Apocalipsis 3:4 - Kaqchiquel Bible

⁴ Man rik'in-wi-ri, ri chiri' pa Sardes k'a ek'o jujun ri man kitz'ilobisan ta ri kitziaq.Y jere' k'a ri xkebiyin wik'in yin, kikusalon seq taq tzieq, roma jari' ruk'amon chike.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Pero kꞌa ekꞌo na jujun ralkꞌuaꞌl ri Dios pa tinamit Sardes ri ma kiseqꞌan ta ri kikꞌaslen rikꞌin ri ma utz ta. Rejeꞌ kin erukꞌulun chi ngebꞌiyaj wikꞌin kikusan puchupuj teq tzieq.

Kaqchikel Santa Maria de Jesus

⁴ Pero chiꞌicajol ixreꞌ ri in-iniman chireꞌ pa tanamet Sardis, cꞌa icꞌo nicꞌaj ri can i-sak. Ijejeꞌ xcaꞌin viqꞌuin inreꞌ, niquicusaj sak tak tziak, ruma can nucꞌul niquicusaj ri tziak reꞌ.

Kaqchikel Central Guatemala

⁴ Pero chi'icojol rix ri ix nimayon vichin ri chiri' pa Sardis, can c'a ec'o c'a ri e ch'ajch'oj-ch'ajch'oj. Can man quitz'ilobisan ta qui' riq'uin banobel ri man e utz ta. Y jere' c'a ri xquebiyin viq'uin yin, quicusalon sek tak tziek, roma can e ruc'amon-vi.

Re C'ac'a Testamento pa Kach'abal

⁴ Pero chiquicojol re hermanos re jec'o chire' pa Sardis, jec'o jun ca'e-oxe' re can je ch'ajch'oj. Can man quitz'ilbisan-ta-qui' riq'uin re banabal re man je otz-ta. Y jare' re xque'biyaj junan viq'uin yen, quicusalon sak tak tziak, roma can ruc'amon-va che niquicusaj.

Kaqchikel Western Solola

⁴ Pero chicojol riyix ri yix nimayon wuche (wixin) ri chiri' pa tinamit Sardis, can c'a yec'o na jojun ri can ye ch'ajch'oj. Can ma quitz'ilobisan ta qui'. Y yec'a riye' ri' ri xquebiyin wuq'ui riyin, quicusalon sek tak tziek, ruma can ruc'amon (takal) wi chiquij.

Apocalipsis 3:4 ပူးပေါင်းရင်းမြစ်များ

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.

Apocalipsis 3:5

Ri xtich'akon, kan xtinwiq k'a rik'in seq taq tzieq. Y man xtinwelesaj ta ri rubi' chupan ri wuj ri richin k'aslen. Y kan xtinbij k'a chire ri Nata' y chike ri ángel, chi ri wineq kan wichin yin.

Apocalipsis 6:11

Y jari' k'a toq xjach kitziaq seq chikijujunal, y xbix chike chi k'a tikoyobej na chik juba', roma k'a ek'o na ri kachibil pa rusamaj ri Cristo y chuqa' ri kach'alal ri k'a man jani yekamisex koma ri winaqi', achi'el ri xkik'uluwachij-el rije'.

Wuj Richin ri Molojri'il 9:8

Kan jantape' k'a chuqa' takusaj ri saqilej atziaq, y taya' k'a ri aq'om pan awi', richin ri rusumal-awi' jebel nitzu'un.

Apocalipsis 19:14

Y rija' e rachibilan ri aj-chikajil banoy taq labal, ri kikusan tzieq lino ri kan seq-seq nitzu'un y re' ech'okol-el chikij seq taq kiej.

Apocalipsis 4:4

Y kan sutin k'a rij rik'in chik juwineq kaji' tz'uyubel. Y ri e tz'uyul ri chiri' e juwineq kaji' achi'a' ri k'o kiq'ij, ri e kikusalon seq taq tzieq, y ri pa kijolon e kikusalon corona ri e banon rik'in q'anapueq.

Apocalipsis 3:18

Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.

Apocalipsis 19:8

Kan xya'ox k'a q'ij chire ri xten richin chi xuwiq yan ri' rik'in tzieq ri kan janila ch'ajch'oj y niyik'lun; tzieq lino ri janila jebel, yecha'. Y ri jebelej taq tzieq ri' nuk'exewachuj ri chojmilej kibanobal ri ralk'ual ri Dios.

