Apocalipsis 18:8 - Kaqchiquel Bible

⁸ Y roma ri', xa kan pa jun q'ij k'a xkepe ronojel ruwech ruk'ayewal pa ruwi'; kamik, oq'ej y wayjal. Y pa ruk'isibel xa xtiya'ox ruq'aq'al roma ri niq'aton-tzij pa ruwi' kan ja ri ajaw Dios ri kan k'o ronojel uchuq'a' pa ruq'a', xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Roma kꞌa riꞌ, kꞌateꞌ ruwech ndiqaqa jalajaj kꞌayew pa ruwiꞌ, Y ri kꞌayew riꞌ, ja ri wayijal, ri bꞌis y ri kamik, Y ndikꞌis ruqꞌij pa qꞌaqꞌ. Porque kin nim wi ruchuqꞌaꞌ ri Ajaw Dios ri xuqꞌet tzij pa ruwiꞌ.

Kaqchikel Santa Maria de Jesus

⁸ Y ruma quireꞌ xuꞌej, can chupan jun kꞌij xcaꞌpa nojiel roch sufrimiento paroꞌ. Xtipa camic, okꞌiej y viꞌjal. Y xtiparox jeꞌ pa kꞌakꞌ. Y quireꞌ xtibꞌanataj, ruma ja ri Ajaf Dios ri cꞌo nojiel poder riqꞌuin ri xtibꞌano castigar.

Kaqchikel Central Guatemala

⁸ Y roma c'a ri ruch'abel ri', can pa jun k'ij c'a xquepe ronojel ruvech k'axomal pa ruvi'. Xtipe camic, ok'ej y vayjal. Y can xtic'at chuka' pa ruk'a' k'ak'. Y can que vi c'a ri' ri xtic'ulvachitej, roma ri xbin chi queri' ri xtibanatej, can ja ri Ajaf Dios ri can c'o-vi uchuk'a' riq'uin.

Re C'ac'a Testamento pa Kach'abal

⁸ Y roma quire' xubij, can pa jun k'ij xque'pa ronojel rach k'axomal pa rue'. Xtipa camic, ok'ej y viyjal. Y can xtic'at chuka' pa k'ak'. Y can quire-va xtibanataj, roma re xbin che quire' xtibanataj, can ja re Kajaf Dios re c'o ru-poder.

Kaqchikel Western Solola

⁸ Y ruma queri' nubij, rumari' xa pa jun k'ij xquepe ronojel ruwech k'axomal pa ruwi'. Xtipe camic, ok'ej y wayjal. Y xtic'at pa k'ak'. Y can que wi c'a ri' ri xtibanatej, ruma can ya ri Ajaf Dios ri can c'o wi ruchuk'a' ri xtik'ato tzij pa ruwi'.

Apocalipsis 18:8 ပူးပေါင်းရင်းမြစ်များ

Wuj Richin ri Achin Job 9:19

¿Yitikir kami ninkusaj ri wuchuq'a' chirij rija'? Roma rija' k'o ronojel uchuq'a' pa ruq'a'. ¿Yitikir kami ninyek ch'a'oj chirij? Man tikirel ta, roma man jun ri nitikir ta nuben chire rija' chi napon chuwech ri q'atoy-tzij.

Wuj Richin Bix Chire ri Dios 62:11

Ri Dios xuq'alajirisaj chi rija' janila ruchuq'a'. Y yin kan wak'axan k'a, chi rik'in ri Dios nipe-wi ronojel uchuq'a'.

Wuj Richin ri Isaías 27:1

Chupan ri q'ij ri' ri Jehová kan xtuya' ruk'ayewal rik'in ri ru-espada, pa ruwi' ri nimalej chikop ri k'o pa palou. Xtukamisaj ri dragón ri k'o chupan ri palou, rik'in jun espada ri janila rey.

