Apocalipsis 20:9 - Kaqchiquel Bible

⁹ Kan xejote' k'a el pa tinamit ri janila nrajo' ri Dios ri akuchi ek'o-wi ri ralk'ual rija'. Rije' xbekisutij-kij, jak'a ri Dios xuben chi xqaqa-pe q'aq' pa kiwi', y xeruk'is q'aq'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Y kinojisan ruwech ri rochꞌulew ebꞌaneq e, y xkisirirej kiꞌ chirij ri tinamit ri tzꞌan ndirajoꞌ ri Dios apeꞌ ekꞌo ri loqꞌolej ralkꞌuaꞌl. Pero ja atoq riꞌ xqaqa pe qꞌaqꞌ chikaj y xerukꞌatisaj konojel ri kimolon kiꞌ chirij ri tinamit.

Kaqchikel Santa Maria de Jesus

⁹ Ri vinak ri quimaluon-el-quiꞌ, quinojsan-el ri roch-ulief, y xaꞌjotie-el y xbꞌaquisururiej rij ri tanamet ri altíra nrajoꞌ ri Dios ri pacheꞌ icꞌo-ve ri quiniman ri ruchꞌabꞌal ri Dios. Pero ri Dios xuꞌon chi xka-pa kꞌakꞌ pa quiveꞌ y xaꞌruqꞌuis.

Kaqchikel Central Guatemala

⁹ Can xejote' na vi el ri pa tinamit ri janíla nrajo' ri Dios y ri acuchi ec'o-vi ri lok'olej tak ralc'ual rija'. Ri vinek c'a ri e ruyacon-el ri Satanás, quinojisan c'a el ruvech ri ruvach'ulef y choj xbequisutij quij ri acuchi ec'o-vi ri lok'olej tak ralc'ual ri Dios y ri tinamit. Pero ri Dios xuben chi xbeka-pe k'ak' pa quivi', y xeruq'uis k'ak'.

Re C'ac'a Testamento pa Kach'abal

⁹ Can xe'jote-a re pa tenemit re camas nrajo' re Dios y re anche' jec'o-va re je rajc'ual reja'. Re vinak re je'rujocoquen-a re Satanás, quinojsan-a rach re ruch'ulef y choj xbequisutij quij re anche' jec'o-va re je rajc'ual re Dios y re tenemit. Pero re Dios xuban che xka-pa k'ak' pa quive', y can xe'ruq'uis re k'ak'.

Kaqchikel Western Solola

⁹ Ri winek ri quimolon qui' quinojsan c'a el ruwech ri ruwach'ulef xejote' el y xbequisutij rij ri acuchi (achique) yec'o wi ri lok'olaj tak ralc'ual ri Dios. Y xbequisutij rij ri tinamit ri sibilaj najowex ruma ri Dios. Pero ri Dios xuben chi xbeka pe k'ak' pa quiwi', y xeruq'uis.

Apocalipsis 20:9 ပူးပေါင်းရင်းမြစ်များ

Ez 38:16

Rat Gog y ri aj-labal kan anineq k'a xkixpe y man jun xtipaban iwichin, achi'el toq man jun nipaban richin jun sutz'. Re' xtibanatej pa ruk'isibel taq q'ij toq xtinben k'a chawe richin xkayakatej chirij ri nutinamit. Y chupan ri q'ij ri' ri ch'aqa' chik ruwach'ulew xtiketamaj chi ja yin ri in Loq'olej Jehová.

Ez 39:6

Kan xtinteq k'a pe q'aq' pa ruwi' ri ruwach'ulew Magog y chuqa' pa kiwi' ri winaqi' ri ek'o chunaqaj ri palou, stape' man jun nikimey. K'ari' k'a xtiketamaj chi ja yin Jehová.

Ez 38:22

Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Ez 38:9

Jak'a rat Gog, ri aj-labal y ri ch'aqa' chik winaqi' xkixapon kik'in ri israelita richin yixyakatej chikij, achi'el nibiyin jun kaq'iq'-job y achi'el nibiyin jun q'eqelej-sutz'.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Wuj Richin Bix Chire ri Dios 106:18

Xpe k'a ri ruxaq q'aq' chila' chikaj pa kiwi' ri winaqi' ri'. Ri q'aq' ri' kan xeruporoj k'a konojel ri itzel taq winaqi' ri'.

Wuj Richin Bix Chire ri Dios 97:3

Ri chuwech rija' kan ninabeyej k'a jun q'aq'. Ri q'aq' ri' kan yeruk'is k'a ri e etzelanel richin ri ek'o chunaqaj.

Apocalipsis 13:13

Ri ruka'n chikop k'iy k'a nima'q taq banobel ri yeruben. Kan chikiwech k'a ri winaqi' nuben chi niqaqa-pe q'aq' ri chikaj richin niqaqa pa ruwi' ri ruwach'ulew.

