Apocalipsis 6:13 - Kaqchiquel Bible

¹³ Y ri ch'umila' xebetzaq-pe ri chikaj y xeqaqa pa ruwi' ri ruwach'ulew, achi'el yebetzaq-pe ri ruwech ri wíkix toq nuben jun nimalej kaq'iq'.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Y ri chꞌumilaꞌ ekꞌo chikaj xetzaq qa chochꞌulew, achel ngetzaq qa ri rex teq ruwech ri cheꞌ higuera atoq ndiselox roma ruchuqꞌaꞌ jun nim kaqiqꞌ.

Kaqchikel Santa Maria de Jesus

¹³ Y ri estrellas (chꞌumil) xaꞌbꞌatzak-pa chicaj y xaꞌka-pa paroꞌ ri roch-ulief, can incheꞌl antok ncaꞌtzak-pa ri roch víquix antok nisilos ruma jun nem cakꞌiekꞌ.

Kaqchikel Central Guatemala

¹³ Y ri ch'umila' xebetzak-pe ri chicaj y xeka' pa ruvi' ri ruvach'ulef, can achi'el tok yebetzak-pe ri ruvech ri víquix (higo) pa ruk'a' jun nimalej cak'ik'.

Re C'ac'a Testamento pa Kach'abal

¹³ Y re ch'umil xe'betzakalam-pa chicaj y xe'ka pa rue' re ruch'ulef, can ancha'l niquiban tak ye'betzak-pa rach re higuera tak camas cak'ik' nuban.

Kaqchikel Western Solola

¹³ Y ri ch'umila' xebetzak pe ri chicaj y xeka pa ruwi' ri ruwach'ulef, can achi'el tek yebetzak pe ri ruwech ri higo ruma jun nimalaj cak'ik'.

Apocalipsis 6:13 ပူးပေါင်းရင်းမြစ်များ

Wuj Richin ri Achin Job 15:33

Xa xtok k'a achi'el juwi-uva ri xa yeruch'ototej-pe ri tzeqaj ruwech, ri man jani e cheq' ta. Y xa achi'el jun che' olivo ri xa man yepa'e' ta ri rusi'j y xa yebulul-pe.

Wuj Richin ri Isaías 13:10

Chupan ri q'ij ri', ri q'ij kan maneq ruchuq'a' toq k'ari' nel-pe. Ri ik' man xtisaqirisan ta chik. Y ri ch'umila' kan man xkeyik'lun ta chik.

Wuj Richin ri Isaías 33:9

Ronojel ri ruwach'ulew kan xchaqi'j y xmayamo' yan qa, achi'el jun wineq ri janila nibison y kan niken yan qa. Ri ruwach'ulew Líbano kan janila xchaqi'j y kan xmayamo' yan qa. Ri taq'aj richin Sarón xa kan tz'iran chik, achi'el ri Arabá. Chupan chijun taq'aj richin Basán y ri juyu' Carmelo kan ronojel k'a ri che' xechaqi'j yan qa.

Wuj Richin ri Isaías 34:4

Ronojel k'a ri ek'o chuwech ri kaj xa xkechup-qa, y ri kaj kan xtubot-ri' achi'el nubot-ri' jun wuj. Keri' konojel ri ch'umila' man xkech'ich'an ta chik. Kan xketzaq k'a achi'el yetzaq-el ri ruxaq ri juwi-uva, ó ri ruxaq ri wíkix.

Wuj Richin ri Isaías 7:2

Y toq xya'ox rutzijol chire ri rey Acaz y ri aj-Judá chi ri aj-Siria xjunamatej-kiwech kik'in ri aj-Israel, jari' toq ri aj-Judá kan janila xsilon ri kánima roma xibinri'il, achi'el toq yesilon ri nima'q taq che' roma ri kaq'iq'.

Ez 32:7

Xkixink'is k'a achi'el toq nichup jun q'aq'. Y chuqa' xtibeq'equmatej ruwech ri kaj richin man yesaqirisan ta ri ch'umila'. Xtintz'apej ruwech ri q'ij rik'in sutz' y chuqa' ri ik' man xtisaqirisan ta chik.

Dn 4:14

ri kan nich'on kow y nubij: Titorij ri che', y ke'ichoyola' ri ruq'a', tik'isa-el ronojel ri ruxaq y ri ruwech titaluj ronojel. Keri' chuqa' konojel ri chikopi' ri ek'o chuxe' kebe y ri aj-xik' taq chikopi' ke'el-el chupan ri ruq'a'.

Dn 8:10

Kan janila k'a xnimer re jun uk'a' re' y kan xeberuq'i' ronojel ri ek'o chikaj; y xeruqasaj k'a pe juba' chire ri ch'umila' k'a pan ulew y xerupalibej.

Joel 2:31

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Wuj Richin ri Nahum 3:12

Ri jay ri ek'o awik'in richin tobel xa xketzaq, achi'el yetzaq-pe ri wíkix toq e cheq' chik. Toq nisilox, kan xkebetzaq k'a pe k'a pa ruchi' ri najowan nitijo richin.

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

Marcos 13:25

Ri ch'umila' xketzaq k'a el ri akuchi ek'o-wi. Kan ronojel wi k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

San Lucas 21:25

K'iy k'a ri man jun bey e banatajineq y man jun bey e tz'eton, ri xkek'uluwachitej rik'in ri q'ij, ri ik' y ri ch'umila'. Ri winaqi' ri ek'o chuwech re ruwach'ulew man xtikil ta achike xtikiben; xa xtisach kik'u'x roma ri palou kan xtik'o ruwi' xtiq'ajan, roma xtibolqo't janila.

Apocalipsis 9:1

Chirij ri' ri ro' ángel xuxupuj ri trompeta, y jari' toq xintz'et chi jun ch'umil xtzaq-pe chila' chikaj y xqaqa chuwech ri ruwach'ulew. Y chire ri ch'umil ri' xjach ri llave richin ri nimalej siwan ri q'equ'm-q'equ'm rupan.