Apocalipsis 22:17 - Kaqchiquel Bible

¹⁷ Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Ri Espíritu Santo y ri xten ri ndok rixjayil ri Alaj Karneꞌl kereꞌ ndikibꞌij: ¡Katuqaqa yan! Y ri ndirakꞌaxaj, tubꞌij chuqaꞌ: ¡Katuqaqa yan! Ri ndichaqiꞌj ruchiꞌ, tipuꞌun, y ri ndirajoꞌ ndutij ri yaꞌ ndisipex, tutijaꞌ ri yaꞌ ndiyoꞌon ri kꞌaslen ma ndikꞌis ta.

Kaqchikel Santa Maria de Jesus

¹⁷ Y ri Espíritu Santo y ri xtan ri nicꞌulieꞌ riqꞌuin ri Jesucristo, niquiꞌej: Quixam-pa. Y ri ncaꞌcꞌaxan, can tiquiꞌej jeꞌ: Quixam-pa. Y ri chakeꞌj ruchiꞌ y nrajoꞌ nipa, can tipa y tukumuꞌ ri Yaꞌ ri niyoꞌn cꞌaslien. Y ri Yaꞌ reꞌ xa nisipas.

Kaqchikel Central Guatemala

¹⁷ Y ri Lok'olej Espíritu y ri xten c'ulan riq'uin ri Jesucristo, niquibij c'a: Quixampe. Y ri ye'ac'axan, can tiquibij chuka': Quixampe. Y ri nichaki'j ruchi' (nichakchi'in) y can nrajo' c'a nipe, tipe c'a y tukumu' ri Ya' ri richin c'aslen. Y re Ya' re' sipan.

Re C'ac'a Testamento pa Kach'abal

¹⁷ Y re Espíritu Santo y re k'apoj ixok re xc'ule' riq'uin re Jesucristo, niquibij: Quixampa. Y re ye'c'axan, can tiquibij chuka': Quixampa. Y re nichake'j ruchi' y can nrajo' nipa, tipa, y tukumu' re ya' chin c'aslen. Y re ya' re' xa man lak'on-ta xa nisipas.

Kaqchikel Western Solola

¹⁷ Y ri Lok'olaj Espíritu y ri k'opoj ri nic'ule' riq'ui ri Jesucristo ri achi'el Alaj Carne'l, niquibij c'a: Catam pe Jesús. Y ri ye'ac'axan, can tiquibij chuka': Catam pe Jesús. Y ri nichaki'j ruchi' y can nrajo' c'a nipe, tipe c'a y tukumu' ri Ya' riche (rixin) c'aslen. Y re Ya' re' xa nisipex.

Apocalipsis 22:17 ပူးပေါင်းရင်းမြစ်များ

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

Apocalipsis 21:6

Ronojel xk'achoj yan. Ja yin ri xitikeriban-pe y ja yin ri xik'ison pa ruwi'. Y ri nichaqi'j ruchi', yin xtinsipaj ruya' ri elesan-pe pa jun alaxibel-ya' richin k'aslen.

San Juan 7:37

Chupan ri ruk'isibel q'ij richin ri nimaq'ij ri k'o janila rejqalen, ri Jesús pa'el y rik'in k'a ruchuq'a' xubij: Wi k'o k'a jun ri nichaqi'n ri ránima, tipe k'a wik'in yin, richin nich'uch'u-el ránima rik'in ri ya' ri xtinya-el chire yin.

Wuj Richin ri Isaías 12:3

Toq jun wineq chaqi'j ruchi', y nuqum juba' ch'ich' ya', kan janila nikikot. Keri' chuqa' yojkikot roj toq rat Jehová yojakol.

San Juan 4:10

K'ari' ri Jesús xubij chire ri ixoq ri': Rat man awetaman ta achike chi sipanik ri nusuj ri Dios. Chuqa' man awetaman ta in achike yin ri yik'utun juba' nuya' chawe. Xa ta awetaman, ja ta rat ri yak'utun aya' chuwe, y yin ninya' ta aya' ri kan niya'on k'aslen, xcha' ri Jesús.