Apocalipsis 11:5

Y wi k'o jun wineq ri k'o jun etzelal ri nrajo' nuben chike, rije' nel q'aq' pa kichi' richin nikik'is ri etzelanel kichin.

San Lucas 17:29

Jak'a ri q'ij toq ri Lot xel-pe pa tinamit Sodoma, xqaqa k'a kan q'aq' y ri chuwilej-abej pa ruwi' ri tinamit. Kan achi'el k'a job xuben toq xqaqa-pe ri chikaj, y kan konojel winaqi' ri ek'o chiri' xeruk'is q'aq'.

San Lucas 9:54

Toq ri Jacobo y ri Juan xkinabej chi man nik'ul ta koma ri winaqi', xkibij chire ri Jesús: Qajaw, ¿nawajo' chi niqaben achi'el xuben ri Elías, y niqak'utuj chi tiqaqa-pe q'aq' chila' chikaj, richin yeruk'is re winaqi' re'?, xecha'.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Q'axanri'il 11:1

K'o k'a jun q'ij, roma ri ruk'ayewal ri nikiq'axaj ri winaqi', rije' xeyakatej k'a y xexebeloj chirij ri Jehová. Y rija' kan xerak'axaj-pe y roma ri' xyakatej janila royowal y xuteq-pe q'aq' pa kiwi'; y ri q'aq' ri' kan xuk'is k'a ri q'ayis ri k'o chikichi' ri akuchi ek'o-wi-qa.

Hebreos 13:13

Roma ri' qojel-el chupan ri tinamit richin niqatzeqelibej ri Jesucristo, y tiqaq'axaj chuqa' roj ri k'ix ri xuq'axaj rija'.

Wuj Richin ri Habacuc 1:6

Roma yin kan xkenbentaqa' k'a pe ri aj-Babilonia richin nikiben labal iwik'in. Rije' kan e itzel taq winaqi'. Kan e anineq k'a richin xtikiben labal; kan xkeq'axlan k'a chupan chijun ruwach'ulew richin ye'ok kan chuwech jun chik ruwach'ulew ri xa man kichin ta rije'.

Wuj Richin ri Miqueas 2:13

Ri Miqueas xubij: Ri Jehová xtiwulan ri ruchi' ri tinamit ri akuchi ek'o-wi pa ximonri'il ri rutinamit rija', richin xkerelesaj-pe. Ja rija' ri ki-rey ri xtinabeyej-pe chikiwech; y rije' xtikitzeqelibej-pe.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

2 Rey 6:15

Ri ruka'n q'ij, nimaq'a' yan, xyakatej ri nilin richin ri Eliseo; y jari' toq xerutz'et ri aj-labal aj-Siria kisutin-rij ri tinamit, kik'uan-el achi'a' ri e ch'okol chikij kiej y ri e beneq pa carruaje. K'ari' ri samajel xubij: ¡Wajaw, wakami achike niqaben!, xcha'.

Wuj Richin ri Rutikeribel 19:24

k'ari' ri Jehová xuya-pe ri q'aq' rik'in chuwilej-abej y kan achi'el k'a job ri xuben pa kiwi' ri Sodoma y ri Gomorra.

San Lucas 21:20

Jak'a toq xtitz'et chi ri Jerusalem sutin rij koma aj-labal, tiwetamaj k'a chi jari' xapon ri q'ij richin niwulex.

San Lucas 19:43

Roma ri' xke'iwil k'a q'ij richin q'axo'n, q'ij toq ri aj-labal xkebeyakatej-pe chiwij, y xtikisutij rij ri itinamit rik'in jun chik tz'aq, y xkixkiya' pa tijoj-poqonal, roma pa kinik'ajal xkixk'oje-wi kan.

Deut 23:14

Roma ri Jehová ri qa-Dios kan nibiyaj chi'ikojol rix chiri' akuchi ixk'o-wi-qa, richin xkixrukol y xkerujech pan iq'a' ri e etzelanel iwichin. Y roma ri' ri akuchi ixk'o-wi-qa kan k'o chi jantape' ch'ajch'oj, richin chi ri Dios man jun tz'il xtutz'et chiri', y roma ta ri' yixrumalij kan.

Wuj Richin Bix Chire ri Dios 87:2

Rija' kan janila nrajo' ri tinamit ri', más ke chuwech ri ch'aqa' chik tinamit richin ri Israel.

Wuj Richin ri Achin Job 38:18

¿Kan ach'obon k'a ri achike rubanik re ruwach'ulew y ri k'a akuchi napon-wi? wi kan awetaman ronojel, tatzijoj k'a chuwe.