Apocalipsis 5:13 - Kaqchiquel Bible

¹³ Y xenwak'axaj k'a chuqa' konojel ri e ruk'iytisan ri Dios ri ek'o chupan ri kaj, re ek'o chuwech re ruwach'ulew, ri ek'o chuxe-qa ri ruwach'ulew y ri ek'o chupan ri palou; y nikibij: Chire ri tz'uyul chupan ri tz'uyubel y chuqa' chire ri Karne'l, xtiya'ox ronojel matioxinik, ruwaq'ijaj, k'ojlemal y ronojel uchuq'a' richin jantape', yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Y nojel ri kꞌo kikꞌaslen chikaj, chochꞌulew, chuxeꞌ qa ri rochꞌulew, y chupan ri mar, y nojel ri chꞌaqa chik ebꞌanun roma ri Dios, xenwakꞌaxaj chi kereꞌ ndikibꞌij: Chare ri Dios ri tzꞌuyul pa ru-trono y chare ri Alaj Karneꞌl Kin utz ndibꞌix utzulej teq tzij, ndiyoꞌox kiqꞌij, ndinimrisex kibꞌiꞌ, y kin ta kichin chuqaꞌ rejeꞌ ri uchuqꞌaꞌ Pa ruwiꞌ nojel chin jumul.

Kaqchikel Santa Maria de Jesus

¹³ Y xaꞌnvaꞌxaj jeꞌ quinojiel ri i-rubꞌanun ri Dios; ri icꞌo chicaj, ri icꞌo choch-ulief, ri icꞌo chuxieꞌ ka ri ulief, y ri icꞌo chupan ri mar, niquiꞌej: Ri tzꞌuyul chupan ri ru-trono y ri Alaj Oveja, tiyoꞌx rukꞌij, tiꞌan nem cha ri rubꞌeꞌ, y tiꞌeꞌx chi cꞌo ru-poder richin nojiel tiempo.

Kaqchikel Central Guatemala

¹³ Y xenvac'axaj c'a chuka' conojel ri e ruq'uiytisan ri Dios ri ec'o chupan ri caj, ri ec'o chuvech ri ruvach'ulef, ri ec'o chuxe' ka ri ruvach'ulef, y ri ec'o chupan ri nimalej ya' rubini'an mar, niquibij c'a: Ri tz'uyul chupan ri lok'olej ruch'acat y que chuka' ri' ri achi'el Alaj Carne'l ri ic'ovinek chic chuvech ri camic, jari' ri c'o rubi' pa nabey, c'o ruk'ij, c'o ruc'ojlen, y c'o ruchuk'a' richin jantape', xecha'.

Re C'ac'a Testamento pa Kach'abal

¹³ Y xinc'axaj chuka' che ronojel re je'rubanon re Dios re jec'o chupan re rocaj, re jec'o chach re ruch'ulef, re jec'o chuxe-ka re ruch'ulef, y re jec'o chupan re mar, niquibij: Re tz'uyul chach re lok'olaj ch'acat y quire' chuka' re ancha'l oveja re xk'ax-yan chach re camic, jare' re otz che nibixax rube' y reja' can otz-va chuka' che nibex cha che camas nem, c'o ruk'ij y c'o ru-poder chin nojel tiempo, xe'cha'.

Kaqchikel Western Solola

¹³ Y xenwac'axaj c'a chuka' quinojel ri ye ruq'uiytisan ri Dios ri yec'o chuwech ri caj, ri yec'o chuwech ri ruwach'ulef, ri yec'o chuxe' ri ruwach'ulef, y ri yec'o chupan ri mar, niquibij c'a: Ri tz'uyul chupan ri lok'olaj ch'aquet y ri Jesucristo ri achi'el Alaj Carne'l, can xtinimirisex ta c'a rubi', can xtiya'ox (xtya') ta c'a ruk'ij y que ta chuka' ri' ri ruc'ojlen, y xtik'alajin ta c'a ri nimalaj ruchuk'a' riche (rixin) xtibe k'ij xtibe sek, xecha'.

Apocalipsis 5:13 ပူးပေါင်းရင်းမြစ်များ

Filipenses 2:10

Richin keri' kan xaxe ta k'a pa rubi' ri Jesús yojxuke' qonojel: stape' ri ek'o chila' chikaj, re ojk'o chuwech re ruwach'ulew, y ri ek'o chuxe' re ruwach'ulew.*f2*

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

Apocalipsis 5:3

Jak'a kan man jun ri ruk'amon ta richin nujeq-qa ri wuj y nusik'ij; man jun chupan ri kaj, ni ri pa ruwi' ri ruwach'ulew, ni ri chuxe-qa ri ruwach'ulew.

