Colosenses 1:23 - Kaqchiquel Bible

²³ Jak'a nik'atzin chi kan kow yixk'oje' chupan ri ikuqubabel-k'u'x rik'in ri Dios y man jun bey tich'ob richin niya' kan ri oyobenri'il ri k'o iwik'in rix roma xiwak'axaj ri utzilej ch'abel richin kolotajik, ri talutajineq chuwech chijun ruwach'ulew, ri yin chuqa' in oyon richin ninch'abalij.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel chin ndibꞌa más rutzijol.

Kaqchikel Santa Maria de Jesus

²³ xa ketzij chi cof ixcꞌo chupan ri cukbꞌal cꞌuꞌx riqꞌuin ri Dios y man jun kax nisiluon ivichin. Nicꞌatzin chi riqꞌuin nojiel ivánima ntivoyoꞌiej-apa ri nuꞌej chupan ri evangelio. Ixreꞌ can ivaxan chic otz, y ja jeꞌ reꞌ ri ya xbꞌaka quiqꞌuin quinojiel ri vinak ri icꞌo choch-ulief. Y chi nitzijos, ri Dios xuꞌon chuva inreꞌ Pablo chi xinuoc rusamajiel.

Kaqchikel Central Guatemala

²³ Pero nic'atzin chi can nicuker-vi ic'u'x riq'uin ri Dios y man jun bey tich'ob niya' can. Can man c'a quixsilon-el. Nic'atzin chi can riq'uin ronojel ivánima nivoyobej-apo ri utzil ri nubij chupan ri utzilej ch'abel richin colotajic. Rix can jebel vi ivetaman ri ch'abel ri', y ja chuka' ri' ri apovinek chic quiq'uin ri ch'aka' chic vinek ri ec'o chuvech re ruvach'ulef. Y richin chi nitzijox ri utzilej ch'abel ri', ri Dios xuben chuve yin Pablo chi xinoc rusamajel.

Re C'ac'a Testamento pa Kach'abal

²³ Pero nic'atzin che can niban confiar-ivi' riq'uin re Dios y man jun bey tinojij che niya' can. Can man jun c'a tisilon ivichin. Nic'atzin che can riq'uin ronojel ivánma niyabej-apo re herencia re nubij chupan re utzulaj ch'abal chin re Dios re nibex evangelio cha. Yex can jabal itaman re ch'abal re', y ja chuka' re' re aponak chic quiq'uin re nic'aj chic vinak re jec'o chach re ruch'ulef. Y chin che nitzijos re utzulaj ch'abal re', re Dios xuban chua yen Pablo che xinoc rusamajel.

Kaqchikel Western Solola

²³ Quec'ari' xtuben chiwe wi kas kitzij chi cof yixc'oje' chupan ri icukbel c'u'x riq'ui ri Dios y majun bey yixsilon ta el. Y nic'atzin c'a chi can riq'ui ronojel iwánima niwoyobej apo ri utzil ri nubij chupan ri lok'olaj ch'abel ri niya'o colotajic. Riyix can jabel wi iwetaman ri ch'abel ri', y ya chuka' ri' ri aponak rutzijoxic chique quinojel ri winek ri yec'o chuwech re ruwach'ulef. Y riche (rixin) chi nitzijox ri lok'olaj ch'abel ri', ri Dios xuben chuwe riyin ri Pablo chi xinoc jun rusamajel.

Colosenses 1:23 ပူးပေါင်းရင်းမြစ်များ

Hebreos 3:14

Roj jun qabanon rik'in ri Cristo, roma xqakuquba' qak'u'x rik'in toq xqanimaj. Jak'a nik'atzin chi man tiqaya' kan, y jantape' tiqakuquba-apo qak'u'x rik'in, achi'el ri qabanon-pe.

Hebreos 3:6

Jak'a ri Cristo man choj ta samajel richin ri Dios, achi'el ri Moisés. Rija' kan Ruk'ajol-wi ri Dios. Y man xqojrumalij ta kan roj ri oj ruwinaq chik ri Dios, wi niqakuquba-apo qak'u'x rik'in, y rik'in kikoten niqoyobej-apo ri q'ij toq xtibeqila' ronojel ri utzil.

Hebreos 10:38

Ri winaqi' ri choj kik'aslen kan xkek'ase' rik'in ri kikuqubabel-k'u'x. Jak'a wi xkinkimalij kan, man xtikikot ta ri wánima kik'in.

