Apocalipsis 22:10 - Kaqchiquel Bible

¹⁰ Ri ruch'abel ri Dios tz'ibatel chupan re jun wuj re', man k'a tawewaj. Kan taq'alajirisaj. Roma ri q'ij richin chi nibanatej ri nubij, xa kan naqaj chik k'o-wi.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Y ri ángel xubꞌij chuqaꞌ chuwa: Ma tawewaj pa awánima ri tzij eqꞌalajrisan kan chupan re wuj reꞌ, porque ri qꞌij chin ngebꞌanatej, nduqaqa yan.

Kaqchikel Santa Maria de Jesus

¹⁰ Y xuꞌej jeꞌ chuva: Ri ruchꞌabꞌal ri Dios ri tzꞌibꞌan chupan ri jun libro va, man tavavaj. Can tatzijuoj. Ruma xa cierca chic cꞌo-ve ri kꞌij antok xcaꞌbꞌanataj nojiel reꞌ.

Kaqchikel Central Guatemala

¹⁰ Y re ángel re' xubij c'a chuka' chuve: Re ruch'abel ri Dios tz'ibatel chupan re jun vuj re', man c'a tavevaj. Can tak'alajirisaj. Roma ri k'ij richin chi nibanatej ri nubij, xa can nakaj chic c'o-vi.

Re C'ac'a Testamento pa Kach'abal

¹⁰ Y re ángel re' xubij chuka' chua: Re ruch'abal re Dios re tz'iban chupan re jun libro re', man tavovaj. Can tatzijoj. Roma re k'ij chin che ye'banataj re nubij, xa can nakaj chic c'o-va.

Kaqchikel Western Solola

¹⁰ Y ri ángel ri' xubij c'a chuka' chuwe: Ri ruch'abel ri Dios tz'ibatal chupan re jun wuj re', man c'a tawewaj ta. Can tak'alajsaj. Ruma ri k'ij riche (rixin) chi nibanatej ri nubij, xa can nakaj chic c'o pe.

Apocalipsis 22:10 ပူးပေါင်းရင်းမြစ်များ

Dn 8:26

Ri xq'alajirisex chawech pa ruwi' ri jubama wuqu' juna' ri' kan qitzij chi keri' xtibebanatej. Jak'a rat Daniel kan man tatzijoj ri xatz'et, roma re' xa kan xtibebanatej k'a toq q'axineq chik k'iy juna', xcha'.

Apocalipsis 1:3

Kan jebel k'a ruwa-ruq'ij ri nisik'in, y kan jebel ruwa-kiq'ij ri ye'ak'axan ri tz'ibatel kan chupan re wuj re' pa ruwi' ri peteneq y nikinimaj. Roma kan naqaj chik k'o-wi ri Q'ij chi xkebek'uluwachitej ronojel ri etz'ibatel kan.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Apocalipsis 10:4

Toq e ch'owineq chik k'a pe ri wuqu' achi'el koqolajay ri', yin xinben chi nintz'ibaj-qa ri xkibij. Jak'a k'o jun aj-chikajil ch'abel ri xubij-pe chuwe: Man tatzijoj ri ch'abel ri xkibij ri wuqu' achi'el koqolajay, y man tatz'ibaj, xcha'.

San Mateo 10:27

Ronojel ri ninbij chiwe pan ewel xa achi'el pa q'equ'm k'o-wi; jak'a rix xa kan tiwelesaj rutzijol chuwa-saqil. Ri ninbij k'a chiwe pa taq ixikin man tiwewaj-qa, xa kixjote' ka pa ruk'isibel wiq chire ri iwachoch y chiri' tiya-wi ri rutzijol.

Dn 12:9

Y rija' xubij chuwe: Rat Daniel katzolin, roma ronojel re' kan xtz'apetej yan, y k'a pa ruk'isibel taq q'ij xtiq'alajirisex ronojel re'.

