Apocalipsis 6:17 - Kaqchiquel Bible

¹⁷ Roma jare' xoqaqa ri nimalej q'ij richin niqaqa ri royowal pa qawi' y kan man jun k'a xtitikir xtikoch'on, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Porque wokami xuqaqa ri nimalej qꞌij chin ndiqaqa koyowal pa qawiꞌ, y, ¿kꞌo kami jun xtitiker xtukachꞌ ralal ri oyowal riꞌ? Nixta jun.

Kaqchikel Santa Maria de Jesus

¹⁷ Ruma ja xalka ri kꞌij chi nika ri rayoval pa kaveꞌ, ¿y chica came xtitiquir xtipiꞌieꞌ cꞌa choch?

Kaqchikel Central Guatemala

¹⁷ Roma xoka' yan ri k'ij tok nika-pe ri royoval pa kavi' y man jun c'a xtitiquir xtipa'e' ta can.

Re C'ac'a Testamento pa Kach'abal

¹⁷ Roma ja xbeka re k'ij che nika re ruyoval pa kave' y man jun xtitiquir xtipa'e-ta can chach.

Kaqchikel Western Solola

¹⁷ Ruma xoka yan ri k'ij tek nika pe ri royowal y majun c'a xticowin xtipa'e' ta ca, xecha'.

Apocalipsis 6:17 ပူးပေါင်းရင်းမြစ်များ

Wuj Richin ri Malaquías 3:2

Ri q'ij toq xtipe ri Jehová, kan xtuben achi'el ri q'aq' ri nujosq'ij ri ch'ich' y achi'el chuqa' nich'ajch'ojirisan ri xabon. Ri q'ij ri' kan man jun xtitikir xtikoch'o.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Wuj Richin Bix Chire ri Dios 76:7

Kan xaxe wi k'a rat ri k'o akiy ¿Achike ta k'a wineq xtitikir xtupaba-ri' chawech toq awoyowal?

Apocalipsis 16:14

Ri oxi' itzel taq espíritu ri' kan yekibanala' k'a meyel taq banobel richin yeq'olotej ri winaqi' pa kiq'a'. E eleneq k'a pe richin yekimol konojel q'atoy taq tzij richin ri ruwach'ulew e kachibilan ri aj-labal. Yekimol-apo richin ri q'ij toq xtikiben oyowal rik'in ri Dios ri kan k'o ronojel uchuq'a' pa ruq'a'.

Joel 2:31

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Wuj Richin ri Jeremías 30:7

Kan xtinaqajub k'a pe jun q'ij richin q'axo'n. Kan man jun chik k'a q'ij q'axineq achi'el ri q'ij ri' y ri q'ij ri' kan richin bis kichin ri e rijatzul kan ri Jacob, jak'a yin Jehová kan xkixinkol k'a.

Romanos 2:5

Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

Judas 1:6

Keri' chuqa' xuben ri Dios kik'in ri ángel ri man xqa' ta chikiwech ri akuchi e ruya'on-wi y xa xkiya' kan ri samaj ri ruya'on pa kiq'a', y xe'el-pe pa kachoch chila' chikaj. Jak'a re wakami ri Dios rubanon chike chi e ximil ri akuchi ruyon q'equ'm k'o. Chiri' e yakel-wi, koyoben ri q'ij toq xtiq'at-tzij pa kiwi'.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

1 Sam 6:20

Y ri aj-Bet-semes xkibij: ¿Achike k'a xtitikir xtipa'e' chuwech ri Jehová ri Loq'olej Dios? ¿Achoq ik'in chik k'a xtibe-wi ri káxa toq xtel-el qik'in roj?, xecha'.

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Wuj Richin Bix Chire ri Dios 110:5

Ri ajaw kan k'o k'a pan awijkiq'a'. Toq xtapon ri q'ij richin nrelesaj ri royowal, kan xkeruk'is k'a konojel ri ch'aqa' chik rey.

Wuj Richin ri Isaías 63:4

Yin xinch'ob chi k'o jun q'ij ninbenya' ri nuq'atbel-tzij pa kiwi'. Kan xoqaqa k'a ri q'ij richin yenkol ri nutinamit.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.