Apocalipsis 9:18 - Kaqchiquel Bible

¹⁸ Y kan jak'a ri q'aq', sib y chuwilej-abej ri ye'el ri pa taq kichi' ri kiej, jari' ri xk'ison jun chire ri oxi' chike konojel ri winaqi' ri k'a ek'o na kan chuwech re ruwach'ulew.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Y roma ri qꞌaqꞌ, ri sibꞌ, y ri azufre ri ndel pa kichiꞌ, xeken jun rox parte ri wineq.

Kaqchikel Santa Maria de Jesus

¹⁸ Y ja ri kꞌakꞌ, ri sebꞌ y ri azufre ri ncaꞌiel pa quichiꞌ ri quiej ri xaꞌquimisan ri oxeꞌ parte ri vinak ri icꞌo choch-ulief.

Kaqchikel Central Guatemala

¹⁸ Y can jac'a ri k'ak', sib y azufre ri ye'el ri pa tak quichi' ri quiej, jari' ri xeq'uison jubama nic'aj chique conojel ri vinek ri ec'o chuvech ri ruvach'ulef.

Re C'ac'a Testamento pa Kach'abal

¹⁸ Y ja re k'ak', re sib y re azufre re ye'el-pa pa tak quichi' re quiej, jare' re xbano che xe'com jun tercera parte chique re vinak re jec'o chach re ruch'ulef.

Kaqchikel Western Solola

¹⁸ Y ri k'ak', ri sib y azufre ri ye'el ri pa tak quichi' ri quiej, ya c'a ri' ri xeq'uiso quiche (quixin) xa juba' ma pa nic'aj chique quinojel ri winek ri yec'o chuwech ri ruwach'ulef.

Apocalipsis 9:18 ပူးပေါင်းရင်းမြစ်များ

Apocalipsis 8:10

Y toq ri rox ángel xuxupuj ri trompeta, xintz'et k'a chi jun nimalej ch'umil nibiro pa q'aq' achi'el jun antorcha nitzu'un xbetzaq-pe ri chila' chikaj y xqaqa k'a pa kiwi' jun chire ri oxi' chike ri raqen taq ya' y ri alaxibel taq ya'.

Apocalipsis 8:11

Re ch'umil k'a re' rubini'an Xaqixaq, y k'ey-k'ey xuben jun chire ri oxi' chike ri ya' ri'. Y roma ri ruk'eyul ri ya' e k'iy winaqi' xeken.

Apocalipsis 8:12

Y ri rukaj ángel xuxupuj ri trompeta, y xuq'equmarisaj ri jun chire ri oxi' chire ri q'ij, ri ik' y ri ch'umila'. Keri' ri jun chire ri oxi' ri paq'ij man xseqer ta y ri chaq'a' man xesaqirisan ta ri ik' y ri ch'umila' ri jun chire ri oxi'.

Apocalipsis 8:7

Y toq ri nabey ángel xuxupuj ri trompeta, kan jari' k'a toq xqaqa saqboch y q'aq' xolon rik'in kik' pa ruwi' ri ruwach'ulew. Y jun chire ri oxi' chire ri ruwach'ulew xk'is, jun chire ri oxi' chike ri che' xuk'is q'aq'; y keri' chuqa' xuben rik'in ri q'ayis.

Apocalipsis 8:8

Chirij ri' ri ruka'n ángel xuxupuj ri trompeta, y xintz'et k'a achi'el jun nimalej juyu' ni nibiro pa q'aq' y xk'aq chupan ri palou. Y jun chire ri oxi' chire ri ya' ri k'o chupan ri palou xok kik',

Apocalipsis 8:9

y jun chire ri oxi' ri k'o kik'aslen ri ek'o chiri' xeken, y jun chire ri oxi' chike ri nima'q taq barco kan xek'is.

Apocalipsis 9:15

Y keri' xebesol k'a kan ri kaji' ángel, richin yekikamisaj winaqi'. Ri kaji' ángel ri' kan e chojmirisan chik richin yebe, ri hora, ri q'ij, ri ik' y ri juna'. Y xkekikamisaj jun chire ri oxi' chike ri winaqi' ri k'a ek'o na chuwech ri ruwach'ulew.

Apocalipsis 9:17

Y chupan k'a ri achi'el achik' ri xinben, xentz'et ri kiej y ri e ch'okol chirij kikusan tobel ruwa-kik'u'x ri keq nitzu'un achi'el q'aq', q'en achi'el ri chuwilej-abej y raxroj achi'el ri kaj yetzu'un. Y ri kijolon ri kiej ri' achi'el kijolon ri koj, y ri pa kichi' kan nel q'aq', sib y chuwilej-abej.

Apocalipsis 9:19

Re kiej re', ja ri kichi' y ri kijey ri yebanon ch'a'oj, roma ri pa kichi' nel q'aq' y sib. Ri kijey achi'el kumetz y rik'in ri' nikiben-wi ch'a'oj.