Wuj Richin Bix Chire ri Dios 34:8

Titejtobej y titz'eta' chi kan utz-wi ri Jehová. Jebel ruwa-ruq'ij ri wineq ri nukuquba' ruk'u'x rik'in.

Wuj Richin ri Isaías 2:5

Y ri israelita xtikibij: ¡Wakami k'a roj ri oj aj pa rachoch kan ri Jacob, qojbiyin pa saqil ri ruya'on kan ri Jehová!, xkecha'.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Apocalipsis 21:9

K'ari' jun chike ri wuqu' ángel ri xeya'on ri wuqu' ruk'isibel taq ruk'ayewal pa ruwi' ri ruwach'ulew, ri e uk'uan ri pa taq qumbel, xch'on wik'in y xubij chuwe: Katanpe, y nink'ut chawech ri xten ri xtibek'ule' rik'in ri Jesucristo ri Karne'l, xcha'.

Apocalipsis 21:2

Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.

Romanos 3:24

Roma ri rutzil ri Dios toq man jun qamak yojk'ulun chuwech rija'. Man jun k'a rajel nuk'utuj chiqe, roma ri Cristo Jesús xken richin xojtotej.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.

Apocalipsis 2:7

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike ri xtich'akon, xtinya' q'ij chire richin nutej ruwech ri che' ri nuya' k'aslen, ri k'o pa runik'ajal ri qejoj ri kan nik'ases ri richin ri Dios, kacha' chike, xcha' chuwe.

Wuj Richin ri Jeremías 50:5

Rix xtik'utuj ri akuchi k'o-wi ri bey ri nibe pa tinamit Sión. Y keri' k'a xkixbe y xtibij chi nijunamatej-iwech wik'in. Xtiben k'a jun jikibel-tzij richin q'asen, richin chi man jun bey xkinimestaj.

1 Corintios 2:12

Y roj ja ri Espíritu ri' qak'ulun, richin nuq'alajirisaj chiqawech ri ruch'obonik ri Dios, y man ja ta ri ch'obonik richin re ruwach'ulew. Ja ri Dios ri yoyon ri Espíritu ri' chiqe, richin chi niqetamaj roj ri nuya-pe ri Dios chiqe.

Wuj Richin ri Miqueas 4:2

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

San Juan 4:29

chi k'o jun achin xtzijon rik'in y xubij chire ronojel ri e rubanalon, y xubij k'a: ¿Man ja ta kami re' ri Cristo? Jo', y titz'eta', xcha' chike.

Ez 47:1

Ri achin ri xuk'ut ri rachoch ri Dios chinuwech xuben chuwe richin xitzolin chik ri pan okibel ri k'o chunaqaj ri rachoch ri Dios. Jari' toq xintz'et chi ri chuxe-qa ri ruchi-jay nibulbu'x-pe ya' ri nel-pe re kere' pa relebel-q'ij. Ri ya' niqaqa-pe pa rijkiq'a' ri rachoch ri Dios y pa xokon chire ri porobel.

San Juan 4:11

Jari' toq ri ixoq xubij chire: Re pozo nej qajineq-wi-qa, y rat man jun k'o awik'in richin nak'en-qa ya'. ¿Akuchi k'a nak'en-wi ri ya' ri niya'on k'aslen ri nasuj?

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.

Apocalipsis 14:13

Chirij ri' xinwak'axaj chi k'o jun ri nich'on-pe k'a chila' chikaj y nubij: Tatz'ibaj k'a re xtinbij chawe; kan jebel k'a ruwa-kiq'ij konojel ri xkeken-apo ri kikuquban kik'u'x rik'in ri Jesús, xcha'. Y xinwak'axaj chuqa' chi ri Loq'olej Espíritu xubij: Ja', roma kan xke'uxlan chire ri kisamaj, y ri kisamaj kan xtikachibilaj-el, xcha'.

San Juan 1:37

Ri e ka'i' rutijoxela' ri Juan toq xkak'axaj k'a ri xubij, rije' xkitzeqelibej-el ri Jesús.