Apocalipsis 3:18 - Kaqchiquel Bible

¹⁸ Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Romariꞌ ngatinpixabꞌaj chi taloqꞌoꞌ qꞌanapueq chꞌajchꞌojrisan pa qꞌaqꞌ ri nikꞌayij yin, chin keriꞌ ndikꞌojeꞌ ri qetzij bꞌeyomal awikꞌin. Taloqꞌoꞌ chuqaꞌ seq teq tzieq chin ndakusaj, y keriꞌ ma nditzꞌetetej ta chik ri akꞌix, porque xa rat chꞌanel. Taloqꞌoꞌ chuqaꞌ aqꞌon chin ndayaꞌ pa teq awech y keriꞌ chaj ngatzuꞌun.

Kaqchikel Santa Maria de Jesus

¹⁸ Rumareꞌ vacame niꞌej chiva, chi tilakꞌoꞌ viqꞌuin inreꞌ oro ri kꞌasan chic pa kꞌakꞌ, chi quireꞌ ketzij nquixbꞌayomer. Y tilakꞌoꞌ viqꞌuin inreꞌ ri sak tak tziak chi nticusaj, ruma vacame qꞌuix-qꞌuix ibꞌanun chi manak itziak chivij. Y viqꞌuin inreꞌ jeꞌ tilakꞌoꞌ ri colirio chi ntiyaꞌ pa tak inakꞌavach, chi quireꞌ nquixtzuꞌn otz.

Kaqchikel Central Guatemala

¹⁸ Roma c'a ri' ninya' rutzijol chive, chi tok rix nilok' k'anapuek, tilok'o' c'a ri c'o viq'uin yin, richin queri' can yixoc-vi beyoma'. Roma re k'anapuek c'o viq'uin yin, can utz vi, roma c'ovisan chic pa k'ak'. Can man jun chic c'a ti tz'il c'o riq'uin. Y tok rix nilok' chuka' tziek, can tilok'o' c'a ri sek tziek viq'uin yin, richin chi nucuch rij ri iq'uix. Y que chuka' ri' chi viq'uin yin tilok'o-vi ri ak'on richin niya' ri pa tak runak'-ivech rix, richin yixtzu'un jebel.

Re C'ac'a Testamento pa Kach'abal

¹⁸ Mare' ninya' rutzijol chique, che tak reje' niquilok' oro, tiquilok'o' re c'o viq'uin yen, chin quire' can xque'oc-va biyoma'. Roma re oro c'o viq'uin yen, can otz-va, roma k'asan chic pa k'ak' y manak tz'il riq'uin. Y chuka' tak reje' niquilok' tziak, can tiquilok'o' re tziak sak re c'o viq'uin yen, chin che nucuch rij re quiq'uex. Y chuka' viq'uin yen tiquilok'o-va re ak'om chin niquiya' pa quinak'avach chin che ye'tzu'un jabal.

Kaqchikel Western Solola

¹⁸ Rumac'ari' nya' jun utzilaj ina'oj, chi tek riyix nilok' k'anapuek, tilok'o' c'a ri c'o wuq'ui riyin, riche (rixin) chi queri' can yixoc wi beyoma'. Ruma ri k'anapuek ri c'o wuq'ui riyin, can utz wi, ruma k'axan chic pa k'ak'. Can majun chic c'a tz'il c'o riq'ui. Tek riyix nilok' chuka' tziek, can tilok'o' c'a ri sakilaj tak tziek ri c'o wuq'ui riyin, riche (rixin) chi nucuch ri iq'uixbal. Y queri' chuka' chi wuq'ui riyin tilok'o' wi ri ak'om riche (rixin) chi niya' ri pa runak' tak iwech, riche (rixin) chi yixtzu'un jabel.

Apocalipsis 3:18 ပူးပေါင်းရင်းမြစ်များ

Wuj Richin Bix Chire ri Dios 107:11

Kere' xban chike roma kan xkipaba-ki' chuwech ri Jehová, roma xketzelaj ri pixa' ri ruya'on rija'.

Wuj Richin Bix Chire ri Dios 16:7

Xtinya' ruq'ij ri Jehová, roma yirupixabaj, stape' ri chi'aq'a' nuben chuwe chi ninch'ob rij ri nuk'aslen.

Wuj Richin Bix Chire ri Dios 32:8

Ri Jehová nubij: Yin kan atintzuliben k'a. Xtink'ut k'a chawech ri bey ri k'o chi nak'uaj. Y xtinben k'a chawe richin xtiq'ax chawech.

Wuj Richin Bix Chire ri Dios 73:24

Kan in atijon k'a rik'in ri apixabanik. Xeri' kan xkinak'ul chupan ri aruwaq'ijaj.

Wuj Richin Etamabel-Tzij 1:25

rix xa nijech'ej kan ri pixabanik ri ninya' chiwe, y xa niwetzelaj ri ch'olinik ri ninben chuqa' chiwe.

Wuj Richin Etamabel-Tzij 1:30

Chuqa' roma ri man jun rejqalen xiben chire ri pixabanik ri xinya' chiwe, y kan xiniwetzelaj toq yin xixinch'olij.

Wuj Richin Etamabel-Tzij 19:20

Kan taya' k'a axikin chike ri pixabanik ri yeya'ox chawe, y kan tak'ulu' toq yatijox rik'in ch'olinik; roma jari' ri xtibanon chawe chi k'o na jun q'ij xkatok jun wineq aj-na'oj.

Wuj Richin Etamabel-Tzij 23:23

Rat, kan tatija' k'a aq'ij richin ye'awil ri k'o kejqalen; y man ke'awisq'opej-el ri qitzij, ri na'oj, ri tijonik y ri etamabel.

