Apocalipsis 9:11 - Kaqchiquel Bible

¹¹ Ri aj-raqen pa kiwi' ri sak' ri' ja ri ángel ri rajawal ri itzel siwan ri q'equ'm rupan. Rija' rubini'an Abadón pa ch'abel hebreo y pa griego nibix Apolión chire, re' nel tzij Wululen.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Ri ki-rey ri sakꞌ riꞌ, ja ri ángel rajawal ri rar siwan. Ri ángel riꞌ pa chꞌabꞌel hebreo rubꞌiniꞌan Abadón, y pa chꞌabꞌel griego rubꞌiniꞌan Apolión.

Kaqchikel Santa Maria de Jesus

¹¹ Y ri qui-rey ri sacꞌ, ja ri ángel ri richin ri jul ri man niqꞌuis ta rakan ri can kꞌakuꞌn rupan. Ri qui-rey ri sacꞌ reꞌ, Abadón niꞌeꞌx cha pa chꞌabꞌal hebreo, y Apolión niꞌeꞌx cha pa chꞌabꞌal griego.

Kaqchikel Central Guatemala

¹¹ Y ri qui-rey ri sac' ri', ja ri ángel ri rajaval ri itzel jul ri k'eku'n rupan. Ri qui-rey ri sac' ri' Abadón c'a nibix chire ri pa kach'abel roj israelitas, y Apolión c'a nibix chire ri pa quich'abel ri vinek aj-Grecia.

Re C'ac'a Testamento pa Kach'abal

¹¹ Y re qui-Rey re sac' re', ja re ángel re rujoval re moma' sivan k'oko'm rupan. Re qui-Rey re sac' re' Abadón nibex cha re pa kach'abal yoj re yoj israelitas, y Apolión nibex cha re pa quich'abal re vinak aj-Grecia.

Kaqchikel Western Solola

¹¹ Y ri qui-rey ri sac' ri', ya ri ángel ri rajawalul ri itzel jul ri k'eku'm rupan. Ri qui-rey ri sac' ri' Abadón c'a nibix chare ri pa ch'abel hebreo y Apolión c'a nibix chare ri pa ch'abel griego.

Apocalipsis 9:11 ပူးပေါင်းရင်းမြစ်များ

Wuj Richin ri Achin Job 26:6

Ri Dios kan jebel e rutzuliben ri jul ri akuchi yemuq-wi ri kaminaqi', kan man ewatel ta chuwech rija' ri akuchi yebek'is-wi kan ri kaminaqi'.

Wuj Richin ri Achin Job 28:22

Ri kamik y ri akuchi ye'apon-wi ri kaminaqi' nikibij k'a: Roj kan juba' ok qak'axan chi kan k'o-wi ri na'oj, yecha'.

Wuj Richin ri Achin Job 31:12

Ri mak ri' kan achi'el k'a jun nimalej y k'ayewalej k'atik ri kan nitikir nuporoj ronojel, y kan nuk'is ronojel ri k'o wik'in.

Wuj Richin Bix Chire ri Dios 88:11

Ri awajowabal man jun bey xtinatex chupan ri jul muqbel kamineq; chupan ri jul ri' man ninatex ta chik chi rat man yojamalij ta kan.

Wuj Richin Etamabel-Tzij 15:11

Ri akuchi yemuq-wi ri kaminaqi' y ri akuchi ye'apon-wi chuqa', kan tik'il k'a pa ruwech ri Jehová. y más kan pa ruwech rija' ek'o-wi, ronojel ri k'o pa taq kánima konojel ri winaqi'.

San Lucas 8:31

Re itzel taq espíritu re' janila xkik'utuj utzil chire ri Jesús chi man keruteq-el chupan ri nimalej siwan, akuchi nikitej janila poqon.

San Juan 12:31

Wakami noqaqa yan k'a ri ruq'atoj-tzij ri Dios pa kiwi' ri winaqi' ri ek'o chuwech re ruwach'ulew, y kan xtelesex k'a el ri uk'uayon richin re ruwach'ulew.

San Juan 14:30

Y re wakami xa man k'iy ta chik ch'abel re xtinbij kan chiwe, roma ri Itzel-Wineq ri chapayon re ruwach'ulew noqaqa yan. Jak'a rija' man jun ruq'a' chuwe yin.

San Juan 16:11

Chuqa' rija' kan xtuq'alajirisaj chi k'o q'atbel-tzij, roma xa xq'at yan tzij pa ruwi' ri Itzel-Wineq ri chapayon richin re ruwach'ulew.

San Juan 5:2

Ri chiri' chunaqaj-apo ri okibel rubini'an Kichin ri Karne'l, k'o k'a jun atinibel. Y chiri' chuchi' ri ya' ek'o k'a wo'o' ruwa-jay. Y ri winaqi' judío nikibij k'a Betzatá chire.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

2 Corintios 4:4

ri man kikuquban ta kik'u'x rik'in ri Cristo. Y ri xbanon keri' chike, ja ri Itzel-Wineq ri k'o pa ruwi' re ruwach'ulew. Kan e rumoyirisan k'a richin man niq'ax ta chikiwech ri utzilej ch'abel ri niq'alajirisan ruq'ij-ruk'ojlen ri Cristo, ri xoruq'alajirisaj ri Dios chiqawech, roma rija' kan Dios wi.

Efesios 2:2

ri xixk'oje' chupan toq xisamajij ri rajaw ri ajawaren ri k'o pa kaq'iq'. Re' ja re' ri espíritu ri k'o pa kánima ri kan man nikinimaj ta rutzij ri Dios.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.