Apocalipsis 19:8 - Kaqchiquel Bible

⁸ Kan xya'ox k'a q'ij chire ri xten richin chi xuwiq yan ri' rik'in tzieq ri kan janila ch'ajch'oj y niyik'lun; tzieq lino ri janila jebel, yecha'. Y ri jebelej taq tzieq ri' nuk'exewachuj ri chojmilej kibanobal ri ralk'ual ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Y xyoꞌox qꞌij chare chi xuweq riꞌ Rikꞌin tzieq bꞌanun rikꞌin lino jabꞌel ruwech ri kin chꞌajchꞌaj y nditzꞌintzꞌot. Y ri lino riꞌ, ja ri utz ri ekibꞌanaloꞌon Ri loqꞌolej ralkꞌuaꞌl ri Dios, xechajeꞌ.

Kaqchikel Santa Maria de Jesus

⁸ Can xyoꞌx permiso cha ri xtan chi xuvak-riꞌ riqꞌuin tziak ri altíra sak y nichꞌichꞌan, tziak ri bꞌanun cha lino fino. Y ri tziak reꞌ, xa jareꞌ ri cꞌaslien choj ri quicꞌuan ri quiniman ri ruchꞌabꞌal ri Dios.

Kaqchikel Central Guatemala

⁸ Can xya' c'a k'ij chire ri xten richin chi xuvik yan ri' (xuvek yan ri') riq'uin tziek ri can janíla ch'ajch'oj y niyic'ulun; tziek ri nibix lino chire, ri janíla jebel. Y ri tziek ri', xa jac'a ri chojmilej tak quic'aslen ri lok'olej tak ralc'ual ri Dios.

Re C'ac'a Testamento pa Kach'abal

⁸ Can xya' c'a k'ij cha re k'apoj ixok chin che xuvak-yan-ri' riq'uin re tziak camas ch'ajch'oj y niyiq'uiloj, tziak re nibex lino cha, re camas jabal. Y re tziak re', xa ja re c'aslen choj quic'uan re je rajc'ual chic re Dios.

Kaqchikel Western Solola

⁸ Can xya'ox (xya') c'a k'ij chare ri k'opoj chi xuwik ri' riq'ui tziek ri can sibilaj ch'ajch'oj y nitz'itz'an, tziek ri nibix lino chare, ri sibilaj jabel. Y ri tziek ri', yari' ri utzil ri ye quibanon ri lok'olaj tak ralc'ual ri Dios.

Apocalipsis 19:8 ပူးပေါင်းရင်းမြစ်များ

Wuj Richin Bix Chire ri Dios 132:9

Ri e a-sacerdote kan xtikiben ta pa ruchojmilal ronojel richin jantape', y chuqa' kan ta xkekikot k'a konojel ri kan e awichin rat.

Wuj Richin Etamabel-Tzij 31:22

Ri ixoq ri' kan nuben ri peraj taq tzieq richin nuq'uj rija'; kan nukusaj chuqa' rutziaq ri banon rik'in lino y ri pimilej taq rutziaq.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Ez 16:10

xinya' atziaq ri banon jebel retz'aba'l, xinya' axajab ri banon rik'in jebelej taq tz'um, jun ximibel-apan ri banon rik'in lino y chuqa' xinya' jun atziaq ri banon rik'in seda.

Ez 44:17

Toq ye'ok-apo richin yinkisamajij pa ruwa-jay o pa wachoch, man tikikusaj tzieq ri banon rik'in lana.

San Mateo 17:2

Chiri' ri Jesús xjalatej k'a ruwech chikiwech ri e oxi' rutijoxela'. Xok k'a achi'el nitzu'un ri q'ij toq jebel niyik'lun. Y ri rutziaq kan xok achi'el ri saqil.

San Mateo 22:12

Ri rey xch'on k'a rik'in ri achin ri', y xuk'utuj k'a chire: ¿Achike k'a xaben richin xatikir xatok-pe wawe', toq xa man akusan ta pe ri tzieq ri nik'atzin chupan re jun k'ulubik re'?, xcha' ri rey chire. Y ri achin man jun ch'abel xubij.

Marcos 9:3

Ri rutziaq kan xok seq-seq achi'el ri saqil. Y man jun k'a ch'ajoy-tzieq ri nitikir ta nuben keri' chire jun tzieq.

San Lucas 24:4

Roma ri' xsach kik'u'x. Y kan jari' k'a toq xekitz'et e ka'i' achi'el achi'a' e pa'el-apo kik'in, y niyik'lun ri kitziaq.

Hechos 1:10

Y rije' kan k'a kitzuliben na k'a el ri xbe chikaj. Toq k'a xkina' xebek'ulun e ka'i' achi'el achi'a' kik'in, ri kikusalon seq taq tzieq.

Romanos 13:14

Nik'atzin k'a chi jun tiqabana' rik'in ri ajaw Jesucristo, y man tiqach'ob niqaya' q'ij chike ri itzel taq rayinik.

Romanos 3:22

Ri Dios kan nuk'ut k'a chiqawech chi xabachike wineq ri nukuquba' ruk'u'x rik'in ri Jesucristo, man jun rumak nik'ulun chuwech ri Dios, man jun rubanon wi oj judío o man oj judío ta.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Apocalipsis 15:6

Y chiri' xebe'el-wi-pe ri e wuqu' ángel ri jachon jujun ruk'ayewal pa kiq'a'. Y ri kitziaq ri e kikusalon, ja ri tzieq lino ri seq-seq y kan niyik'lun. Y ri chuwa-kik'u'x ik'owineq k'a jun ximibel ri banon rik'in q'anapueq.

Apocalipsis 19:14

Y rija' e rachibilan ri aj-chikajil banoy taq labal, ri kikusan tzieq lino ri kan seq-seq nitzu'un y re' ech'okol-el chikij seq taq kiej.

Apocalipsis 3:18

Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.