Apocalipsis 18:9 - Kaqchiquel Bible

⁹ Y ri q'atoy taq tzij ri junan xemakun rik'in, janila xtikibisoj y xtikoq'ej toq xtikitz'et ri sib nijote' chikaj roma kan najin ruk'atik.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Y ri reyes chin ri rochꞌulew ri xkikꞌamalaꞌ qa kiꞌ rikꞌin chin xkibꞌen mak y xbꞌa kánima chukꞌisik méra roma ri ngekirayilaꞌ, kin xtikoqꞌej y xtikibꞌisoj ri nimalej tinamit riꞌ atoq ndikitzꞌet rusibꞌil ri qꞌaqꞌ ri ndikꞌiso ruqꞌij.

Kaqchikel Santa Maria de Jesus

⁹ Y ri reyes ri icꞌo choch-ulief altíra xticokꞌiej ri tanamet Babilonia. Ruma ijejeꞌ xquiꞌan pecado riqꞌuin jajaꞌ, incheꞌl ri pecado quiqꞌuin ixokiꞌ, y xaꞌka jeꞌ chupan ri itziel tak cꞌaslien ri pacheꞌ xquisach qui-miera. Xticokꞌiej y xtiquibꞌisuoj ri tanamet Babilonia antok xtiquitzꞌat ri sebꞌ jatol chicaj ruma ja nicꞌat.

Kaqchikel Central Guatemala

⁹ Y ri k'atoy tak tzij ri ec'o chuvech ri ruvach'ulef janíla c'a xticok'ej ri tinamit Babilonia. Ri k'atoy tak tzij ri' jari' ri xek'olotej pa ruk'a'; richin chi xeka' pa mac, achi'el ri mac quiq'uin ixoki', y chuka' richin chi xeka' chupan ri itzel tak c'aslen ri acuchi xquisachala-vi qui-mero. Xticok'ej y xtiquibisoj c'a ri tinamit Babilonia tok xtiquitz'et ri sib nijote' chicaj, roma can najin ruc'atic.

Re C'ac'a Testamento pa Kach'abal

⁹ Y re reyes re jec'o chach re ruch'ulef camas xtiquivok'ej rach re tenemit Babilonia. Y xa rutzij reja' tak re reyes re' xe'ka pa mac, ancha'l re mac quiq'uin ixoki', y xe'ka chuka' chupan re itzel tak c'aslen re anche' xquisatzala-va qui-mero. Xtiquivok'ej y xtiquibisoj re tenemit Babilonia tak xtiquitz'at re sib jotal chicaj, roma can ntajin ruc'atic.

Kaqchikel Western Solola

⁹ Y ri aj k'atbel tak tzij ri yec'o chuwech ri ruwach'ulef ri xek'olotej pa ruk'a' ri tinamit Babilonia riche (rixin) chi xeka pa mac, achi'el ri mac tek ri achi'a' y ri ixoki' niquicanola' qui' chi yemacun y xa ma quic'ulaj ta qui', y ri xeka chupan ri itzel tak c'aslen ri acuchi (achique) xquisachala' wi quirajil. Xticok'ej y xtiquibisoj c'a ruwech ri tinamit ri' tek xtiquitz'et ri sib nijote' chicaj, ruma can ntajin ruc'atic.

Apocalipsis 18:9 ပူးပေါင်းရင်းမြစ်များ

Wuj Richin ri Rutikeribel 19:28

Jari' toq xerutz'et-qa ri Sodoma y ri Gomorra y xutz'et chi chijun ri pa taq'aj-qa, nibuqulin sib achi'el nibuqulin jun nimalej horno.

Wuj Richin Bix Chire ri Dios 58:10

Ri kan choj kik'aslen kan xkekikot k'a toq xtikitz'et re'. Kan xtimu'e' k'a ri kaqen chupan ri kikik'el ri aj-maki'.

Wuj Richin ri Isaías 13:19

Ri tinamit Babilonia janila rejqalen chikiwech ri ch'aqa' chik ruwach'ulew, achi'el jun jebelej abej ri janila rejqalen. Y ri tinamit ri' kan janila ruwa-ruq'ij chikiwech ri aj chiri'. Jak'a xa xtiwulex roma ri Dios, achi'el xuben ojer kan kik'in ri tinamit Sodoma y Gomorra.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Jeremías 50:40

Kan xenk'is k'a ri tinamit Sodoma y Gomorra y ri tinamit ri ek'o chikinaqaj. Y kan keri' chuqa' xtinben rik'in ri Babilonia. Y man jun chik k'a ri xtibek'oje' chik chiri'. Yin Jehová ri yibin.

