Apocalipsis 9:20 - Kaqchiquel Bible

²⁰ Jak'a ri winaqi' ri k'a xek'ase' na kan man xtzolin ta pe kik'u'x. Xa xkiyala' na kiq'ij ri itzel taq espíritu y ri wachibel ri e kibanon rik'in q'anapueq, saqipueq, abej, che' y ri q'enq'oj-pueq. Jari' ri xkiya' kiq'ij ri winaqi' ri'; xa dios ri man yetzu'un ta, ni man ye'ak'ex ta y ni man yebiyin ta.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Ri wineq ri ma xeken ta pa ruqꞌaꞌ ri kꞌayew riꞌ, ma xkijel ta kinoꞌoj chin ta xkiyaꞌ kan ruyaꞌik kiqꞌij itzel teq espíritu y tiox ekibꞌanun chare qꞌanapueq, saqipueq, bronce, abꞌej y cheꞌ, tiox ri xa ma ngetzuꞌun ta, ma ngeꞌakꞌaxan ta y ma ngebꞌiyin ta.

Kaqchikel Santa Maria de Jesus

²⁰ Pero ri vinak ri man xaꞌcon ta chupan ri sufrimiento reꞌ, man xquiyaꞌ ta can ri itziel tak kax ri ncaꞌquiꞌan y man xquiꞌan ta ri nrajoꞌ ri Dios; ruma cꞌa xaꞌquiyaꞌ quikꞌij ri itziel tak espíritus, xaꞌquiyaꞌ jeꞌ quikꞌij ri ídolos ri i-quibꞌanun cha oro, plata, bronce, abꞌaj, y chieꞌ, y ri ídolos reꞌ xa man ncaꞌtzuꞌn ta, man ncaꞌcꞌaxan ta y man ncaꞌin ta jeꞌ.

Kaqchikel Central Guatemala

²⁰ Jac'a ri vinek ri c'a xec'ase' na can y man xka' ta ri ruc'ayeval pa quivi', can man c'a xtzolin ta pe quic'u'x. Xa can c'a xequibanala' na ri itzel tak banobel. C'a xequiyala' na quik'ij ri itzel tak espíritu, xequiyala' na quik'ij ri vachibel ri e quibanon riq'uin k'anapuek, sakipuek, abej, che' y riq'uin ri ch'ich' nibix bronce chire. Jari' ri xequiya' quik'ij ri vinek ri', y xa e dios ri man yetzu'un ta, ni man ye'aq'uex ta y ni man yebiyin ta chuka'.

Re C'ac'a Testamento pa Kach'abal

²⁰ Jac'a re vinak re c'a xe'c'ase-na can re man xka-ta re tijoj-pokonal re' pa quive', cama-va xtzolaj-ta-pa quic'o'x riq'uin re Dios. Xa can c'a xe'quibanala' re itzel tak banabal. C'a xe'quiyala' quik'ij re itzel tak espíritu, xe'quiyala' quik'ij re imágenes re je'quibanon cha k'anapuak, cha sakapuak, cha aboj, cha che' y cha re jun ch'ich' nibex bronce cha. Jare' re xe'quiyala' quik'ij re vinak re', y re ye'quiyala' quik'ij reje', xa man ye'tzu'un-ta, man niquic'axaj-ta y chuka' man ye'biyin-ta.

Kaqchikel Western Solola

²⁰ Yac'a ri winek ri ma xecom ta astape' chi can xka ri ruc'ayewal ri' pa quiwi', riye' can man c'a xtzolin ta pe quic'u'x. Xa can c'a xequibanala' na ri etzelal. C'a xequiyala' na quik'ij ri itzel tak espíritu, xequiyala' na quik'ij ri dios ri xa ye banon cuma winek, ri ye quibanon riq'ui k'anapuek, sakapuek, abej, che' y riq'ui ri ch'ich' ri nibix bronce chare. Yeri' ri xequiya' quik'ij ri winek ri', y xa ye dios ri ma yetzu'un ta, ni ma ye'ac'axan ta y ni ma yebiyin ta chuka'.