Gálatas 6:9

Roma ri' man k'a qojkos chubanik ri utz, y man niqaya' kan rubanik. Wi keri' xtiqaben-apo, kan xtiqak'ul rajel-ruk'exel toq xtapon ri q'ij.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

Efesios 3:17

Ja ta ri Cristo xtik'oje' pa taq iwánima roma ri kuqubabel-k'u'x ri k'o iwik'in, y ronojel ri niben y ri nich'ob ja ta ri ajowabel ri ruxe'.

Romanos 10:18

¿Kan qitzij kami chi ri nuwinaq judío man xkak'axaj ta? Ja', kan xkak'axaj-wi, roma chupan ri tz'ibatel kan, nubij: Kan chuwech k'a chijun ruwach'ulew niq'alajin-wi ri kitzijol rije'. Kan k'a pa ruk'isibel k'a chire re ruwach'ulew niq'alajin-wi, nicha'.*f35*

Hebreos 6:19

Ri kuqubabel-k'u'x ri' rubanon chiqe chi achi'el xa ta oj yuqul rik'in ri Dios rik'in jun kolo' ri janila ruchuq'a'. Ri qoyoben-apo ja ri Jesús ri xuq'axaj yan ri tasbel rupan ri rachoch ri Dios ri k'o chila' chikaj.

1 Tesalonicenses 3:5

Y roma ri man xinkoch' ta chik, roma ri' xinteq-el ri Timoteo iwik'in, richin xberetamaj-pe achike ibanon rik'in ri ikuqubabel-k'u'x. Roma xinbij chi rik'in juba' ri Itzel-Wineq xixruya' pa jun pikbel, y xa man jun xk'atzin-wi ri samaj ri xqaben chi'ikojol.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

2 Corintios 3:6

Ja rija' k'a ri xbanon chiqe richin niqasamajij ri jun k'ak'a' jikibel-tzij. Ri jikibel-tzij ri' man tz'iban ta chuwech tz'alem taq abej. Xa kan tz'iban k'a rik'in ri Espíritu. Roma ri jikibel-tzij ri tz'iban chuwech tz'alem taq abej man nuya' ta k'aslen. Jak'a ri tz'iban rik'in ri Espíritu, kan nuya-wi k'aslen.

Hechos 2:5

Ri chiri' pa tinamit Jerusalem ri q'ij ri', e apowineq janila judío ri e peteneq pa ch'aqa' chik ruwach'ulew.

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Colosenses 1:25

Yin xinok k'a samajel richin ri ch'akulaj ri' y ri samaj ri xuya' ri Dios chuwe ja ri chi'ikojol rix ri man ix nuwinaq ta. rija' nrajo' k'a chi nintzijoj ronojel ri ruch'abel chiwe.

San Juan 15:6

Wi rix man itunun ta iwi' wik'in, xa xkixelesex-el. Wi keri' xa ix achi'el jun ruq'a' ri juwi-uva ri xa chaqi'j chik ri yebemol-pe richin yek'aq pa q'aq'.

San Lucas 22:32

Jak'a yin kan in ch'owineq-wi-pe rik'in ri Dios, pan awi' rat, richin keri' kan takuquba' ak'u'x wik'in. Jak'a toq xtitzolin-pe ak'u'x wik'in, tabana' chike ri ch'aqa' chik nutijoxela' chi kan tikikuquba-wi kik'u'x wik'in, xcha' ri Jesús.

1 Pedro 1:3

Tiqaya' k'a ruq'ij ri ru-Dios y rutata' ri qajaw Jesucristo. Rija' kan janila xujoyowaj qawech, roma ri' xuben chiqe chi xojalex chik jun bey rik'in ri ruk'astajibal ri Jesucristo. Y re' kan nuben k'a chiqe chi k'o jun oyobenri'il qik'in ri man k'isel ta.

Hebreos 4:14

Roj kan k'o k'a jun qanimalej sacerdote apowineq chila' chikaj ri kan xapon rik'in ri Dios, y ri' ja ri Jesús ri Ruk'ajol. Roma ri' man tiqaya' kan ruq'alajirisaxik chi qaniman.

Colosenses 2:7

Rix kan ix tikil k'a rik'in ri Cristo, y chiri' ix paban-wi-pe achi'el nipabex jun jay pa ruwi' ri ruxe'. Kan ta kuqurineq ik'u'x rik'in, achi'el ri xiwetamaj toq xik'ul ri tijonik. Y beneq ta ruwech nik'oje' matioxinik pa taq iwánima.

Gálatas 5:7

Ri pa nabey, kan choj-wi ix beneq. Jak'a re wakami, ¿achike k'a xbanon chiwe chi man niwajo' ta chik ninimaj ri qitzij?

