Apocalipsis 19:14 - Kaqchiquel Bible

¹⁴ Y rija' e rachibilan ri aj-chikajil banoy taq labal, ri kikusan tzieq lino ri kan seq-seq nitzu'un y re' ech'okol-el chikij seq taq kiej.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Y ri aj chikaj ejército koqan pe, kikusan tzieq bꞌanun rikꞌin lino jabꞌel ruwech, seq y chꞌajchꞌaj y etzꞌuyul pe chikij kej seq kij.

Kaqchikel Santa Maria de Jesus

¹⁴ Y ri ejércitos richin ri chicaj i-bꞌanak riqꞌuin, quicusan tziak ri bꞌanun cha lino fino, ri can sak y asiada. Y quinojiel i-chꞌacol chiquij quiej ri sak quij.

Kaqchikel Central Guatemala

¹⁴ Y ri aj-chicajil banoy tak oyoval ri e benek riq'uin, quicusan tziek ri nibix lino chire, tziek ri janíla jebel. Tziek ri can sek-sek y ch'ajch'oj-ch'ajch'oj. Y can conojel c'a re banoy-oyoval re', e ch'ocol-el chiquij sek tak quij quiej.

Re C'ac'a Testamento pa Kach'abal

¹⁴ Y re ejércitos chin chila' chicaj can je'binak riq'uin, quicusalon tziak re nibex lino cha, y re' jun utzulaj tziak y camas ch'ajch'oj y can bo'j. Y can conojel re ejército re', je'ch'ocol-a chiquij quiej sak quij.

Kaqchikel Western Solola

¹⁴ Y ri banoy tak ch'a'oj ri ye riche (rixin) chicaj can ye benak riq'ui, quicusan tziek ri nibix lino chare, tziek ri sibilaj jabel. Tziek ri sibilaj sek y ch'ajch'oj. Y can quinojel c'a ri banoy ch'a'oj ri', ye ch'ocol chiquij quiej ri sek quij.

Apocalipsis 19:14 ပူးပေါင်းရင်းမြစ်များ

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Wuj Richin Etamabel-Tzij 31:22

Ri ixoq ri' kan nuben ri peraj taq tzieq richin nuq'uj rija'; kan nukusaj chuqa' rutziaq ri banon rik'in lino y ri pimilej taq rutziaq.

Wuj Richin ri Zacarías 14:5

Ri aj-Jerusalem kan xke'el-el chiri' pa kitinamit, y xke'animej chupan ri taq'aj ri', y xke'apon k'a pan Asal. Kan xke'animej k'a achi'el xe'animej ri winaqi' ri ojer toq xuben ri nimalej silonel pa ruq'ijul kan ri rey Uzías. Jari' toq xtipe ri Jehová e rachibilan-pe ri choj kik'aslen.

San Mateo 21:5

Tibij chike ri aj-Sión chi jari' xoqaqa ri ki-rey, Jak'a kan jun achin ri kan yalan ch'uch'uj. Rija' ch'okol-pe chirij jun alaj bur.

San Mateo 26:53

¿Rat nach'ob chi yin man yitikir ta ninwoyoj ri nata' y rija' yiruto'? Rija' nitikir yeruteq-pe kablajuj tzobaj ángel chinuto'ik.

San Mateo 28:3

Ri rusaqil ri ángel ri' xa kan junan k'a rik'in ri saqil nuya' jun koyopa'. Y ri rusaqil ri rutziaq kan junan k'a rik'in ri rusaqil ri tew ri niqaqa.

2 Tesalonicenses 1:7

Y xtuya' uxlanen chiwe rix ri itijon-pe poqon, y chuqa' chiqe roj. Re' xtibanatej ri q'ij toq xtok'ulun chila' chikaj ri ajaw Jesús e rachibilan-pe ri ángel ri k'o janila uchuq'a' kik'in,

Judas 1:14

Rix iwak'axan chirij ri Enoc, ri jun rijatzul kan ri Adán, ri xalex chikikojol ri ruwuq sol winaqi'. Rija' xuq'alajirisaj k'a ri xkik'uluwachij ri itzel taq winaqi' ri xek'oje' toq xk'oje' rija'. Y kere' k'a xubij: Tiwak'axaj k'a. Ri ajaw kan xtipe e rachibilan-pe janila e k'iy ri kan e loq'olej,

Apocalipsis 14:1

K'ari' xintz'et chik k'a chi ri Karne'l pa'el pa ruwi' ri juyu' Sión, e rachibilan e144,000 winaqi'. Y konojel k'a re', kik'uan ri nik'aj kiwech ri rubi' ri Jesucristo y ri rubi' ri Tata'ixel.

Apocalipsis 14:20

Keri' ri uva ri' xpitz' k'a chuchi' el ri tinamit. Y chupan ri yitz'bel xbe'el-pe janila chi k'ik' y xbiyin-el nej y ri raqen jun la'eq lajuj q'ij binen, y ri rupimil napon k'a akuchi nibe-wi ri ch'ich' pa kichi' ri kiej.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Apocalipsis 19:8

Kan xya'ox k'a q'ij chire ri xten richin chi xuwiq yan ri' rik'in tzieq ri kan janila ch'ajch'oj y niyik'lun; tzieq lino ri janila jebel, yecha'. Y ri jebelej taq tzieq ri' nuk'exewachuj ri chojmilej kibanobal ri ralk'ual ri Dios.

Apocalipsis 3:4

Man rik'in-wi-ri, ri chiri' pa Sardes k'a ek'o jujun ri man kitz'ilobisan ta ri kitziaq.Y jere' k'a ri xkebiyin wik'in yin, kikusalon seq taq tzieq, roma jari' ruk'amon chike.

Apocalipsis 4:4

Y kan sutin k'a rij rik'in chik juwineq kaji' tz'uyubel. Y ri e tz'uyul ri chiri' e juwineq kaji' achi'a' ri k'o kiq'ij, ri e kikusalon seq taq tzieq, y ri pa kijolon e kikusalon corona ri e banon rik'in q'anapueq.

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.