Apocalipsis 21:8 - Kaqchiquel Bible

⁸ Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Pero ri ndikixibꞌij kiꞌ ndikitzijoj ri nutzij, ri ma nginikitaqij ta, ri ndikikꞌuaj jun kꞌaslen ri ndimulu nukꞌuꞌx rikꞌin, ri ngekamisan, ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri eꞌaj itz, ri ngeyoꞌon kiqꞌij tiox y konojel ri ngereqꞌon, konojel rejeꞌ ndiyoꞌox rukꞌexel chake chupan ri qꞌaqꞌ ri ndiraqa rikꞌin azufre. Jareꞌ ri rukan kamik, xchajeꞌ.

Kaqchikel Santa Maria de Jesus

⁸ Pero ri man nquinquinimaj ta, ri niquixiꞌij-quiꞌ niquikꞌasaj sufrimientos vuma inreꞌ, ri itziel ncaꞌntzꞌat ruma ri qui-pecados, ri ncaꞌbꞌano camic, ri man i-cꞌulan ta ri niquicanuj-quiꞌ chi niquiꞌan pecado, ri aj-itz, ri ncaꞌyoꞌn quikꞌij ri ídolos, y ri niquitzꞌak tzij; can xcaꞌncꞌak chupan ri kꞌakꞌ ri incheꞌl lago ri nicꞌat riqꞌuin azufre. Y jareꞌ ri rucaꞌn camic.

Kaqchikel Central Guatemala

⁸ Jac'a ri man yinquinimaj ta y ri niquixibij-qui' ye'apon pa tak tijoj-pokonal voma yin, xquentek pa k'ak'. Y can que c'a chuka' ri' xtinben quiq'uin ri man yeka' ta chinuvech, ri camisanela', ri achi'a' y ri ixoki' ri niquicanola-qui' richin yemacun, ri aj-itza', ri yeyo'on quik'ij dios ri xa man e kitzij ta, y ri e tz'ucuy tak tzij. Can xquentek na vi pa k'ak'; ri xolon riq'uin azufre nic'a'on (nivovon). Y jac'ari' ri ruca'n camic.

Re C'ac'a Testamento pa Kach'abal

⁸ Jac'a re man yinquinimaj-ta y re niquixibij-qui' ye'bapon pa tak tijoj-pokonal voma yen, xque'ntak pa k'ak'. Y can quire' chuka' xtimban quiq'uin re man ye'ka-ta chinoch, re aj-banoy tak camic, re achi'a' y re ixoki' re niquicanola-qui' chin ye'macun, re brujos, re ye'yi'o quik'ij imágenes re xa vinak je'banayon-ka, y re je tz'ucuy tak tzij. Can xque'ntak-va pa k'ak' re ruxalon-ri' riq'uin azufre. Y jare' re ruca'n camic.

Kaqchikel Western Solola

⁸ Yec'a ri ma yinquinimaj ta y ri xa niquixibij qui' niquik'axaj tijoj pokonal wuma riyin, xquentek pa k'ak'. Y can queri' c'a chuka' xtinben chique ri ma utz ta ri quic'aslen, ri yecamisan, ri achi'a' y ri ixoki' ri xa ma quic'ulaj ta qui' y niquicanoj qui' riche (rixin) chi yemacun, ri aj itza', ri yeya'o quik'ij dios ri xa ye banon cuma winek y ri ye tz'ucuy tak tzij. Can xquentek c'a pa k'ak'; k'ak' ri rachibilan azufre, ri can achi'el jun nimalaj choy ri ntajin nic'at. Y yac'ari' ri ruca'n camic.

Apocalipsis 21:8 ပူးပေါင်းရင်းမြစ်များ

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin Etamabel-Tzij 19:9

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun tzij, xa pa kamik xtapon-wi.

Wuj Richin ri Isaías 51:12

Ri Jehová nubij: Ja yin, ja yin ri' ri yikuquban ik'u'x. ¿Ix achike k'a rix richin chi nixibij-iwi' chuwech ri wineq ri xa q'axel, wineq ri xa kan chi'anin nik'is achi'el q'ayis?

Wuj Richin ri Isaías 57:11

¿Achike k'a dios ri' ri achoq chuwech más nixibij-iwi' richin niya' ruq'ij? Roma ri' kan xinimalij kan yin jumul. Xinimestaj kan yin, y man yinoqaqa ta chik chi'ik'u'x. Toq rix man niya' ta nuq'ij, yin kan man jun ninbij, y ninben chi man yixintz'et ta.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

San Mateo 25:25

Y roma ri' yin xinxibij-wi' xinsamajij ri xaya' kan pa nuq'a'. Yin toq xink'ul k'a el ri q'anapueq, xa kan xink'ot-qa jun jul y chiri' xinmuq-wi kan. Y jare' k'a nonjacha' kan chawe achi'el ri aya'on kan chuwe, xcha'.

San Mateo 8:26

Jak'a ri Jesús xubij chike: ¿Achike roma xik'en rukiy rix? Rix xa ti juba' ok ri kuqubabel-k'u'x ri k'o iwik'in, xcha' chike. K'ari' xbeyakatej-pe y xuch'olij ri kaq'iq' y ri choy, y ronojel xsiliso-qa.

