Apocalipsis 6:10 - Kaqchiquel Bible

¹⁰ Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Y rikꞌin kaw kichꞌabꞌel xkibꞌij: Ajaw, rat ri ratkꞌo pa ruwiꞌ nojel, rat ri kin rat loqꞌolej wi y kin ndabꞌen nojel ri ndabꞌij, ¿jampeꞌ ndaqꞌet tzij pa kiwiꞌ ri wineq ri xekamisan qichin chochꞌulew y ndayaꞌ rukꞌexel chake?

Kaqchikel Santa Maria de Jesus

¹⁰ Ijejeꞌ cof niquiꞌej: ¿Cꞌa jampeꞌ cꞌa Ajaf, Santo y Ketzij, xcaꞌan juzgar ri vinak ri icꞌo choch-ulief y jampeꞌ cꞌa xtayaꞌ rucꞌaxiel chica ruma xojquiquimisaj? ncaꞌchaꞌ.

Kaqchikel Central Guatemala

¹⁰ Y ri cánima ri vinek ri ec'o chuxe' ri altar ri', can riq'uin uchuk'a' niquibij: Lok'olej y kitzij Kajaf, ¿c'a jampe' c'a xtak'et tzij pa quivi' ri vinek ri ec'o chuvech ri ruvach'ulef? ¿C'a jampe' c'a xtaya' ruq'uexel chique roma ri kacamic roj? yecha'.

Re C'ac'a Testamento pa Kach'abal

¹⁰ Y re cánma re vinak re jec'o chuxe' re altar re', can riq'uin echuk'a' niquibij: Lok'olaj Dios y can katzij yat Ajaf, ¿c'a jampa' c'a xtaban juzgar pa quive' re vinak re jec'o chach re ruch'ulef? ¿C'a jampa' c'a xtaya' ruq'uixel chique roma xojquiquimisaj? ye'cha'.

Kaqchikel Western Solola

¹⁰ Y ri cánima ri winek ri yec'o chuxe' ri altar ri', can niquirek c'a quichi' chubixic: Lok'olaj y kitzij Kajaf, ¿Ajan (jampe') c'a nak'et tzij pa quiwi' ri winek ri yec'o chuwech ri ruwach'ulef? ¿Ajan (jampe') c'a naya' ruq'uexel chique ruma xojquicamisaj riyoj? yecha'.

Apocalipsis 6:10 ပူးပေါင်းရင်းမြစ်များ

Wuj Richin ri Rutikeribel 4:10

Y ri Jehová xubij chire: ¿Achike xaben? Roma ri rukik'el ri achaq' ri xbiyin chuwech re ruwach'ulew, achi'el xa ta nich'on-pe wik'in richin nuk'utuj rutojbalil pan awi'.

Wuj Richin Bix Chire ri Dios 119:84

¿K'a janipe' k'a richin ninwoyobej? ¿K'a janipe' k'a xtaq'et-tzij pa kiwi' ri e tzeqelibeyon wichin?

Wuj Richin Bix Chire ri Dios 13:1

Jehová, ¿kan richin kami q'asen xinamestaj kan? ¿kan jantape' ta k'a xtawewaj-awi' chinuwech?

Wuj Richin Bix Chire ri Dios 35:17

Ajaw, ¿k'a janipe' k'a chaq xtatzu' ronojel re'? Tabana' utzil takolo' ri wánima chikiwech ri nikajo' yinkik'is. Xaxe jun nuk'aslen k'o, y roma ri' kinakolo' chikiwech, roma rije' e achi'el koj ri nikajo' yinkiwech'.

Wuj Richin Bix Chire ri Dios 79:10

Roma ri winaqi' ri man yatkitzeqelibej ta nikibij-pe: ¿Akuchi k'a k'o-wi ri i-Dios?, yecha'. Niqajo' chi rat naya' ruk'ayewal pa kiwi' ri winaqi' ri', roma xkiben chi xbiyin kikik'el ri qawinaq ri e asamajela'.

Wuj Richin Bix Chire ri Dios 9:12

Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

Wuj Richin ri Isaías 61:2

Xiruteq-pe richin ninq'alajirisaj ri juna' richin ri rutzil ri Jehová, ri q'ij toq rija' xtuya' ruk'exel chike ri e etzelanel richin. Xiruteq-pe richin ninkuquba' kik'u'x ri ek'o pa bis.

Wuj Richin ri K'uxla'anik 3:64

Nimalej Jehová, taya' chike ri rutojbalil ri kibanobal. Taya' chike ri kan ruk'amon roma ri kimak.