Dn 12:4

Jak'a rat Daniel, kan tatz'apej kan jebel re wuj re', k'a toq xtapon na k'a ri ruq'ijul richin ri ruk'isibel taq q'ij. Chupan ri q'ij ri' ri winaqi' kan xtikitej k'a kiq'ij richin niketamaj, y ri etamabel kan xtibe k'a pa jotol, xcha' chuwe.

Ez 12:23

Jak'a rat tabij chike ri nuch'abel. Yin kan xtinben k'a chi man xtikamulux ta chik re jun k'ambel-tzij re' ri chiri' pan Israel. Pa ruk'exel re', ri q'ij xnaqajub yan pe richin nibebanatej ronojel ri xink'ut chawech.

Romanos 13:12

Ri q'equ'm niq'ax yan, y niq'alajin yan pe ri saqil. Roma ri', wi k'a k'o qamak ri niqaben pa taq q'equ'm, tiqaya' kan. Nik'atzin chi ja ri saqil ri nok qatobal, achi'el jun aj-labal toq nukusaj ri rutobal.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.

Apocalipsis 5:1

K'ari' xintz'et k'a chi ri tz'uyul chupan ri tz'uyubel, k'o jun wuj boton ri ruk'uan pa rijkiq'a'. Ri wuj ri' k'o tz'ibatel chuwech y chirij y kan tz'apen kan rik'in wuqu' sello.

2 Tesalonicenses 2:3

Man k'a kixq'olotej, roma nabey chuwech richin nipe ri Jesucristo, janila e k'iy ri xkeya'on kan richin ri Dios, chuqa' xtipe ri itzel achin. Ri kan rubin chik ri Dios chi kan richin chik ri tojbel-mak.

Wuj Richin ri Isaías 13:6

Kixsik'in k'a roma bis pa kiwi' ri aj-Babilonia, roma ri q'ij richin nuq'et-tzij ri Jehová kan xtipe-wi. Kan xtipe ri Dios ri k'o ronojel uchuq'a' pa ruq'a' richin nutoloba' kan chijun ri kiruwach'ulew.

Wuj Richin ri Isaías 8:16

K'ari' yin Isaías xinbij: Kan tiboto' jebel ri wuj akuchi tz'ibatel-wi ri ruchojmilal. Kan tixima' jebel ri rupixa' ri Dios rix nutijoxela'.

Apocalipsis 22:20

Y ri niq'alajirisan ronojel re', kan nubij chuqa': Ja', kan qitzij wi chi yipe yan, nicha'. Y yin Juan ninbij: Kan keri' ta k'a. Katanpe yan k'a, ajaw Jesús.

Romanos 13:11

Y ronojel re xinbij-qa, kan richin chi qojk'astej, roma qetaman chi noqaqa yan ri q'ij toq xqojkolotej-el. K'o yan k'a q'ij ri qakuquban-pe qak'u'x, y roma ri' yojtikir niqabij chi wakami más naqaj chik ojk'o-wi chire ri q'ij richin ri qakolotajik.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Apocalipsis 22:7

Y ri Jesucristo xubij: Yin kan yipe yan, jebel ruwa-kiq'ij konojel winaqi' ri yeniman ri nuq'alajirisaj ri Dios chupan re jun wuj re', xcha'.

Apocalipsis 22:9

Jak'a rija' xubij chuwe: Man taya' nuq'ij. Yin xa in jun chuqa' rusamajel ri Dios, junan awik'in rat y kik'in ri ch'aqa' chik q'alajirisey ruch'abel ri Dios, y chuqa' kik'in ri yeniman re ch'abel re e tz'ibatel chupan re wuj re'. Kan ja ri Dios taya' ruq'ij.

Apocalipsis 22:18

Yin Juan ninbij chike konojel ri ye'ak'axan ri nuq'alajirisaj ri Dios chupan re jun wuj re', chi wi k'o jun ri nuya-el ruwi', ri Dios xtuya' ruk'ayewal pa ruwi'; achi'el ri ruk'ayewal ri e tz'ibatel chupan re jun wuj re'.