Colosenses 1:16 - Kaqchiquel Bible

¹⁶ Roma rija' xban ronojel ri k'o: Ronojel ri k'o chila' chikaj y ri ek'o chuwech re ruwach'ulew, ronojel ri e tz'etel y ri man e tz'etel ta, stape' samajela' aj-chikajil ri k'o kuchuq'a', ri nikiq'et-tzij y ri k'o nima'q kiq'ij. Ronojel kan roma ri Cristo xban y kan richin rija'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Keriꞌ nibꞌij chiwa, porque nojel ri ebꞌanun roma ri Dios, kin ja ri Cristo xukusaj chin xerubꞌen, achel ri ekꞌo chikaj, ri ekꞌo chochꞌulew, ri ngetzꞌetetej y ri ma ngetzꞌetetej ta. Ja rijaꞌ bꞌanayon kichin ri espíritus ri ndikibꞌen reinar, ri kꞌo uchuqꞌaꞌ pa kiqꞌaꞌ, ri nimalej kiqꞌij chikaj, y ri ukꞌuey kibꞌey ri ángeles. Nojel ebꞌanun roma rijaꞌ y chin ndikiyaꞌ ruqꞌij erubꞌanun.

Kaqchikel Santa Maria de Jesus

¹⁶ Ruma jajaꞌ xbꞌano nojiel ri cꞌo chila chicaj y ri icꞌo choch-ulief. Ri ncaꞌtzꞌatataj y ri man ncaꞌtzꞌatataj ta, mesque ángeles, o gobiernos ri icꞌo chicaj, o nem quikꞌij ri icꞌo chicaj, o cꞌo poder pa quikꞌaꞌ ri icꞌo chicaj; can quinojiel ruma jajaꞌ icꞌo, y nojiel ri xaꞌruꞌon, can richin chi niquiyaꞌ rukꞌij jajaꞌ.

Kaqchikel Western Solola

¹⁶ Ruma ya c'a Riya' xbano ronojel ri c'o chila' chicaj y ri yec'o chuwech re ruwach'ulef. Ruma c'a Riya' tek yec'o ri ye tz'etetel y ri ma ye tz'etetel ta. Ruma chuka' Riya' tek yec'o ri ángeles, ri ye aj k'atbel tak tzij, ri nima'k quik'ij y ri c'o uchuk'a' pa quik'a'; can quinojel c'a ruma Riya' tek yec'o, y can riche (rixin) chi niquiya' ruk'ij tek xeruben.

Colosenses 1:16 ပူးပေါင်းရင်းမြစ်များ

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Wuj Richin Etamabel-Tzij 16:4

Ronojel k'a ri e ruk'iytisan ri Jehová, kan k'o k'a achike roma e rubanon kan; kan jajun ri wineq itzel, ruya'on q'ij chi k'o, richin ri q'ij ri richin ri ruk'ayewal.

Wuj Richin ri Isaías 43:21

Ja rix k'a ri tinamit ri xixinwinaqirisaj richin xixok wichin yin, richin kan niya' nuq'ij rik'in bix.

Wuj Richin ri Isaías 44:24

Kere' k'a nubij ri Jehová chike ri israelita: Ja yin ri in ikolonel, ri xibanon iwichin. Yin Jehová ri xibanon ronojel. Ja yin ri xibanon ri kaj y ri ruwach'ulew, y kan man jun xto'on wichin.

San Juan 1:10

Kan xk'oje' k'a chuwech re ruwach'ulew ri banon roma rija', jak'a ri ek'o chuwech re ruwach'ulew xa man xq'ax ta chikiwech chi ja rija' ri ch'abel ri'.

San Juan 1:3

Roma rija' toq k'o ronojel, y man jun ri k'o ri man ta roma rija' toq xban.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

Romanos 8:38

Y yin kan kuqul nuk'u'x chi kan man jun xqojch'aro rik'in ri rajowabal ri Dios: Ni ri kamik, ni ri k'aslen; ni ri e ángel, ni ri itzel taq espíritu; ni man jun chire ri ek'o wakami, ni man jun chuqa' chire ri xtipe chiqawech-apo.