Dn 12:6

Y ri ángel ri xch'on wik'in kan k'a pa'el na k'a chiri' pa ruwi' ri ya', y rukusan ri tzieq banon rik'in lino. Y jun k'a chike ri e ka'i' ri e pa'el chuchi' ri ya' xch'on k'a apo chire y xubij: ¿K'a janipe' nibetane' re meyel taq banobel re'?, xcha-apo.

Dn 8:13

Chirij ri' xinwak'axaj k'a chi jun ángel nich'on, y k'o chik k'a jun ángel ri xch'on-apo chire ri nich'on nabey, y xuk'utuj chire chi janipe' nitane' ri itzel banobel rik'in ri kamelabel ri jantape' yesuj, y ri yakatajinenri'il chirij ri rachoch ri Dios y ri rutinamit, ri xejach pa ruq'a' ri ti ko'ol uk'a' ri kan xerupalibej.

Wuj Richin ri Zacarías 1:12

Jari' toq ri ángel xch'on-q'anej rik'in ri Dios y xubij chire: Rat Jehová ri at k'iytisanel richin ronojel, ¿k'a janipe' xtajoyowaj kiwech ri e aj-Jerusalem y ri ch'aqa' chik tinamit richin Judá, ri aya'on-pe ri rutojbalil-mak pa kiwi' oxk'al lajuj juna'?, xcha'.

San Lucas 2:29

Wajaw, wakami k'a xa kan utz chik chi yinawelesaj-el, y xkiken rik'in uxlanen, roma kan achi'el ri abin chuwe, kan keri' xbanatej.

San Lucas 21:22

Roma toq xtapon k'a ri q'ij richin ri tijoj-poqonal, jari' k'a toq ri tinamit xtuk'ul rutojbalil ronojel ri e rubanalon, y kan xtibanatej k'a achi'el ri tz'ibatel kan chupan ri ruch'abel ri Dios.

Romanos 12:19

Rix ri yalan yixinwajo', ninbij k'a chiwe chi wi ek'o ri yebanon itzel chiwe, man tiben ruk'exel chike. Xa tiya' pa ruq'a' ri Dios, roma ja rija' ri xtiya'on rutojbalil ri itzel taq kibanobal, kan achi'el ri nubij ri ruch'abel ri Dios ri tz'ibatel kan:*f47* Pa nuq'a' yin k'o-wi ri ruk'ayewal y ninya' rutojbalil chike ri yemakun, nicha'.

Hebreos 12:24

Ojk'o apo rik'in ri Jesús ri nisamajin ri k'ak'a' jikibel-tzij y rik'in ri rukik'el ri xbiyin ri xuch'ajch'ojirisaj ri qánima, roma ri rukik'el rija' más rejqalen chuwech ri rukik'el ri Abel.

2 Pedro 2:1

Ri ojer kan, chikikojol ri nuwinaq judío xek'oje' q'alajirisanela' ri xa man e qitzij ta. Y keri' k'a chuqa' chi'ikojol rix xkebek'ulun-pe winaqi', xtikiben chi ja ri ruch'abel ri Dios ri nikik'ut, jak'a xa man qitzij ta. Y re' xaxe richin nuyoj kich'obonik ri winaqi'. Re tijonela' re' man xtikinimaj ta chi ri ajaw xken richin xutoj ri kimak. Keri' xa pa kiwi' rije' nikoyoj-wi ri tijoj-poqonal.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 18:24

Kan chupan k'a ri tinamit ri' xbiyin-wi ri kikik'el ri e q'alajirisey ruch'abel ri Dios, ri kik' kichin ri loq'olej ralk'ual ri Dios, y konojel ri e kamisan-el chuwech re ruwach'ulew.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

Apocalipsis 3:10

Y roma kan itaqen rik'in koch'onik ri nubij ri nuch'abel; yin kan xkixinchajij k'a chuwech ri ruk'ayewal ri xtipe pa ruwi' ri ruwach'ulew richin yetejtobex konojel ri winaqi'.

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

Wuj Kichin ri To'onela' 16:28

Y ri Sansón xch'on k'a rik'in ri Dios, y xubij: Ajaw Jehová, xaxe ta chik k'a re jun bey re' xkinoqaqa ta chi'ak'u'x. Nink'utuj k'a utzil chawe richin taya' chik jun bey ri wuchuq'a', nu-Dios yin, richin chi jumul ninya' rutojbalil chike ri aj-Filistea roma xkelesaj ri runaq' taq nuwech, xcha'.

1 Sam 24:12

Wakami k'a kan ja ta k'a ri Jehová xtiq'aton-tzij chiqakojol roj oj ka'i'. Ja ta k'a ri Jehová xtiya'on ruk'exel chawe. Jak'a yin kan man xtinjeluj ta ri nuq'a' chawij.