Marcos 9:44

[Ri akuchi ek'o jut richin ch'akulaj, ri xa kan man yeken ta, y chuqa' ri q'aq' ri xa kan man nichup ta.]*f11*

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

Deut 20:8

Chirij ri', chuqa' xtikibij: Wi k'o ta jun ri xa nuxibij-ri', más utz tibiyin kan pa rachoch, richin keri' man nuben ta chike ri rachibil chi nikixibij-ki', xkecha'.

2 Tesalonicenses 2:9

Jak'a toq xtibek'ulun-pe re itzel achin re', kan k'o-wi ri ruchuq'a' ri Satanás rik'in, xkerubanala' k'a k'iy meyel taq banobel y retal ri xa man e qitzij ta.

1 Timoteo 4:2

Xtikak'axaj k'a kitijonik ri winaqi' ri xa ka'i' kipalej, ri xa man qitzij ta ri nikibij y man jun q'axo'n nikina' pa kánima toq nikiben ri etzelal ri'.

Tito 1:16

Nikibij chi ketaman ruwech ri Dios, jak'a kan niq'alajin chi man qitzij ta, roma ri itzel ri nikiben. Rije' itzel yekitz'et konojel, y man yeniman ta tzij. Chuqa' man jun utz ri yetikir nikiben.

Hebreos 12:24

Ojk'o apo rik'in ri Jesús ri nisamajin ri k'ak'a' jikibel-tzij y rik'in ri rukik'el ri xbiyin ri xuch'ajch'ojirisaj ri qánima, roma ri rukik'el rija' más rejqalen chuwech ri rukik'el ri Abel.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

1 Juan 2:22

¿Y achike kami wineq ri nitz'ukun-tzij? Ja ri wineq ri nibin chi ri Jesús man ja ta ri' ri Cristo. Ri nibin keri' xa etzelanel richin ri Cristo, roma kan nubij chi ri Tata'ixel man qitzij ta. Y keri' chuqa' nubij chirij ri K'ajolaxel.

1 Juan 3:15

Y ri nretzelaj ri rach'alal xa achi'el jun kamisanel. Y rix iwetaman, chi ri kamisanel maneq ru k'aslen ri man k'isel ta.

1 Juan 5:10

Roj ri qakuquban qak'u'x rik'in ri Ruk'ajol ri Dios, ja ri qánima ri nibin chiqe chi qitzij ri nubij ri Dios chirij ri Ruk'ajol. Jak'a ri winaqi' ri man kikuquban ta kik'u'x rik'in, xa nikiben chire chi man qitzij ta ri nubij ri Dios, roma man nikak'axaj ta ri nubij chirij ri Ruk'ajol.

Apocalipsis 14:10

kan xtiqaqa-wi ruk'ayewal pa kiwi'. Kan xketzaq k'a achi'el yetzaq ri q'abarela', roma ri Dios kan xtuben chike chi tikiqumu' ri royowal rija'. Y konojel ri xkebanon keri', xtikitej poqon chupan ri q'aq' y ri chuwilej-abej chikiwech loq'olej taq ángel chuwech ri Karne'l.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Apocalipsis 2:11

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, man k'a xtapon ta chupan ri tijoj-poqonal richin ri ruka'n kamik, kacha' chike, xcha' chuwe.

Apocalipsis 2:2

Yin wetaman ronojel ri ibanobal ri xiben. Wetaman ri janila isamaj y janipe' ruk'ayewal ikoch'on. Wetaman chuqa' chi man ik'amon ta qa kiwech ri winaqi' ri xa kan e itzel. Y e itejtoben ri yebin chi e nutijoxela' y xe'iwil chi xa man e qitzij ta roma xa kiyon e tz'ukuy taq tzij.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

Apocalipsis 9:17

Y chupan k'a ri achi'el achik' ri xinben, xentz'et ri kiej y ri e ch'okol chirij kikusan tobel ruwa-kik'u'x ri keq nitzu'un achi'el q'aq', q'en achi'el ri chuwilej-abej y raxroj achi'el ri kaj yetzu'un. Y ri kijolon ri kiej ri' achi'el kijolon ri koj, y ri pa kichi' kan nel q'aq', sib y chuwilej-abej.

Apocalipsis 9:21

Man xtzolej ta k'a pe kik'u'x ri winaqi' ri' rik'in ri Dios, richin xkiyala' ta kan ri kamisanik, ri itz, ri eleq' y ri achi'a' y ri ixoqi' ri nikikanola-ki' richin yemakun.

Wuj Kichin ri To'onela' 7:3

Wakami k'a tataluj rutzijol chikikojol konojel ri awinaq y tabij chike: Achike k'a chiwe rix ri xa nuxibij-ri' y nibaybot, titzolin kan pa rachoch, xcha'. Y toq ri Gedeón xuk'utuj chike, xetzolej k'a kan e 22,000 achi'a' y k'a xek'oje' na kan e 10,000 rik'in.