Apocalipsis 3:15 - Kaqchiquel Bible

¹⁵ Yin wetaman ronojel ri ibanobal. Wetaman chi ni man ix tew ta ni man ix meq'en ta más ta utz xa ta ixmeq'en o ix tew.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Riyin wetaman ri ngaꞌabꞌanalaꞌ, chi nixta rat tew nixta rat maqꞌen chinuwech. ¡Más ta kꞌa utz chi rat ta tew o rat ta maqꞌen!

Kaqchikel Santa Maria de Jesus

¹⁵ Inreꞌ vataꞌn nojiel ri ntiꞌan, vataꞌn chi man ix cꞌatan ta, ni man ix chꞌichꞌ ta. ¡Más ta otz xa ta ix cꞌatan o ix chꞌichꞌ!

Kaqchikel Central Guatemala

¹⁵ chi yin vetaman ronojel ri ibanobal. Vetaman chi man cukul ta ic'u'x viq'uin, pero chuka' man yiniya' ta can. Más ta utz chi ix mek'en ta o ix tef ta.

Re C'ac'a Testamento pa Kach'abal

¹⁵ che yen ntaman ronojel re quitz'amon rubanic. Ntaman che man can-ta quibanon confiar-qui' viq'uin, pero chuka' man yinquiya-ta can. Más-ta otz xe-ta xa je mek'an o xe-ta xa je tef.

Kaqchikel Western Solola

¹⁵ Riyin wetaman achique ri ibanon, ni xa ta yix tef, ni xa ta yix mek'en. Más ta utz chi can ta yix mek'en o can ta yix tef.

Apocalipsis 3:15 ပူးပေါင်းရင်းမြစ်များ

1 Rey 18:21

Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

Wuj Richin Etamabel-Tzij 23:26

Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel; richin kan jebel k'a xtatzu' y jebel chuqa' xtana' chupan ri nubey yin.

Os 10:2

Rije' xa kan ruch'aron-ri' ri kánima, wakami kan xtibekitojo' k'a ri kimak. Ri Jehová kan xtuben k'a chi xkewulex-el ronojel porobel ri e kibanon. Kan xkewulex k'a chuqa' ronojel ri wachibel ri e kibanalon richin nikiya' ruq'ij.

Os 7:8

Ri tinamit Israel xa xkitun chik ki' kik'in ch'aqa' chik tinamit. Rije' xa xe'ok achi'el jun ponon kaxlan-wey ri man xpiskolix ta.

San Mateo 10:37

Ri wineq ri kan más yerajo' ri rute-rutata' ke chinuwech yin, xa kan man ruk'amon ta richin yinkitzeqelibej yin. Ri te'ej-tata'aj ri kan más yekajo' ri kalk'ual chinuwech yin, kan man ruk'amon ta chi yinkitzeqelibej.

San Mateo 24:12

Chuqa' chupan ri q'ij ri' roma kan janila chik biyineq rubanik ri etzelal, e k'iy k'a ri xa xtikimalij kan ri rajowabal ri Dios.

San Mateo 6:24

Man jun k'a loq'on samajel ri nitikir ta ri yerusamajij e ka'i' rajaw. Roma wi nrajo' ri jun, nretzelaj ri jun chik. Y wi kan janila nunimaj rutzij ri jun, man nunimaj ta rutzij ri jun chik. Keri' kan man xkixtikir ta k'a chi xtisamajij ri Dios y ri beyomel.

Romanos 12:11

Kan kixok k'a mitij chubanik ri samaj y man kixq'oran, kan tisamajij ri Dios rik'in ronojel iwánima.

1 Corintios 16:22

Y wi k'o jun ri man najowan ta richin ri ajaw Jesucristo, tiqaqa k'a itzel oyonik pa ruwi'. ¡Kan katanpe k'a, ajaw!

2 Corintios 12:20

Roma yin ninna' chi toq xkinapon ri chila' iwik'in, achi'el xa man ix beneq ta achi'el ri woyoben yin. Y ninna' chuqa' chi itzel xtina' chuwe roma man ninbenbana' ta chik iwik'in achi'el ri iwoyoben rix. Rik'in juba' xa ninbenwila' chi'ikojol rix oyowalen, ch'upun-k'u'x, ek'o ri janila ye'oyower, ich'aralon-iwi', k'o itzel taq tzij ye'ibila' chikij ch'aqa' chik, yixch'on chikij ch'aqa' chik, man jun kiq'ij niben chike ri ch'aqa' chik qach'alal, y ek'o chuqa' banobel ri ye'iben ri xa man jun rubeyal.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

Filipenses 1:9

Kan nink'utuj k'a chire ri Dios chi ri ajowabel ri k'o iwik'in kan más ta xtinimer, y xtik'oje' ta más etamabel y más na'oj iwik'in,

2 Tesalonicenses 1:3

Qach'alal, roj kan beneq-ruwech k'o chi yojmatioxin chire ri Dios iwoma rix. Y kan ruk'amon chi keri' niqaben, roma rix q'ij-q'ij ikuquban-pe más ik'u'x rik'in ri Dios, y kan más niwajowala-iwi'.

Santiago 1:8

Roma wi xa ka'i' ik'u'x toq nik'utuj chire ri Dios, niq'alajin chi xa ka'i' chuqa' ik'u'x iwik'in-qa rix chupan ronojel ri ik'aslen.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

Apocalipsis 2:2

Yin wetaman ronojel ri ibanobal ri xiben. Wetaman ri janila isamaj y janipe' ruk'ayewal ikoch'on. Wetaman chuqa' chi man ik'amon ta qa kiwech ri winaqi' ri xa kan e itzel. Y e itejtoben ri yebin chi e nutijoxela' y xe'iwil chi xa man e qitzij ta roma xa kiyon e tz'ukuy taq tzij.

Apocalipsis 2:4

Xa jak'a k'o ri man utz ta nintz'et chiwij; chi ri ajowabel ri xk'oje' iwik'in pa nabey, man ja ta chik ri' ri k'o iwik'in wakami.

Apocalipsis 3:1

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Sardes y tabij-el; chi ri k'o wuqu' espíritu richin ri Dios y ri wuqu' ch'umila' rik'in kere' nubij: Yin wetaman ronojel ri ibanobal y wetaman chi nibix chiwe chi k'o ik'aslen, jak'a chinuwech yin xa ix kaminaqi'.

Apocalipsis 3:16

Jak'a roma xa ix liloj, ni man ix meq'en ta y ni man ix tew ta, xa kan xkixinxa-el.