Apocalipsis 4:7 - Kaqchiquel Bible

⁷ Ri nabey chike ri e kaji' ri k'o kik'aslen kan achi'el rubanik jun koj, ri ruka'n achi'el jun alaj achij wákix, ri rox achi'el nitzu'un jun wineq, y ri rukaj achi'el jun kot ri rurik'on ruxik' beneq chikaj.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Ri nabꞌey chikiwech ri kajiꞌ kꞌo kikꞌaslen, achel jun koj keriꞌ. Ri rukan achel jun alaj wakx, ri rox achel ruwech jun achi keriꞌ, y ri rukaj achel jun kot ndirapap chikaj.

Kaqchikel Santa Maria de Jesus

⁷ Ri naꞌay chiquivach ri icajeꞌ reꞌ, can incheꞌl jun león (coj). Ri rucaꞌn incheꞌl jun alaj váquix. Ri ruox incheꞌl cꞌa rupalaj jun ache. Y ri chi cajeꞌ, can incheꞌl jun águila ri bꞌanak chicaj.

Kaqchikel Central Guatemala

⁷ Ri nabey c'a chique ri e caji' ri' can achi'el c'a rubanic jun coj. Ri ruca'n achi'el c'a jun alaj váquix. Ri rox achi'el c'a nitzu'un jun vinek. Y jac'a ri rucaj, can achi'el c'a jun xic (aj-ch'ac) ri ruric'on ruxic' benek chicaj.

Re C'ac'a Testamento pa Kach'abal

⁷ Re nabey chique re je caje' re' can ancha'l rubanic jun león. Re ruca'n ancha'l jun alaj vacx. Re rox ancha'l titzu'un jun vinak. Y jac'a re rucaj, can ancha'l jun águila re ruric'on ruxic' binak chicaj.

Kaqchikel Western Solola

⁷ Ri nabey c'a chique ri ye caji' ri' can achi'el c'a rubanic jun coj. Ri ruca'n achi'el c'a jun alaj wáquix. Ri rox achi'el c'a rupalej jun winek. Y yac'a ri rucaj, can achi'el c'a jun xic ri ruric'on ruxic' benak chicaj.

Apocalipsis 4:7 ပူးပေါင်းရင်းမြစ်များ

Ez 10:14

Y chikijujunal k'a ri querubín k'o kaji' kipalej. Ri nabey achi'el rupalej jun wákix, ri ruka'n achi'el rupalej jun wineq, ri rox achi'el rupalej jun koj y ri rukaj achi'el rupalej jun kot.

Ez 1:10

Y kere' k'a kibanik: Ri kipalej ri k'o chikiwech achi'el rupalej jun wineq. Ri kipalej ri k'o chikij achi'el rupalej jun kot. Ri kipalej ri k'o pa kijkiq'a' achi'el rupalej jun koj y ri kipalej ri k'o pa kajxokon achi'el rupalej jun wákix.

Ez 10:21

Chikijujunal k'a k'o kajkej kipalej y kajkej kixik' y chuxe-qa ri kixik' k'o jun q'abaj achi'el ruq'a' ri wineq.

Apocalipsis 4:6

Ri chuwech-apo ri tz'uyubel ri', k'o k'a jun achi'el palou ri chay-chay nitzu'un. Ri tz'uyubel ri' sutin-apo-rij koma e kaji' ri k'o kik'aslen y kan nojineq kij rik'in wachaj, keri' chikij y chikiwech.

Dn 7:4

Ri rubanik ri nabey chikop kan achi'el k'a jun koj. Ek'o k'a ruxik' achi'el ri ruxik' ri kot. Yin kan nutzuliben k'a ri chikop ri' y xintz'et k'a chi ri ruxik' xa xetz'oq-el. Y xban k'a chire ri chikop ri' chi xpa'e' pan ulew pa ruwi' ri raqen achi'el nipa'e' jun wineq, y kan xban k'a chire chi ri ruch'obonik kan xok ruch'obonik wineq.

