Apocalipsis 7:12 - Kaqchiquel Bible

¹² y xkibij k'a: ¡Kan keri' wi! Ronojel urtisanik, k'ojlemal, etamabel, matioxinik, ruwaq'ijaj y uchuq'a' kan chire k'a ri qa-Dios tiya'ox-wi. Kan keri' wi, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Y ndikibꞌilaꞌ: ¡Amén! Ri qa-Dios kin utz ndibꞌix utzulej teq tzij chare, kin utz ndiyoꞌox ruqꞌij, Kin richin rijaꞌ nojel nojibꞌel, kin utz ndiyoꞌox matioxinik chare, Kin utz ndinimrisex rubꞌiꞌ. Rijaꞌ kin rukꞌulun wi chi ndubꞌen mandar pa ruwiꞌ nojel y chi kꞌo nojel ruwech uchuqꞌaꞌ pa ruqꞌaꞌ chin jumul. ¡Amén!

Kaqchikel Santa Maria de Jesus

¹² Y niquiꞌej: Amén; tiꞌan nem cha ri rubꞌeꞌ ri Ka-Dios, jajaꞌ ri cꞌo nojiel noꞌj riqꞌuin, can nucꞌul niyoꞌx tiox bꞌaꞌ cha, niyoꞌx rukꞌij, niꞌeꞌx chi cꞌo ru-poder y nojiel nitiquir nuꞌon richin nojiel tiempo. Amén, ncaꞌchaꞌ.

Kaqchikel Central Guatemala

¹² Y tok can quibin chic chi can que vi ri', xquibij c'a: Can jac'a ri rubi' ri ka-Dios c'o pa nabey. Rija' can c'o-vi ruc'ojlen, y ja rija' ri Rajaf ri etamabel. Ja chuka' rija' ri ruc'amon chi nic'ulun ri matioxinic. Rija' can c'o-vi ruk'ij, c'o ruchuk'a' richin jantape'; can ronojel vi nitiquir nuben. Can que c'a ri', yecha'.

Re C'ac'a Testamento pa Kach'abal

¹² Y tak quibin chic amén, c'are' xquibij: Can otz che nibixax rube' re Dios. Y can ruc'amon che nibex cha che camas nem. Reja' c'o runa'oj y ja chuka' cha reja' re otz che nitioxix. Reja' c'o ruk'ij, c'o ru-poder chin nojel tiempo, ronojel nitiquir nuban. Amén, ye'cha'.

Kaqchikel Western Solola

¹² Y niquibij c'a: Amén. Can ya c'a ri rubi' ri ka-Dios ri xtiya'ox (xtya') ta c'a ruk'ij. Ruma Riya' can c'o wi ruc'ojlen, y ya Riya' ri Rajaf ri na'oj. Ya chuka' Riya' ri ruc'amon (takal chrij) chi nic'ulu ri matioxinic. Riya' can c'o ruk'ij, can ronojel wi nicowin nuben, y can c'o ruchuk'a' riche (rixin) xtibe k'ij xtibe sek. Amén, yecha'.

Apocalipsis 7:12 ပူးပေါင်းရင်းမြစ်များ

Judas 1:25

Chire rija' ronojel k'ojlemal, uchuq'a' y q'atbel-tzij roma ri qakolonel Jesucristo, ri rubanon-pe, re wakami y keri' tibe-q'ij tibe-seq. Kan keri' ta k'a.

Apocalipsis 19:4

Y ri juwineq kaji' achi'a' ri k'o kiq'ij ri ek'o chikaj y ri e kaji' ri k'o kik'aslen, kan jari' k'a xexuke-qa pan ulew richin xkiya' ruq'ij ri Dios ri ch'okol pa rutz'uyubal richin q'atbel-tzij. Y rije' nikibij: Kan keri' ta k'a. Kan tinimirisex ri rubi' ri Dios, yecha'.

Colosenses 3:17

Ronojel k'a ri niqaben y ri niqabij, kan xaxe k'a pa rubi' rija', y roma rija' beneq ruwech qojmatioxin chire ri qatata' Dios.

Wuj Richin Bix Chire ri Dios 100:4

Qojq'ax-apo rik'in matioxinik pan okibel chire ri rachoch. Qojok-apo chupan ri ruwa-jay rik'in bix. Kan qojmatioxin chire y tiqaya' ruq'ij.