Apocalipsis 9:20 ပူးပေါင်းရင်းမြစ်များ

2 Rey 22:17

Rije' kan xinkimalij kan y xkiporoj pom chikiwech ri jujun chik dios. Chuqa' xkiya' kiq'ij ri wachibel ri xekibanala'. Roma ri' kan xyakatej k'a woyowal pa ruwi' re tinamit re', y ri woyowal man xtik'is ta qa choj keri'.

2 Crón 28:22

Stape' ri itzel rey Acaz kan k'o k'a pa ruk'ayewal, kan jantape' k'a nimakun chuwech ri Jehová.

2 Crón 34:25

Roma ri winaqi' xa xinkimalij kan, y xa xkisuj kamelabel chikiwech ch'aqa' chik dios, y xkiben chuwe chi xpe woyowal chirij ronojel ri kisamaj ri kibanon; roma ri' xtiqaqa k'a ri woyowal pa ruwi' re tinamit re', y ri woyowal kan man xtik'o ta qa, nicha' ri Jehová.

Wuj Richin Bix Chire ri Dios 106:37

Xekisuj k'a richin kamelabel ri kik'ajol. Ri kimi'al xekijech pa kiq'a' ri itzel taq espíritu.

Wuj Richin ri Isaías 2:8

Chuqa' pa qaruwach'ulew janila chi wachibel ek'o richin nikiya' kiq'ij. Kan nikiya' kiq'ij ri xa ja ri kiq'a' ri banayon.

Wuj Richin ri Isaías 41:7

Ri ajanel kan nuto' ri nisamej rik'in q'anapueq, y rije' nikito' ri nisamej rik'in bajibel. Y konojel rije' nikibij chi janila utz ri kisamaj ri xkiben. K'ari' rije' xtikibajij ri wachibel richin kow xtik'oje' kan.

Wuj Richin ri Jeremías 1:16

Xtinya' rutojbalil-mak pa kiwi' ri awinaq aj-Judá roma ronojel ri mak ri xkiben chinuwech yin. Xinkimalij kan, richin xkiporoj pom y xexuke' chikiwech ri ch'aqa' chik dios ri xa ja rije' e banayon.

Wuj Richin ri Jeremías 25:6

Man ke'itzeqelibej k'a ch'aqa' chik dios ri xa rik'in iq'a' ibanon-wi. Y chuqa' man yixxuke' ta chikiwech, richin man niyek ta royowal ri Jehová, xecha' chiwe.

Wuj Richin ri Jeremías 44:8

Niben chi niyek woyowal rik'in ri xa iq'a' banayon. Chuqa' nisuj pom chikiwech ch'aqa' chik dios wawe' pa ruwach'ulew Egipto, ri akuchi xixok-wi richin chi yixk'ase'. Rix xa xkixk'is chi'iwonojel. Ri winaqi' xkeyojoben chiwij y xkixok richin k'ixbilal chikiwech konojel tzobaj taq winaqi' richin re ruwach'ulew.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

Wuj Richin ri Jeremías 51:17

Konojel ri yebanon kichin ri wachibel ri' xa e nakaneq roma maneq ketamabal y kan xkek'ixbitej k'a, roma ri wachibel xa man e qitzij dios ta y maneq kik'aslen.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Dn 5:4

Yequmun k'a y nikiya' ruq'ij ri ki-dios ri xa e banon rik'in q'anapueq, saqipueq, q'enq'oj-pueq, q'eqapueq, che' y abej.

Wuj Richin ri Chojmirisabelri'il 17:7

Y man jun bey chik tisuj kamelabel chikiwech itzel taq espíritu ri iya'on kiq'ij ri xa koma rije' xixtzaq. Re' kan jun k'a pixa' chiwe rix tibe-q'ij tibe-seq.

Wuj Richin ri Miqueas 5:13

Xkeruwulaj k'a el chikiwech ronojel ri wachibel y ri paban taq abej. Y chuqa' man jun bey chik k'a xkexuke' chikiwech ri wachibel ri xa ja ri kiq'a' ri banayon.