Apocalipsis 5:12

Y rije' rik'in ronojel kuchuq'a' nikibixaj: Ri Karne'l ri xkamisex kan ruk'amon-wi chi nuk'ul ronojel uchuq'a', beyomel y etamabel. Kan ruk'amon chi nuk'ul ruq'ij-ruk'ojlen y ruwaq'ijaj, yecha'.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

1 Pedro 5:11

Rija' kan xtuk'ul ta ruq'ij-ruk'ojlen richin tibe-q'ij tibe-seq. Kan keri' ta k'a.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

Wuj Richin ri Isaías 42:10

Tiqabixaj k'ak'a' bix chire ri Jehová, y chuqa' chijun ruwach'ulew ri ek'o janila nej. Kixbixan chuqa' chi'iwonojel rix ri yixbiyin pa ruwi' ri palou, konojel ri winaqi' ri ek'o pa taq'aj ruwach'ulew, y konojel chikopi' ri ek'o pa ya'.

Apocalipsis 6:16

Y konojel re winaqi' re' yech'on chike ri juyu' y ri abej, y nikibila' k'a: Kixtzaq-pe chiqij y qojiwewaj chuwech la tz'uyul chupan la tz'uyubel richin q'atbel-tzij. Y qojiwewaj chuwech ri royowal ri Karne'l.

Judas 1:25

Chire rija' ronojel k'ojlemal, uchuq'a' y q'atbel-tzij roma ri qakolonel Jesucristo, ri rubanon-pe, re wakami y keri' tibe-q'ij tibe-seq. Kan keri' ta k'a.

Romanos 16:27

Xaxe jun Dios k'o y rik'in rija' k'o-wi ronojel etamabel. Tiqaya' k'a ruq'ij-ruk'ojlen rija' richin jantape'. Xaxe roma ri Jesucristo yojtikir niqaya' ruq'ij ri Dios. Kan keri' ta k'a.

Romanos 9:5

Rije' chuqa' e kijatzul kan ri Abraham, ri Isaac y ri Jacob. Y toq ri Cristo xpe wawe' chuwech re ruwach'ulew, rija' chuqa' xok kijatzul ri e oxi' ri'. Ri Dios ri k'o pa ruwi' ronojel, kan ta k'o ruq'ij richin jantape'. Kan keri' wi.

Apocalipsis 5:6

Y k'ari' yin xintz'et chi chiri' chunaqaj ri tz'uyubel richin q'atbel-tzij, ri sutin-kij koma ri kaji' ri k'o kik'aslen y chikikojol ri achi'a' ri k'o kiq'ij, pa'el jun achi'el Karne'l ri kan xkamisex y wakami k'es. K'o wuqu' ruk'a' y wuqu' runaq'-ruwech, ri nuk'exewachuj ri wuqu' Espíritu richin ri Dios ri e taqon chuwech ri ruwach'ulew.

Apocalipsis 1:6

Y xuben chiqe qonojel roj ri qakuquban qak'u'x rik'in, chi xojok jun ajawaren kichin sacerdote richin niqasuj sipanik chire ri Dios ri rutata'. Roma ri' ri Jesucristo xtuk'ul ta ruq'ij-ruk'ojlen y ri q'atbel-tzij richin jantape'. Keri' ta k'a.

1 Pedro 4:11

Wi kan banon pe chawe roma ri Dios richin natzijoj ri ruch'abel, kan tatzijoj k'a ri ruch'abel. Y wi jun chik ruwech samaj ruya'on-pe chawe kan tabana' k'a rik'in ri uchuq'a' ri nuya' rija' chawe. Y roma ronojel re' xtuk'ul ta ruq'ij-ruk'ojlen ri Dios pa rubi' ri Jesucristo, rajaw ronojel ruwaq'ijaj y uchuq'a' richin jantape'. Kan keri' k'a.

Efesios 3:21

Y roma ta ri Jesucristo y qoma ta roj ri qakuquban qak'u'x rik'in, ri Dios nuk'ul ta ruq'ij-ruk'ojlen richin jantape', y keri' tibe-q'ij tibe-seq. Keri' ta k'a.

Wuj Richin ri Isaías 24:14

Jak'a ri juba' winaqi' ri xkek'ase' kan, xkesik'in rik'in janila kikoten. Ri winaqi' ri xkek'oje' pa qajbel-q'ij kan xkebixan rik'in ronojel kik'u'x roma ri nimalej ruchuq'a' ri Jehová.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Colosenses 1:23

Jak'a nik'atzin chi kan kow yixk'oje' chupan ri ikuqubabel-k'u'x rik'in ri Dios y man jun bey tich'ob richin niya' kan ri oyobenri'il ri k'o iwik'in rix roma xiwak'axaj ri utzilej ch'abel richin kolotajik, ri talutajineq chuwech chijun ruwach'ulew, ri yin chuqa' in oyon richin ninch'abalij.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

1 Timoteo 4:16

Tachajij k'a jebel ri ak'aslen y keri' chuqa' ri tijonik ri naya' chike ri ch'aqa' chik. Y man taya' kan rubanik, richin keri' xtakol-awi' rat y xke'akol chuqa' ri ye'atijoj.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

Apocalipsis 5:1

K'ari' xintz'et k'a chi ri tz'uyul chupan ri tz'uyubel, k'o jun wuj boton ri ruk'uan pa rijkiq'a'. Ri wuj ri' k'o tz'ibatel chuwech y chirij y kan tz'apen kan rik'in wuqu' sello.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.