Wuj Richin ri Jonás 2:9

Jak'a yin kan rik'in k'a bixanik xkimatioxin, y xtinsuj kamelabel chawe y xtinben ri nujikiban-pe chawe. Roma kan awik'in rat, Jehová, peteneq-wi ri kolotajik, xcha' ri Jonás.

Wuj Richin Bix Chire ri Dios 147:7

Kixbixan rik'in matioxinik richin niya' ruq'ij ri Jehová; tiq'ojomaj ri arpa richin niya' ruq'ij ri qa-Dios.

Wuj Richin Bix Chire ri Dios 107:22

Chuqa' tisuju' sipanik richin matioxinik chire. y kan titzijoj k'a rik'in kikoten ronojel ri nuben rija'.

Wuj Richin Bix Chire ri Dios 89:52

¡Kan nimalej k'a aq'ij rat Jehová, tibe-q'ij tibe-seq! Kan keri' wi, ja' kan keri'.

Wuj Richin Bix Chire ri Dios 72:19

¡Kan tinimirisex k'a ri nimalej rubi' jantape'! Kan chijun ta ri ruwach'ulew xtinoj rik'in ri ruk'ojlemal, ¡Kan keri' ta k'a xtibanatej, ja' kan keri'!

Wuj Richin Bix Chire ri Dios 41:13

Nimalej ruq'ij-ruk'ojlen ri Jehová ri qa-Dios, tibe-q'ij tibe-seq, kan keri' wi; ja' kan keri' wi.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Colosenses 2:7

Rix kan ix tikil k'a rik'in ri Cristo, y chiri' ix paban-wi-pe achi'el nipabex jun jay pa ruwi' ri ruxe'. Kan ta kuqurineq ik'u'x rik'in, achi'el ri xiwetamaj toq xik'ul ri tijonik. Y beneq ta ruwech nik'oje' matioxinik pa taq iwánima.

2 Corintios 4:15

Y roma k'a niqajo' chi rix niwil ri utzil ri', roma ri' toq roj qakoch'on janila tijoj-poqonal. Y rik'in ri' kan janila ta e k'iy ri yematioxin chire ri Dios y nikiya' ta ruq'ij-ruk'ojlen.

Wuj Richin Bix Chire ri Dios 116:17

Kan xtinsuj jun sipanik richin matioxinik chawe. Jak'a ri abi' rat ri xtinnataj beneq ruwech.

Wuj Richin Bix Chire ri Dios 106:48

Nimalej aq'ij Jehová ri qa-Dios; kan keri' k'a tibe-q'ij tibe-seq. Qonojel roj tiqabij: Kan keri' wi, tinimirisex ruq'ij ri Jehová.

Wuj Richin Bix Chire ri Dios 95:2

Qojapon k'a chuwech rija' rik'in matioxinik. Kan tiqanimirisaj k'a ruq'ij rik'in kikoten.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

Wuj Richin ri Jeremías 33:9

Kan jantape' k'a xkikikot kik'in re tinamit re'. Kan xtik'oje' k'a nim nuq'ij-nuk'ojlen chikiwech konojel tzobaj winaqi' richin re ruwach'ulew roma xtikak'axaj ronojel utzil ri xtinben kik'in ri nuwinaq. Y ri ch'aqa' chik winaqi' richin ri ruwach'ulew xtikimey y xtik'is ri kuchuq'a' roma ronojel ri utzil y ri uxlanen ri xtinya' chike ri nuwinaq.

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.

Wuj Richin ri Nehemías 12:46

Toq k'a e k'es na ri David y ri Asaf, ri ojer kan xek'oje' aj-raqen chikikojol ri bixanela' toq yebixan richin nikiya' ruq'ij ri Dios y yematioxin chire.

Wuj Richin ri Nehemías 12:8

Ri levita, ri bixanela' ri yepa'e' pa kik'ojelibal toq yematioxin jare': Ri Josué, ri Binuy, ri Cadmiel, ri Serebías, ri Judá y ri Matanías ri aj-raqen pa kiwi' rije'.

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

1 Corintios 14:16

Roma wi k'o ta jun ri xa choj k'o-apo chiri' y xa man niq'ax ta chuwech ri nibij, toq rix xaxe rik'in ri iwánima yixch'on rik'in ri Dios; toq rix yixk'achoj, rija' man nitikir ta nubij: Ja' kan keri'.