Romanos 9:5

Rije' chuqa' e kijatzul kan ri Abraham, ri Isaac y ri Jacob. Y toq ri Cristo xpe wawe' chuwech re ruwach'ulew, rija' chuqa' xok kijatzul ri e oxi' ri'. Ri Dios ri k'o pa ruwi' ronojel, kan ta k'o ruq'ij richin jantape'. Kan keri' wi.

1 Corintios 8:6

Jak'a roj qetaman chi xaxe jun Dios k'o, y ri' ja ri Tata'ixel. Rik'in k'a rija' peteneq-wi ronojel, y nrajo' chi roj niqaya' ruq'ij. Chuqa' qetaman chi xaxe jun ajaw k'o; y ri' ja ri Jesucristo. Xaxe roma rija' oj k'es, y k'o ronojel.

Efesios 1:10

Rija' ruch'obon-pe chi chupan re ruk'isibel taq q'ij xtuya' ronojel pa ruq'a' ri Cristo: Ronojel ri k'o chila' chikaj y ronojel ri k'o wawe' chuwech re ruwach'ulew xa jun xtikiben pa ruq'a'.

Efesios 6:12

Roj man kik'in ta winaqi' niqaben-wi labal, xa kan kik'in ri itzel taq espíritu ri k'o kuchuq'a' y k'o q'atbel-tzij pa kiq'a', espíritu ri q'equmatajineq ri kik'aslen y chuqa' itzel taq espíritu ri ek'o pa kaq'iq'.

Deut 4:39

Roma ri' tiwetamaj y tik'oje' chi'ik'u'x chi ri Jehová kan ja rija' ri rajaw ri kaj y ri ruwach'ulew, y kan man jun chik achi'el rija'.

Filipenses 2:10

Richin keri' kan xaxe ta k'a pa rubi' ri Jesús yojxuke' qonojel: stape' ri ek'o chila' chikaj, re ojk'o chuwech re ruwach'ulew, y ri ek'o chuxe' re ruwach'ulew.*f2*

Colosenses 1:15

Ri Dios man tz'etel ta, jak'a kan niq'alajin roma ri Jesucristo ri ruk'ajol, ri kan k'o pe nabey chuwech ronojel ri xetz'ukutej, y ja rija' ri k'o pa ruwi' ronojel ri k'o.

Colosenses 1:20

chuqa' kan rurayibel wi ri Dios, chi xjunamatej kiwech rik'in rija' ronojel ri ek'o chuwech re ruwach'ulew y ri ek'o chila' chikaj. Y chi xk'oje' uxlanibel-k'u'x chiqakojol roj y rija' roma ri rukamik ri ruk'ajol chuwech ri cruz.

Colosenses 2:10

Rix kan k'o chik ri Cristo pa taq iwánima y xaxe rija' ri nitz'aqatisan ri ik'aslen. Ja rija' ri k'o pa kiwi' ri ángel, y ri k'o uchuq'a' pa kiq'a' ri ek'o pa kaq'iq'.

Colosenses 2:15

Y rik'in ri' xq'alajin chi ri Cristo k'o más ruchuq'a' chikiwech ri ángel, y ri k'o uchuq'a' pa kiq'a' ri ek'o pa kaq'iq'. Toq xken chuwech cruz, xuqasaj kiq'ij y xeruxim-el konojel richin xetzeqe-el chirij achi'el xeruchop-pe pan oyowal.

Hebreos 1:2

Jak'a chupan re q'ij ojk'o-wi roj, ri ruk'isibel q'ij richin re ruwach'ulew, ri Dios kan ja ri Ruk'ajol ri xukusaj richin xuq'alajirisaj ri ruch'abel chiqawech y pa ruq'a' rija' xuya-wi ronojel. Y roma rija' xuben re ruwach'ulew y ronojel ri k'o.

Hebreos 2:10

Richin chi konojel ri ralk'ual ri Dios nik'oje' kiq'ij-kik'ojlen, ruk'amon chi ri ajaw Dios, ri xtz'ukun ronojel, xuben chire ri Jesús chi xutej poqon richin chi xok jun kolonel ri kan ruk'amon.

1 Pedro 3:22

Rija' xbe chila' chikaj, y wakami k'o-apo pa rijkiq'a' ri Dios. Kan pa ruq'a' k'a rija' ek'o-wi ri ángel, ri q'atoy taq tzij aj-chikajil, y ronojel ri uchuq'a' ri ek'o.