2 Corintios 6:1

Roj kan junan rik'in ri Dios niqaben ri samaj chi'ikojolil rix, kan niqachilabej k'a chiwe chi man tiben chi xa man jun rejqalen ri rutzil ri Dios ri ruya'on chik pe chiwe.

Marcos 16:15

Jari' toq xubij kan chike: Kan kixbiyin chuwech re ruwach'ulew y titzijoj ri utzilej ch'abel richin kolotajik chike konojel ri winaqi'.

Wuj Richin ri Sofonías 1:6

Kan xkenk'is k'a el konojel ri nikich'er kan ki' wik'in yin Jehová, y chuqa' konojel ri man yinkikanoj ta y ri man yinkik'ulubej ta.

Deut 4:19

Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Deut 2:25

Y ri Jehová xubij chi xtuben chike konojel winaqi' richin ri ruwach'ulew chi xtikik'en qakiy y xtikixibij-ki' toq xtikak'axaj ri qatzijol, y roma ri' rije' kan xkebaybot y xtipe bis kik'in.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

Tito 3:7

Y roma ri rutzil ri Jesucristo, man jun qamak yojk'ulun chuwech ri Dios, y xqak'ul yan ri utzilej k'aslen ri man xtik'is ta, ri qoyoben.

1 Timoteo 2:7

Y yin xirucha' ri Dios richin xinok jun taqon roma ri Cristo y richin xinchop rutzijoxik ri qitzij ruch'abel rija' chike ri winaqi' ri man e judío ta y richin chi yentijoj chire ri kuqubabel-k'u'x rik'in ri Cristo. Ri ninbij kan qitzij, y man nintz'uk ta.

1 Timoteo 1:12

Ja ri qajaw Jesucristo ri yoyon wuchuq'a' chi ninben re samaj re'. Y yin ninmatioxij chire roma xukuquba' ruk'u'x wik'in, y roma ri' xirucha' richin xinok rusamajel.

2 Tesalonicenses 2:16

Ri qakolonel Jesucristo y ri tata'ixel ri janila xojrajo' y xuya' kuqubabel-k'u'x chiqe richin qoyoben ri q'ij toq xqojbe chila' chikaj roma ri rutzil,

1 Tesalonicenses 5:8

Jak'a roj ri oj richin ri saqil, tiqana' jebel ri achike yeqabanala'. Kan tiqakuquba' qak'u'x rik'in ri Jesucristo, y qojajowan, achi'el nuben jun aj-labal ri nukusaj ri rutobal ruwa-ruk'u'x. Chuqa' k'o chi niqaq'et-qi' rik'in ri qach'obonik, achi'el ri aj-labal ri nukusaj rutobal rujolon.*f3*

1 Tesalonicenses 3:3

Man xqajo' ta chi rix xsach ta ik'u'x chupan ri tijoj-poqonal, roma rix iwetaman chi pa qak'aslen ri qakuquban qak'u'x rik'in ri Jesucristo, kan k'o-wi tijoj-poqonal.

Efesios 4:16

Roma ja ri Cristo niyuqen qichin, roma ri' qonojel junan yojsamej, xa kan achi'el nuben ri ruch'akul jun wineq toq ronojel ruq'a' raqen e utz y nikitola-ki'. Toq niqaben rik'in ajowabel ri samaj ri ya'on chiqe chiqajujunal, kan yojk'iy chupan ri qak'aslen rik'in ri Dios.

Efesios 2:21

Ja rija' chapayon ri jay ri' y nuben chire chi nik'iy k'a toq xtok na jun loq'olej rachoch ri Dios.

Gálatas 5:5

Jak'a roj kan qoyoben chi man jun qamak yojk'ulun chuwech ri Dios, roma kan xqakuquba' qak'u'x rik'in ri Cristo. Y re kolotajik re' kan qoyoben roma ri ruchuq'a' ri Loq'olej Espíritu ri k'o pa taq qánima.

Gálatas 4:11

Roma ri' yin ninna' chi ri samaj ri xinben iwik'in, achi'el xa ta man jun xk'atzin-wi.

2 Corintios 11:23

Chi rije' e rusamajela' ri Cristo. Yin chuqa'. Re ninbij wakami kan achi'el xa ta in ch'ujerineq. Jak'a yin más in samajel ke chikiwech rije'. Yin más nuch'ayik nuk'ulun ke chikiwech rije', roma ni man noqaqa ta chik chinuk'u'x janipe' bey in ch'ayon. Yin más k'iy bey xik'oje' pa cárcel ke chikiwech rije'. Kan k'iy k'a chuqa' bey in apowineq chuwikamik.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

1 Corintios 3:5

¿Achike ta k'a ri qach'alal Apolos, y in achike ta k'a yin? Roma roj xa oj rusamajela' ri Dios, y ruya'on jun qasamaj chiqajujunal. Y rik'in re samaj re' rix xikuquba' ik'u'x.