San Mateo 21:32

Roma ri Juan toq xpe, jun chojmilej bey k'a ri xuk'ut chiwech, jak'a rix man xinimaj ta. Xaxe k'a ri winaqi' ri e moloy ri k'o chi nitoj chire ri q'atbel-tzij y ri ixoqi' ri man utz ta kik'aslen, xaxe rije' ri xeniman. Jak'a rix, man rik'in chi xitz'et ri keri', kan man xtzolej ta pe ik'u'x rik'in ri Dios y chuqa' kan man xinimaj ta ri xubij ri Juan.

Hechos 17:29

Wi kan oj ralk'ual k'a ri Dios, man xqojtikir ta xtiqabij Dios chire jun wachibel ri xa winaqi' e banayon. Y ri' stape' ta rik'in q'anapueq o saqipueq o rik'in abej banon-wi, roma xa ruch'obonik jun wineq.

Hechos 19:26

Jak'a rix itz'eton y chuqa' iwak'axan chik chi ri Pablo nubij k'a chike ri winaqi' chi ri wachibel e banalon koma achi'a' man e dios ta. Y kan e k'iy ri rujalon chik kich'obonik y kiniman chik. Man xaxe ta re wawe' pan Éfeso, xa kan jubama pa ronojel re ruwach'ulew Asia.

Hechos 7:41

Kan xkiben k'a ruwachibel jun ti wákix. Y janila k'a yekikot rik'in ri xa ja rije' ri xebano-qa. Kan xekikamisala' k'a chikopi' chuwech, richin nikiya' ruq'ij.

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.

Deut 31:29

Roma yin wetaman chi toq xa in kamineq chik el, rix xkixyojtej jumul. Kan xtiya' kan ri bey ri xinbij chiwe ri k'o chi niwojqaj, y wetaman chuqa' ri xtipe chiwij ri chiwech-apo. Kan xtipe k'a ruk'ayewal pan iwi', roma kan itzel ri ibanobal chuwech ri Jehová, y niben chire richin nipe royowal roma ronojel ri xtiben, xcha' ri Moisés.

Deut 32:17

Xixkamela'an chikiwech itzel taq espíritu ri xa man e dios ta. Xixkamela'an chikiwech dios ri xa choj e tz'ukun-q'anej, ri ni rix man jun bey e itz'eton ta; y ri ite-itata' kan man jun bey k'a kiya'on ta kiq'ij ri dios ri'.

Deut 4:28

Y chiri' k'a nibeya' kiq'ij wachibel ri e banon koma achi'a', wachibel ri e banon rik'in che', y chuqa' ri e banon rik'in abej. Ri man yetzu'un ta, ri man ye'ak'ex ta, ri man yewa' ta y chuqa' ri man yeseqon ta.

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

Apocalipsis 15:1

Chirij ri' xintz'et chik jun nimalej y meyel banobel. Xintz'et k'a chi ri chikaj ek'o chik wuqu' ángel ri jachon jujun ruk'ayewal pa kiq'a' richin chi yebekiya-pe toq xtapon ri q'ij chi ri Dios nuk'ut ri royowal pa kiwi' ri winaqi'. Y jari' ri ruk'isibel taq ruk'ayewal ri nuya' ri Dios pa ruwi' ri ruwach'ulew.

Apocalipsis 16:8

Jari' toq ri rukaj ángel xuq'ej ri k'o-el chupan ri qumbel pa ruwi' ri q'ij. Y ri q'ij kan xjach uchuq'a' pa ruq'a' chi keruporoj ri winaqi' rik'in ri ruq'aq'al.

Apocalipsis 9:19

Re kiej re', ja ri kichi' y ri kijey ri yebanon ch'a'oj, roma ri pa kichi' nel q'aq' y sib. Ri kijey achi'el kumetz y rik'in ri' nikiben-wi ch'a'oj.

Apocalipsis 9:21

Man xtzolej ta k'a pe kik'u'x ri winaqi' ri' rik'in ri Dios, richin xkiyala' ta kan ri kamisanik, ri itz, ri eleq' y ri achi'a' y ri ixoqi' ri nikikanola-ki' richin yemakun.