Wuj Richin ri Jeremías 50:46

Toq xtich'akatej ri iruwach'ulew Babilonia, ri iruwach'ulew kan xtisilon y kan janila xtiq'ajan y ri raqoj-chi'ij ri xtikiben kan xtak'axatej k'a juk'an chik ruwach'ulew, xcha' ri Dios.

Wuj Richin ri Jeremías 51:8

Jak'a wakami ri aj-Babilonia kan chi'anin k'a xkech'akatej. Roma ri' kan ke'iwoq'ej k'a rije'. Tik'ama' k'a pe aq'om richin ri kisokotajik; rik'in juba' yek'achoj-el, xcha' ri Dios.

Ez 27:35

Konojel k'a ri winaqi' richin ri ch'aqa' chik ruwach'ulew ri ek'o chuchi' ri ya', kan xtikimey y xtikixibij-ki', y ri ki-rey kan xkebaybot roma xibinri'il, y xtijalatej k'a kiwech roma xibinri'il.

Dn 4:14

ri kan nich'on kow y nubij: Titorij ri che', y ke'ichoyola' ri ruq'a', tik'isa-el ronojel ri ruxaq y ri ruwech titaluj ronojel. Keri' chuqa' konojel ri chikopi' ri ek'o chuxe' kebe y ri aj-xik' taq chikopi' ke'el-el chupan ri ruq'a'.

Deut 29:23

Y xtikitz'et k'a chi ri chiri' kan xtok kan tz'iran ruwach'ulew, xa kan xaxe chik ri chuwilej-abej, atz'an y k'atineq ulew k'o y man niwachin ta chik y ni ta q'ayis man nik'ase' ta chik chuwech, roma kan xtibanatej rik'in achi'el ri xbanatej kik'in ri tinamit Sodoma, Gomorra, Admá y Zeboím, roma ri Jehová xyakatej janila royowal chikij y xeruk'is.

1 Timoteo 5:11

Jak'a ri malkani' taq ixoqi' ri k'a e ak'uala' na, más utz man yeto'ox ta, roma rik'in juba' xa man xtikajo' ta chik nikiben ri rusamaj ri Cristo, y xa xtikirayij yek'ule' chik el jun bey,

Apocalipsis 14:11

Ri q'aq' ri' man jun bey xtichup, y ri sib kan richin jantape' pa'el chikaj. Y kan man jun bey k'a xkeuxlan chire ri tijoj-poqonal ri', ni ri chaq'a' ni ri paq'ij. Y chiri' xke'apon-wi ri yeya'on ruq'ij ri nabey chikop y ri ruwachibel, y ri kan kik'uan ri retal ri chikop ri' nik'aj-kiwech o pa kiq'a', nicha'.

Apocalipsis 17:2

Kan rik'in k'a re ixoq re' e makuwineq-wi ri nima'q q'atoy taq tzij richin ri ruwach'ulew. Y ri k'ixbel taq rubanobal kan achi'el ri vino ri niq'abarisan y konojel ri winaqi' richin ri ruwach'ulew eq'abarineq rik'in ri', xcha'.

Apocalipsis 18:18

Toq xkitz'et ri sib ri jotol chikaj roma najin ruk'atik ri tinamit. Y rik'in k'a uchuq'a' xech'on, y xkibij: ¿Kan k'o ta kami jun tinamit ri junan rik'in re nimalej tinamit re'?, xecha'.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 18:3

Roma ja ri Babilonia ri xbanon chike ri ch'aqa' chik ruwach'ulew richin chi xeqaqa pa mak. Xuben chike ri rey kichin ch'aqa' chik ruwach'ulew richin xemakun rik'in. Y kan k'iy k'ayinela' ri xebeyomer kan, roma ri aj-Babilonia xkik'uaj jun itzel k'aslen, xcha' ri ángel.

Apocalipsis 18:7

Tiya' pa q'axo'n y tijoj-poqonal. Roma rija' xunimirisaj-ri', y toq k'o chupan ri itzel k'aslen ri', xubila' k'a pa ránima: Ja yin ri kan achi'el reina in tz'uyul wawe', man in malka'n ta, ni man xtink'owisaj ta chuqa' q'axo'n, xcha-qa.

Apocalipsis 19:3

K'ari' ri ch'abel ri niwajin ri chikaj, xubij chuqa': Tinimirisaj rubi' ri Dios, roma ri Babilonia ruchapon nik'at, y ri rusibil kan nijote' k'a richin tibe-q'ij tibe-seq, xecha'.

Apocalipsis 2:22

Roma ri' xtinben k'a chire chi xtiqaqa chuwech warabel. Y konojel ri e makuwineq rik'in, xtiben chike chi xtikik'owisaj janila tijoj-poqonal, wi man nitzolej ta pe kik'u'x wik'in.