Apocalipsis 21:11 - Kaqchiquel Bible

¹¹ Y re tinamit re', kan niyik'lun roma ri rusaqil ri Dios; kan achi'el niyik'lun ri abej jaspe, kan rex y keq nitzu'un achi'el ri chay.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Ri tinamit riꞌ roma ri nimalej ruqꞌij ri Dios nditzꞌintzꞌot achel jun abꞌej santienta rajel, achel ri abꞌej ndibꞌix jaspe chare, ri achel vidrio ri kꞌo cheꞌel ngatzuꞌun apu chupan.

Kaqchikel Santa Maria de Jesus

¹¹ Y ri tanamet reꞌ can nichꞌichꞌan ruma rusakil ri Dios; can incheꞌl nichꞌichꞌan ri jaspe, ri jun abꞌaj altíra jaꞌal. Ri tanamet can incheꞌl vidrio nitzꞌiet.

Kaqchikel Central Guatemala

¹¹ Y re tinamit c'a re', can niyic'lun roma ri rusakil ri Dios; can achi'el tok niyic'lun ri jaspe, ri jun abej janíla jebel. Ri tinamit can achi'el vidrio nitzu'un.

Re C'ac'a Testamento pa Kach'abal

¹¹ Y re tenemit re' can niyiq'uiloj roma re rusakil re Dios, can ancha'l tak niyiq'uiloj re jun aboj re camas rajkalen re nibex jaspe cha. Re can ancha'l vidrio nitzu'un.

Kaqchikel Western Solola

¹¹ Y ri tinamit c'a ri', can nitz'itz'an ruma ri nimalaj sakil riche (rixin) ri Dios; can achi'el tek nitz'itz'an ri jaspe, jun abej ri sibilaj jabel. Ri tinamit can achi'el vidrio nitzu'un.

Apocalipsis 21:11 ပူးပေါင်းရင်းမြစ်များ

Apocalipsis 22:5

Ri chiri' chupan ri tinamit ri', man jun bey xtiq'equmer ta richin nokoq'a-qa. Y konojel ri ek'o chupan ri tinamit ri', man jun xtik'atzin-wi ri rusaqil jun q'aq' o rusaqil ta ri q'ij chike. Roma kan ja ri Dios ri ajaw ri xtisaqirisan kichin. Y konojel re', jere' ri xkeq'aton-tzij richin tibe-q'ij tibe-seq.

Apocalipsis 4:6

Ri chuwech-apo ri tz'uyubel ri', k'o k'a jun achi'el palou ri chay-chay nitzu'un. Ri tz'uyubel ri' sutin-apo-rij koma e kaji' ri k'o kik'aslen y kan nojineq kij rik'in wachaj, keri' chikij y chikiwech.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Ez 1:22

Pa kiwi-q'anej rije' k'o k'a jun ri achi'el chay nitzu'un, wokowik ri kan namey rubanik.

Apocalipsis 4:3

Y ri rubanik ri tz'uyul chupan ri tz'uyubel ri' kan niyok'olin nitzu'un, achi'el ri abej jaspe y ri cornalina. Ri tz'uyubel ri' sutin-rij roma jun kotoq'a' re' rex-rex nitzu'un, achi'el ri abej esmeralda.

Ez 48:35

Y ri raqen ri tinamit 5,352 jaj pa taq kaji' ruxikin. Y ri tinamit xtubini'aj: Ri Jehová kan wawe' k'o-wi, xcha' ri Jehová.

Ez 1:26

Y pa ruwi' ri', xintz'et k'a chi k'o jun ri achi'el rubanik jun tz'uyubel, ri niyok'olin achi'el jun jebelej raxroj-abej y pa ruwi' ri' niyakatej-el jun achi'el wineq.

Wuj Richin ri Isaías 4:5

K'ari' ri paq'ij ri Jehová xtuya' pa kiwi' konojel winaqi' ri kimolon-ki' ri chiri' pa juyu' Sión, jun sutz' ri achi'el sib. Y ri chaq'a' xtuya' jun saqil rik'in ruxaq q'aq'. Re k'ojlemal re' xtik'atzin richin kitobal ri winaqi' ri ek'o chiri'.

Wuj Richin ri Achin Job 28:17

Ni ta ri q'anapueq y ri leq ri e banon rik'in chay, junan ta kajel rik'in ri na'oj, y ni ta ri leq ri e banon rik'in q'anapueq ri más jebel, junan ta chuqa' rik'in ri na'oj.

Apocalipsis 15:8

Ri rachoch ri Dios xnoj k'a pe rik'in sib retal ruq'ij-ruk'ojlen y ri ruchuq'a'. Y kan man jun k'a nitikir nok-apo chiri' pa rachoch, k'a toq k'achojineq chik kan ruya'ik ri wuqu' ruk'ayewal koma ri ángel.

Ez 43:2

Y jari' toq ri ruk'ojlemal ri Dios kichin ri winaqi' israelita peteneq kere' pa relebel-q'ij. Kan niwajin peteneq achi'el toq niwajin jun nimalej raqen-ya' y ri ruwach'ulew kan xnoj rik'in rusaqil richin ri ruk'ojlemal.

Ez 28:16

Kan janila xbe pa jotol ri ak'ayij, y richin man nibe-qa pa xulan, rat janila xamakun y xaben kamik. Roma ri' ri Dios xarelesaj-pe pa juyu' ri akuchi at ruya'on-wi. Y wakami xa man jun nachajij, y man yabiyaj ta chik chukojol ri abej ri ek'o pa q'aq'.