Apocalipsis 6:15 - Kaqchiquel Bible

¹⁵ Roma ri' konojel ri rey ri ek'o chuwech ri ruwach'ulew, ri q'atoy taq tzij, ri beyoma', ri e uk'uey kichin ri aj-labal, ri winaqi' ri k'o uchuq'a' pa kiq'a', ri loq'on taq samajela' y konojel ri winaqi'; xkewala-ki' pa taq jul y chukojol taq abej ri chuwech taq juyu'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Ja atoq riꞌ ri reyes chin ri rochꞌulew, ri wineq kꞌo kiqꞌij, ri eꞌukꞌuey kibꞌey soldados más nim kiqꞌij, ri bꞌeyomaꞌ, ri kꞌo uchuqꞌaꞌ pa kiqꞌaꞌ, ri loqꞌon teq samajelaꞌ, ri e-libre, konojel reꞌ xkewalaꞌ kiꞌ chupan teq jul y chikikajal abꞌej pa teq juyuꞌ.

Kaqchikel Santa Maria de Jesus

¹⁵ Ri reyes ri icꞌo choch-ulief, ri nicꞌaj chic ri cꞌo quikꞌij, ri bꞌayomaꞌ, ri capitanes, ri vinak ri cꞌo poder pa quikꞌaꞌ, ri esclavos y ri libres, xcavaj-quiꞌ pa tak cuevas y chucajol tak abꞌaj ri icꞌo choch tak juyuꞌ.

Kaqchikel Central Guatemala

¹⁵ Ri reyes ri ec'o chuvech ri ruvach'ulef, ri ch'aka' chic k'atoy tak tzij, ri beyoma', ri e uc'uey quichin achi'a' ri e richin oyoval, ri vinek ri c'o uchuk'a' pa quik'a', ri lok'on tak samajela' y ri vinek ri can e libre vi, xquevala' c'a qui' ri pa tak jul y chucojol tak abej ri chuvech tak juyu'.

Re C'ac'a Testamento pa Kach'abal

¹⁵ Re reyes re jec'o chach re ruch'ulef, re nic'aj chic re ye'bano gobernar, re biyoma', re je'c'uay quichin re soldados, re vinak re c'o poder pa quik'a', re samajel je'lak'on re nibex esclavos chique y re vinak re can je libres-va, xquivovala-qui' pa tak nima'k tak jul y chucojol tak peñas.

Kaqchikel Western Solola

¹⁵ Y ri reyes ri yec'o chuwech ri ruwach'ulef, ri nic'aj chic aj k'atbel tak tzij, ri beyoma', ri ye capitanes quiche (quixin) achi'a' ri ye riche (rixin) ch'a'oj, ri winek ri c'o uchuk'a' pa quik'a'; chuka' quinojel ri mozos ri ye ximil pa samaj riq'ui jun patrón y quinojel ri ma ye ximil ta pa samaj, xquewaj c'a qui' pa tak jul y chucojol tak abej ri chuwech tak juyu'.

Apocalipsis 6:15 ပူးပေါင်းရင်းမြစ်များ

Wuj Richin ri Rutikeribel 3:8

Y chupan k'a ri tiqaq'ij ri' ri Dios nibiyajilan chupan ri qejoj. Y rije' xkak'axaj y junanin xebe chukojol ri che' ri ek'o chiri' y xbekewaj-ki' chuwech rija'.

Wuj Richin Bix Chire ri Dios 76:12

Ja ri Jehová nelesan kik'aslen ri aj-raqen; kan nuben chike ri rey chi nik'oje' rukiy rija' chikiwech.

Wuj Richin ri Isaías 2:10

Roma ri' rix winaqi' tiwewaj-iwi' chikikojol nima'q taq abej, Tiwewaj-iwi' chuxe' taq jul. Tiwewaj k'a iwi' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 2:19

Toq ri Jehová xtiyakatej richin nusiloj ri ruwach'ulew, ri winaqi' xtikewaj-ki' chuxe' nima'q taq abej, y chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 2:21

Xtibanatej ronojel re' toq ri Jehová xtiyakatej richin nusiloj ri ruwach'ulew, y ri winaqi' xtikewaj-ki' chuxe' nima'q taq abej, chuqa' chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 42:22

Jak'a ronojel ri k'o rejqalen iwik'in rix xa xuk'uex yan el koma ri e etzelanel iwichin. Chi'iwonojel rix xa xixkichop y xixkiya' pa taq jul, y kan iwewan-iwi' pa taq cárcel. Rix xixuk'uex-el achi'el niban rik'in ri k'o rejqalen, y kan man jun xto'on iwichin, y kan man jun xixkolon.

Wuj Richin ri Miqueas 7:17

Re winaqi' re' kan xtikibeq' k'a ri poqolaj, achi'el nikiben ri kumatzi'. Jehová tabana' chi re winaqi' re' rik'in janila xibinri'il xkebe'el-pe ri akuchi ek'o-wi, y kan xkek'ark'ot ta k'a xke'apon chawech rat Jehová ri at qa-Dios.

Hebreos 11:38

Ri winaqi' ri' kan k'owineq k'a ruwi' e utz richin xek'oje' chikikojol ri man ketaman ta ruwech ri Dios, k'o chi xebe-kela' xebe-kela' xkiben, ri pa taq tz'iran ruwach'ulew, xkewaj-ki' pa taq juyu', pa taq jul, roma ri ruk'ayewal ri xkil.

Apocalipsis 18:23

Man jun chik q'aq' ri xtitz'etetej ta chupan, richin ta nisaqirisan. Man xtak'axatej ta chik chuqa' chi k'o ta jun k'ulubik nibanatej. Chiri' xek'oje-wi ri más nima'q taq k'ayinela', chiri' chuqa' xeban wi ri itz, y xeq'olotej konojel ri ruwach'ulew, xcha'.

Wuj Kichin ri To'onela' 6:2

Y rije' kan xkiben k'a chike ri israelita chi xkitej poqon, y roma ri' xkikanola' ri akuchi xkewala-wi-ki': Ek'o xkewala-ki' kojol taq juyu', pa ruwi' taq juyu' y pa taq jul ri ek'o chiri'. Chiri' xek'oje-wi richin xkito-ki'.

1 Sam 13:6

Toq ri israelita xkina' chi kan yech'akatej yan koma ri aj-Filistea, xa xe'animej y xkewaj-ki' pa taq jul, chuxe' taq ulew, kojol taq abej y chupan ri nima'q taq jul ri e k'oton.