Wuj Richin ri Molojri'il 8:2

Kan tabana' k'a ronojel ri nubij ri rey chi k'o chi niban, roma kan aya'on chik atzij chuwech ri Dios.

Wuj Richin ri Isaías 47:3

Richin keri' xtiq'alajin ri ich'akul, y kan janila k'a xkixk'ixbitej, richin yin xtinwelesaj woyowal chiwij, y kan man jun xtikolotej kan.

Wuj Richin ri Isaías 55:1

Iwonojel rix ri janila chaqi'j ichi', kixanpe richin tiqumu' iya'. Y rix ri maneq iméro, kixanpe, kixloq'on y kixwa'. Kixanpe, kixloq'on stape' maneq iméro, y kan maneq rajel ri vino y ri leche.

Wuj Richin ri Jeremías 13:26

Y roma ri' yin chuqa' kan xkixinch'anaba' richin xkixinya' pa k'ixbilal.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Wuj Richin ri Miqueas 1:11

Ri winaqi' aj-Safir, rik'in janila k'ixbilal xkebe pa ximonri'il, y kan maneq k'a kitziaq xkebe. Ri winaqi' aj-Bet-ésel xa kan xke'oq' k'a, roma ri winaqi' aj-Zaanán xa man xkebe ta chi kito'ik.

Wuj Richin ri Nahum 3:5

Ri Jehová k'iytisanel richin ronojel kere' nubij: Yin kan xkiyakatej k'a chawij: Xkatinch'anaba' richin chi xkatkitz'et at ch'anel. Y ri winaqi' richin ch'aqa' chik ruwach'ulew xtikitz'et ri ak'ixbilal.

Wuj Richin ri Malaquías 3:3

Y rija' kan xtitz'uye' pa rutz'uyubal richin xtuben ri q'atoj-tzij pan iwi' rix sacerdote. Kan xkixruch'ajch'ojirisaj achi'el yech'ajch'ojirisex ri q'anapueq y ri saqipueq toq yeq'axex pa q'aq', richin xtik'en-pe isipanik rik'in chojmilal.

San Mateo 13:44

Ri Jesús xubij chik: Keri' chuqa' ri aj-chikajil ajawaren janila rejqalen, kan achi'el jun beyomel ri muqul kan pa jun ulew y xilitej roma jun achin. Ri achin ri xilo xaxe xutz'et xumuq chik kan ri beyomel ri' y nikikot ránima xtzolin. Xuchop ruk'ayixik ronojel ri k'o rik'in, y k'ari' xuloq' ri ulew ri akuchi muqul-wi ri beyomel ri kan k'o janila rejqalen.

San Mateo 25:9

Jak'a ri wo'o' chik xtani' e nowineq xkibij: Man ruk'amon ta chi niqaya' chiwe, roma wi roj niqaya' chiwe, rik'in juba' k'a k'o na ri nik'atzin chiqe, y keri' chuqa' rix. Más utz kixbiyin chuloq'ik, xecha'.

San Lucas 12:21

Keri' k'a ri wineq ri nimolo beyomel richin re ruwach'ulew, y man k'o ta ri beyomel richin ri Dios rik'in, xcha' ri Jesús chike ri winaqi'.

2 Corintios 5:3

Roma ri' niqarayij yan k'a ri k'ak'a' qach'akul achi'el jun k'ak'a' tzieq, richin man niqana' ta chi achi'el oj ch'anel.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

Apocalipsis 16:15

Y ri oxi' itzel taq espíritu ri' kan xekimol k'a ri winaqi' ri chiri' ri nibix Harmagedón chire pa ch'abel hebreo. Y jari' toq k'o jun xch'on y xubij: Yin xkipe, achi'el jun eleq'om, kan jebel k'a ruwa-kiq'ij ri kichajin ri kik'aslen y e ch'ajch'oj, keri' man xkek'ixbitej ta chikiwech ri winaqi', xcha'.

Apocalipsis 19:8

Kan xya'ox k'a q'ij chire ri xten richin chi xuwiq yan ri' rik'in tzieq ri kan janila ch'ajch'oj y niyik'lun; tzieq lino ri janila jebel, yecha'. Y ri jebelej taq tzieq ri' nuk'exewachuj ri chojmilej kibanobal ri ralk'ual ri Dios.

Apocalipsis 2:9

Yin wetaman ronojel ri itijoj-poqonal y ri meba'il ri nik'owisaj stape' chinuwech yin kan ix beyoma'. Chuqa' wetaman ri itzel ri nikibila' chiwij ri yebin chi e judío y xa man e judío ta, ri winaqi' ri' xa e jun tzobaj ri e richin ri Satanás.

Apocalipsis 3:17

Rix kan nibij chi k'o iméro, chi ix beyoma' y man jun chik ri nik'atzin chiwe. Jak'a man iwetaman ta chi rix xa tijoyowex iwech. Xa ix meba'i', xa man jun k'o iwik'in, xa ixch'anel, y chuqa' ix moyi'.

Apocalipsis 4:4

Y kan sutin k'a rij rik'in chik juwineq kaji' tz'uyubel. Y ri e tz'uyul ri chiri' e juwineq kaji' achi'a' ri k'o kiq'ij, ri e kikusalon seq taq tzieq, y ri pa kijolon e kikusalon corona ri e banon rik'in q'anapueq.

Apocalipsis 7:13

Y k'ari' jun chike ri achi'a' ri k'o kiq'ij xuk'utuj chuwe: ¿Awetaman e achike chi winaqi' la seq-seq kitziaq kikusalon y akuchi kepe-wi?, xcha' chuwe.