Colosenses 1:17 - Kaqchiquel Bible

¹⁷ Kan pa rutikeribel chire ronojel rija' k'o chik pe, y roma rija' ronojel pa ruchojmilal rubanon.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Atoq kꞌajani titzꞌukutej pe nojel, ri Cristo kin xixkꞌo wi y ja rijaꞌ ndibꞌanun chi rikꞌin ri nimalej ruchuqꞌaꞌ, nojel ri erubꞌanun ekꞌo pa kikꞌojlibꞌel y ma ngebꞌojbꞌoꞌ ta.

Kaqchikel Santa Maria de Jesus

¹⁷ Ri Cristo can cꞌo-ve naꞌay choch nojiel ri kax, y jajaꞌ cꞌuayuon quichin.

Kaqchikel Central Guatemala

¹⁷ Ronojel can jac'a rija' ri xbanon, roma can c'o-pe pa nabey, y ja rija' ri uc'uayon quichin.

Re C'ac'a Testamento pa Kach'abal

¹⁷ Re Ruc'ajol re Dios can c'o-va tak c'amaje-na tic'ue' re rocaj y re ruch'ulef, y ja reja' re ac'ayon chin ronojel.

Kaqchikel Western Solola

¹⁷ Y ri Cristo can c'o wi pe nabey chuwech ronojel ri cosas, y ya Riya' uc'uayon quiche (quixin), rumari' tek c'a yec'o na ronojel.

Colosenses 1:17 ပူးပေါင်းရင်းမြစ်များ

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

1 Corintios 8:6

Jak'a roj qetaman chi xaxe jun Dios k'o, y ri' ja ri Tata'ixel. Rik'in k'a rija' peteneq-wi ronojel, y nrajo' chi roj niqaya' ruq'ij. Chuqa' qetaman chi xaxe jun ajaw k'o; y ri' ja ri Jesucristo. Xaxe roma rija' oj k'es, y k'o ronojel.

Hechos 17:28

Roma rija' k'o qak'aslen, roma rija' yojsilon, y roma chuqa' rija' re ojk'o. Kan achi'el k'a kibin ri bixanela' ri ek'o iwik'in, chi roj kan oj ralk'ual k'a chuqa' ri Dios.

San Juan 17:5

Wakami k'a, nata' Dios, kan taya' chik k'a ri nuq'ij-nuk'ojlen achi'el toq xik'oje' awik'in toq k'a man jani k'o ta re ruwach'ulew.

San Juan 8:58

Jak'a ri Jesús xubij chike ri achi'a' ri': Kan qitzij k'a ninbij chiwe chi toq k'a man jani nalex ri Abraham, yin kan ink'o-wi-pe, xcha'.

Apocalipsis 1:8

Ja yin ri rutikeribel y ri ruk'isibel, nicha' ri qajaw ri k'o ronojel uchuq'a' pa ruq'a', ri kan k'o-pe pa rutikeribel, k'o chuqa' re wakami y kan xtipe chik.

Colosenses 1:15

Ri Dios man tz'etel ta, jak'a kan niq'alajin roma ri Jesucristo ri ruk'ajol, ri kan k'o pe nabey chuwech ronojel ri xetz'ukutej, y ja rija' ri k'o pa ruwi' ronojel ri k'o.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin Bix Chire ri Dios 75:3

Toq nisilon ri ruwach'ulew y konojel ri ek'o chuwech, ja yin ri yichapo ri temeyon richin.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Hebreos 13:8

Ri Jesucristo man nujel ta ri'. Kan achi'el ri iwir, keri' wakami, y keri' chuqa' xtibe-q'ij xtibe-seq.

Apocalipsis 2:8

Y chuqa' xubij chuwe chi tintz'ibaj el chire ri ángel kichin ri molaj nimanela' ri chiri' pan Esmirna y tinbij-el; chi ri kan k'o pe pa rutikeribel y pa ruk'isibel, ri xkamisex y xk'oje' chik ruk'aslen kere' nubij:

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.