Ez 1:8

Y man xaxe ta k'o kajkej kipalej y kajkej kixik', xa kan k'o chuqa' kiq'a' chuxe-qa ri kixik' y ri rubanik ri kiq'a' kan achi'el ruq'a' wineq.

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

Deut 28:49

Ri Jehová xtuteq-pe chiwij jun ruwach'ulew ri k'o janila nej y man xtiq'ax ta ri kich'abel chiwech; kan xkeyakatej k'a pe chiwij richin nokibana' oyowal iwik'in; kan xkeqaqa k'a chiwij, achi'el nuben jun kot, toq k'o ruq'ijun.

Wuj Richin ri Abdías 1:4

Jak'a yin ninbij chi stape' ta yixxik'an achi'el ri kot, y chikikojol ta ri ch'umil niben-wi ri isok, yin chuqa' chiri' xkinapon-wi, richin k'a chiri' xkixinqasaj-pe k'a pan ulew.

Wuj Richin Etamabel-Tzij 28:2

Xa roma k'a ri etzelal ri ek'o pa jun ruwach'ulew, toq e k'iy q'atoy-tzij ri yek'oje'; jak'a ri wineq ri k'o utzilej ruch'obonik y k'o retamabal, kan nitikir-wi yeruk'uaj ri winaqi' rik'in ruchojmilal.

2 Sam 1:23

Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

Wuj Richin ri Rutikeribel 49:9

Rat Judá, at achi'el kape jun alaj koj, nuk'ajol yin, at achi'el jun alaj koj ri peteneq pa kanonik, niwune' y nikotz'e-qa pan ulew achi'el jun nimalej achij koj, achi'el chuqa' jun nimalej ixoq koj, ri man jun nitikir nijel-apo rik'in richin nuk'asoj.

1 Corintios 14:20

Wach'alal, man k'a kixch'obon achi'el yech'obon ri ak'uala'; xaxe chuwech ri mak kan tibana' achi'el ri ak'uala', jak'a rik'in ri ich'obonik tibana' achi'el ri winaqi' e nima'q chik.

Wuj Richin ri Q'axanri'il 24:9

Rix kan yixuxlan achi'el jun koj; y man jun nik'ason richin. ¡Kan xtiqaqa k'a urtisanik pa kiwi' ri ye'urtisan iwichin: Kan xtiqaqa k'a etzelanik pa kiwi' ri yerayin itzel pan iwi'!

Wuj Richin ri Q'axanri'il 23:24

Rije' kan xkebeyakatej-pe achi'el jun koj ri janila ruchuq'a'. Rije' man ye'uxlan ta, k'a toq k'o na jun ri kichapon. Man nikiq'et ta ki' k'a toq kik'uxun ri etzelanel kichin, y kiqumun chik kikik'el konojel ri xekikamisaj,

Apocalipsis 6:3

Toq ri Karne'l xrelesaj ri ruka'n sello richin ri boton wuj, xinwak'axaj k'a chi xch'on ri ruka'n chike ri e kaji' ri k'o k'ik'aslen y xubij: ¡Katanpe!, xcha'.

Apocalipsis 6:5

Toq ri Karne'l xujeq ri rox sello richin ri boton wuj, xinwak'axaj k'a chi xch'on ri rox chike ri e kaji' ri k'o k'ik'aslen y xubij: ¡Katanpe!, xcha'. Y xbek'ulun-pe jun q'eq rij kiej ch'okoliben roma jun ri ruk'uan jun etabel pa ruq'a'.

Apocalipsis 6:7

Toq ri Karne'l xujeq ri rukaj sello richin ri boton wuj, xinwak'axaj chi xch'on ri ruk'isibel chike ri e kaji' ri k'o kik'aslen y xubij: ¡Katanpe!, xcha'.