Judas 1:23

Ch'aqa' chik winaqi' ri xa yebe yan pa q'aq' kan ke'ikolo' k'a kan chuwech ri q'aq'. Keri' chuqa' ri winaqi' ri kik'uan itzel taq rayinik, nik'atzin chi nijoyowaj kiwech. Jak'a k'o chi nichajij-iwi' chikiwech, richin man yixtzaq chuqa' rix chupan ri kibanobal rije'.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

Marcos 16:5

Toq rije' xe'ok-apo chupan ri jul, xkitz'et chi k'o jun ala' chiri', tz'uyul ri pa kijkiq'a-apo, rukusan jun tzieq seq ri napon k'a chiraqen-qa. Roma ri' ri ixoqi' janila xkixibij-ki'.

San Lucas 20:35

Jak'a ri ya'on q'ij chike richin ye'ok pa rajawaren ri Dios, y ri xkek'astej-el chikikojol ri kaminaqi', man xkek'ule' ta chik, ni man xkeyatej ta chuqa' el kimi'al-kik'ajol richin yek'ule'.

San Mateo 10:11

Toq yixapon k'a pa jun tinamit o pa jun ti ko'ol tinamit, nabey na tiwetamaj achike wineq ri ruk'amon richin yixapon pa rachoch. Y kan chiri' k'a kixk'oje-wi-qa, k'a ja toq xkixel na el chupan ri tinamit ri'.

Apocalipsis 11:13

Y kan chupan ri ramaj ri' xpe jun nimalej silonel, y xwulatej ri jun ri lajuj chire ri Jerusalem. Y xeken k'a e 7,000 winaqi' roma ri silonel ri'. Jak'a ri xek'ase' kan, janila xkixibij-ki' y xkiya' ruq'ij-ruk'ojlen ri Dios.

2 Tesalonicenses 1:5

Ronojel re' nuq'alajirisaj chi ri Dios kan choj wi nuq'et-tzij, y nuk'ut chi rix kan ruk'amon chi yixok pa rajawaren. Y roma ri' toq rix nik'owisaj tijoj-poqonal re wakami.

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Isaías 52:1

Kixk'astej, kixk'astej rix aj-Sión, kan tik'oje' iwuchuq'a'. Rix aj-Jerusalem kan tikusaj ri itziaq ri más jebel ok, roma kan man jun bey chik xtok jun wineq iwik'in ri man iwinaq ta o man ch'ajch'oj ta.

Wuj Richin Bix Chire ri Dios 68:14

Toq ri Dios xerutaluj-el konojel ri rey chiri' pa juyu' Salmón, ri juyu' ri', kan achi'el xa ta xqaqa chuma-tew pa ruwi' nitzu'un.

Ester 8:15

Ri Mardoqueo xel k'a pe pa rachoch ri rey, rukusan-pe rutziaq ri nikikusaj ri rey y ri nitzu'un ri tzieq raxroj y seq, y ruq'un jun ko'ol raqen tzieq ri banon rik'in lino q'eQ'oj nitzu'un, y chuqa' rukusan jun jebelej corona ri banon rik'in q'anapueq. Y konojel k'a ri winaqi' ri ek'o chiri' pa Susa xkireq k'a kichi' roma kikoten.

Hechos 1:15

Y jun q'ij toq kimolon ki' jun la'eq e 120 qach'alal, ri Pedro xbepa'e-pe chikiwech, y xubij k'a chike:

Wuj Richin ri Isaías 61:3

Xiruteq-pe kik'in ri winaqi' aj-Sión ri ek'o pa bis, richin xtik'oje' kikoten kik'in, achi'el toq niya'ox jun corona pa ruk'exel ri chaj ri k'o pa kiwi'. Pa ruk'exel ri bis xtik'oje' jubulej taq aq'om, y pa ruk'exel nikikusaj tzieq richin bis, nikikusaj tzieq richin kikoten. Ri winaqi' ri' kan jantape' xtikiben pa ruchojmilal, roma rije' e achi'el jun paten-che' ri tikon roma ri Jehová, ri man niq'ochotej ta roma ri kaq'iq'. Y ri winaqi' ri' e banon richin nikiya' ruq'ij rija'.

Wuj Richin ri Isaías 59:6

Jak'a rik'in ri kem ri' man utz ta niben tzieq chire, y man jun nuwiq ri' rik'in ri tzieq ri'. Ri ibanobal kan ruyon ri etzelal, y ri samaj ri ye'iben kan xaxe banoy taq ch'a'oj.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

1 Rey 19:18

Jak'a yin kan e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Jehová.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Apocalipsis 14:4

Y jare' ri man jun bey xek'oje' ta kik'in ixoqi'. Kan e ch'ajch'oj-wi y kan jantape' kojqan ri Karne'l. Jare' ri nabey ri xekol-pe chikikojol ri winaqi', richin chi ye'ok achi'el nabey sipanik chire ri Dios y ri Karne'l.

Wuj Richin ri Chojmirisabelri'il 13:48

o xabachike ta peraj tzieq ri kemon o pach'un, o chuwech ta xabachike ri banon rik'in tz'um, y nik'ulun ta pe pus chirij;