nuben qik'in roj ri qakuquban qak'u'x rik'in. Y keri' tiketamaj k'a chi ri Dios janila k'iy na'oj k'o rik'in.

Colosenses 2:15

Y rik'in ri' xq'alajin chi ri Cristo k'o más ruchuq'a' chikiwech ri ángel, y ri k'o uchuq'a' pa kiq'a' ri ek'o pa kaq'iq'. Toq xken chuwech cruz, xuqasaj kiq'ij y xeruxim-el konojel richin xetzeqe-el chirij achi'el xeruchop-pe pan oyowal.