Wuj Richin ri Isaías 9:14

Roma ri' ri Jehová kan xkerelesaj-el konojel ri winaqi', nitiker-pe k'a pa kijolon y napon k'a chikaqen. Ri e tata'al y ri aj-raqen kan xkerutzak'ij-el, achi'el toq nitzak'ix-el ri rutum ri che' palma. Ri e q'alajirisey richin ri yebanatej xkechoy-el, achi'el yechoy ri pop, roma xaxe tz'ukun-tzij ri nikiben.

Wuj Richin ri Jeremías 50:31

Yin Jehová ri k'o ronojel uchuq'a' wik'in ninbij chi kan in yakatajineq chikij konojel ri kinimirisan-ki'. Y wakami xapon ri q'ij richin ninya' ri rutojbalil pa kiwi'.

Wuj Richin ri Jeremías 50:34

Jak'a yin ri yikolon kichin y kan k'o uchuq'a' wik'in, y nubini'an Jehová ri k'o ronojel uchuq'a' wik'in y kan pa ruchojmilal ri xtinben kik'in. Xtinya' uxlanibel-k'u'x chupan ri kiruwach'ulew, jak'a pa kiwi' ri aj-Babilonia xa xtinya' xibinri'il.

Wuj Richin ri Jeremías 51:58

Ri nima'q ruwech taq tz'aq richin ri Babilonia kan xkeqasex jumul y ri nima'q taq ruchi' ri tinamit xkeporox y xa man jun k'a xuq'ajuj chi janila xesamej ri tzobaj taq winaqi', roma ronojel ri kisamaj xtuk'is q'aq'. Yin Jehová ri k'o ronojel uchuq'a' wik'in ri yibin, xcha' ri Dios.

Wuj Richin ri Jeremías 51:6

Y rix winaqi' israelita, kixanimej-el pa Babilonia. Tukolo-ri' ri nitikir, richin chi man yixken roma kimak rije'. Jare' xapon ri q'ij richin ninya' ri rutojbalil pa kiwi' rije' achi'el ri ruk'amon.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

1 Corintios 10:22

¿Niwajo' rix richin niyek royowal ri Dios? ¿Kan yixtikir kami rix nipaba-iwi' chuwech rija' rik'in ri ibanobal?

Apocalipsis 11:17

Y xkibij: Niqamatioxij chawe rat Dios, ri k'o ronojel uchuq'a' pan aq'a'. Kan atk'o-wi-pe pa rutikeribel y atk'o wakami y xkak'oje' jantape', roma xq'alajin ri nimalej uchuq'a' ri k'o pan aq'a', y xachop yan naq'et-tzij.

Apocalipsis 17:16

Ri lajuj uk'a' ri xatz'et y ri chikop, xa xtiketzelaj k'a ri ixoq ri xa man utz ta ruk'aslen. Xtikelesaj ronojel chire y nikich'anaba' kan. Y ri ruch'akul ri ixoq ri', xtikitej y ri xtikolotej kan xtikiporoj pa q'aq'.

Apocalipsis 17:18

Y ri ixoq ri xatz'et, ja ri jun nimalej tinamit ri k'o pa kiwi' ri ch'aqa' chik tinamit richin ri ruwach'ulew, xcha'.

Apocalipsis 18:17

Jak'a xa pa jun ti ramaj xk'is ri janipe' chi beyomel ri xk'oje' rik'in, yecha'. Y ri achi'a' ri k'o kiq'ij ri pa taq nima-barco, ri winaqi' ri e peteneq chupan, y kan konojel ri samajela' chupan ri nima-barco, kan k'a nej k'a xkitzu-wi-pe.

Apocalipsis 18:19

Xkiyala' ulew pa kijolon, ye'oq' y yebison janila, y rik'in uchuq'a' nikibij: Toq'ex ruwech ri Babilonia. Kan rik'in ri rubeyomel rija' xebeyomer kan konojel rajaw ri nima-barco. Y xa pa jun ti ramaj xk'is ronojel, xecha'.

Apocalipsis 19:3

K'ari' ri ch'abel ri niwajin ri chikaj, xubij chuqa': Tinimirisaj rubi' ri Dios, roma ri Babilonia ruchapon nik'at, y ri rusibil kan nijote' k'a richin tibe-q'ij tibe-seq, xecha'.