Romanos 15:16

rubanon chi xinok rusamajel ri Jesucristo achi'el jun sacerdote richin nintzijoj ri utzilej ruch'abel richin kolotajik chike ri winaqi' ri man e judío ta. Y keri' rije' xke'ok achi'el jun sipanik chire ri Dios. Y re' kan nuk'awomaj-wi ri Dios roma ri Loq'olej Espíritu.

Romanos 5:5

Y wi k'o qik'in re' man niqamalij ta qak'u'x. Y ronojel re' nibanatej roma ri Dios ruya'on ri Loq'olej Espíritu qik'in richin runojisan ri qánima chi ajowabel.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Hechos 26:16

Jak'a kan tasik'a-awi', y kayakatej. Xink'ut-wi' chawech roma yak'atzin chuwe, y richin chuqa' nabetzijoj chike ri winaqi' ri xatz'et re wakami, y ri xkenk'ut chawech chupan ri q'ij e beneq-apo.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Hechos 4:12

Y kan man jun chik k'a ri nilitej ta kolotajik rik'in. Roma chuwech re ruwach'ulew xa kan man jun chik ri ya'on ta pe chiqe roj winaqi' richin yojkolotej ta, xcha' ri Pedro.

Hechos 1:25

richin nok kan jun taqon roma ri Cristo pa ruk'exel ri Judas, richin nipa'e' chuwech ri samaj. Roma ri Judas xa xuya' kan ri samaj, roma ri itzel xerubanala'. Y wakami rija' xapon yan akuchi ruk'amon chi napon-wi, xecha'.

Hechos 1:17

Jak'a ri Judas ri' kan qachibil, y xsamej chuqa' junan qik'in, xcha'.

San Lucas 6:48

Rija' junan rik'in ri jun achin ri xupaba' jun rachoch, y xuben-qa ri jul y nej xbe-qa richin ri ruxe' ri jay. Kan pan abej k'a xuk'ot-wi-qa re jul re'. K'ari' xuya' ri ruxe' ri jay, y xuchop k'a samaj. Y toq k'achojineq chik k'a ri jay, xk'iy-pe ri raqen-ya'. Y ri ya' xberila' ri jay rik'in uchuq'a'. Jak'a ri jay man xsilon ta, roma jebel banon chire.

Ez 18:26

Roma ri', ri wineq choj ruk'aslen wi xa nuya' kan ri utzilej k'aslen y nuchop rubanik ri itzel, kan xtiken k'a chi'anin roma ri itzel taq rubanobal.

Wuj Richin ri K'uxla'anik 3:66

Rik'in ri awoyowal kan ke'atzeqelibej. Kan ke'ak'isa' k'a el chuwech re ruwach'ulew, nimalej Jehová.

Wuj Richin Bix Chire ri Dios 125:5

Jak'a ri xa nikich'er kan ki' richin nikiben ri etzelal, ri Jehová kan xkeruya' k'a kik'in ri ch'aqa' chik e banoy etzelal. ¡Ri uxlanibel-k'u'x xtik'oje' ta pa ruwi' ri tinamit Israel!

2 Corintios 4:1

Roma ri' roj man yojq'itej ta chubanik ri rusamaj ri Dios ri ruya'on chiqe roma ri rutzil.

Hechos 1:8

Xaxe k'a tiwetamaj, chi toq ri Loq'olej Espíritu xtiqaqa-pe pan iwi', xtik'ul k'a uchuq'a', y xkiniq'alajirisaj chikiwech ri winaqi' wawe' pa tinamit Jerusalem, ri ek'o pa ch'aqa' chik tinamit wawe' pa Judea, pa ruwach'ulew Samaria, y chikiwech konojel winaqi' pa ch'aqa' chik ruwach'ulew chi nej chi naqaj, xcha' ri Jesús.

2 Corintios 10:1

Rix nibij chi toq ink'o iwik'in yalan ninxibij-wi', jak'a toq nej ink'o-wi, xa man ninpoqonaj ta chik ninbij-el ch'abel chiwe. Man rik'in ri' yin chi utzil yich'on iwik'in, rik'in ch'utirinen y rik'in ch'uch'ujil, kan achi'el xuben ri Cristo.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.