Apocalipsis 18:23 - Kaqchiquel Bible

²³ Man jun chik q'aq' ri xtitz'etetej ta chupan, richin ta nisaqirisan. Man xtak'axatej ta chik chuqa' chi k'o ta jun k'ulubik nibanatej. Chiri' xek'oje-wi ri más nima'q taq k'ayinela', chiri' chuqa' xeban wi ri itz, y xeq'olotej konojel ri ruwach'ulew, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Ma jun chik lámpara ndiyikꞌan chiriꞌ, Y ma jun chik nimaqꞌij chin kꞌulubꞌik ndakꞌaxex, xa ndikꞌis nojel, Porque kin ndikinimrisalaꞌ kiꞌ ri kꞌayinelaꞌ chin ri tinamit riꞌ, Y rikꞌin ri kisamaj ri aj itz ekꞌo chiriꞌ, xechꞌakatix nojel kiwech wineq chochꞌulew, xchajeꞌ ri ángel.

Kaqchikel Santa Maria de Jesus

²³ Man jun chic luz xtitzꞌatataj chi nuyaꞌ sakil cha ri tanamet. Man jun chic cꞌulubꞌic xticꞌaxax. Ruma ri xaꞌcꞌayin chireꞌ can i-nimaꞌk xquina-quiꞌ ri choch-ulief. Y chireꞌ jeꞌ xꞌan-ve maña chica quinojiel naciones ri icꞌo choch-ulief riqꞌuin ri hechicerías (bꞌanaquil).

Kaqchikel Central Guatemala

²³ Man chic c'a jun k'ak' ri xtitz'etetej ta chupan, richin ta nisakirisan. Man chic xtac'axatej ta c'a chuka' chi c'o ta jun c'ulubic nibanatej. Roma chiri' xec'oje-vi ri más nima'k tak c'ayinela'. Y chuka' roma ri itz ri xeban chiri', xek'olotej c'a conojel ri ruvach'ulef.

Re C'ac'a Testamento pa Kach'abal

²³ Man jun chic k'ak' xtitz'etetaj-ta chupan chin che nuya' sakil. Y chuka' man jun bey chic xtic'axataj-ta che c'o-ta jun c'ulubic niban. Roma ja chire' xe'c'ue-va re comerciantes más je nima'k. Y chuka' roma re itz re xe'ban chire', can xe'k'olotaj conojel naciones re jec'o chach re ruch'ulef.

Kaqchikel Western Solola

²³ Majun chic c'a k'ak' riche (rixin) nisakirisan ri xtitz'etetej ta chupan ri tinamit ri'. Ma xtac'axatej ta chic c'a chuka' chi c'o ta jun c'ulanen nibanatej. Ruma ri nima'k tak c'ayinel ri xec'oje' chiri' nima'k xquina' qui'. Y chuka' ruma ri itz ri xeban chiri', xek'olotej c'a quinojel ri winek ri yec'o chuwech ri ruwach'ulef.

Apocalipsis 18:23 ပူးပေါင်းရင်းမြစ်များ

2 Rey 9:22

Y toq ri Joram xapon rik'in ri Jehú, xuk'utuj chire wi k'o uxlanibel-k'u'x o ni. Y ri Jehú xubij: ¡Achi'el ta k'a chi xtik'oje' uxlanibel-k'u'x, rokik ri ate' Jezabel xa k'a nuya' na kiq'ij ri ch'aqa' chik dios, y chuqa' k'a najin rik'in ri mak richin itz!, xcha'.

Wuj Richin ri Achin Job 21:17

Man rik'in ri', chikikojol rije' man q'ij-q'ij ta ri k'o ta niken-el, y maneq ruk'ayewal ri niqaqa ta pa kiwi'. Ri Dios kan man nuben ta k'a chire ri kibeyomel chi k'o ta ri nuk'uluwachij.

Wuj Richin Etamabel-Tzij 24:20

Roma ri wineq ri kan itzel, kan man k'a xtiberila' ta chik apo ri peteneq chuwech; ri wineq itzel, xa xtichup yan k'a ri ruk'aslen, achi'el nichup-el jun q'aq' richin saqil.

Wuj Richin ri Isaías 23:8

Ri k'ayinela' richin Tiro ja ri rey y ri e tata'al. Ri loq'onela' ja ri más k'o kiq'ij chuwech re ruwach'ulew. ¿Achike kami k'a ri xch'obon re jun wululen re' pa ruwi' ri Tiro?

Wuj Richin ri Isaías 47:9

Jare' k'a ri chaq k'ate' xtibek'uluwachij: Kan xkixmalkanej kan, y kan man jun chik iwalk'ual xtik'oje'. Ronojel re' kan xtipe chiwij, stape' kan janila chi winaqi' ri nikiben meyel taq banobel, y janila chi aj-itza' ri ek'o iwik'in.

Wuj Richin ri Jeremías 16:9

Yin Jehová k'iytisanel richin ronojel, ri Dios richin ri tinamit Israel ri yibin. Tabij k'a chike ri awinaq: Chi yin xtinben chi chupan ronojel ri itinamit xtik'is ri bixanik richin nimaq'ij, ri kikoten y chuqa' ri bixanik richin k'ulubik. Re' kan xtibanatej yan y rix kan xtitz'et rik'in ri runaq' taq iwech, xkacha' chike.

Wuj Richin ri Jeremías 25:10

Ninbenbana' k'a chiwe richin chi'ikojol rix man xtak'axatej ta chik bixanik richin nimaq'ij ni richin kikoten. Ni man xtak'axatej ta chik bix richin k'ulubik, ni man xtak'axatej ta chik ri abej richin ke'en, ni man xtitz'etetej ta chik ri saqil kichin ri taq lámpara.

Wuj Richin ri Jeremías 7:34

Chiri' pa taq tinamit Judá y pa taq bey richin ri tinamit Jerusalem man jun chik bixanik richin nimaq'ij, o richin kikoten o ri bixanik richin k'ulubik, roma chijun ruwach'ulew xtitole' kan.

Wuj Richin ri Nahum 3:4

Y ronojel re' nibanatej roma rat Nínive xa kan xak'ayij-awi' achi'el nuben jun ixoq itzel ruk'aslen. Stape' kan janila at jebel ok, Xe'atijoj ch'aqa' chik chubanik ri itz. Rik'in ri itzel taq abanobal y ri banoj itz xe'ach'ek winaqi' richin ch'aqa' chik ruwach'ulew.

Hechos 8:11

Kan k'iy yan k'a q'ij jebel e ruq'olon ri winaqi' rik'in ri itz ri yerubanala'. Roma ri' toq ri winaqi' kan nikinimaj ri rutzij.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

Apocalipsis 17:2

Kan rik'in k'a re ixoq re' e makuwineq-wi ri nima'q q'atoy taq tzij richin ri ruwach'ulew. Y ri k'ixbel taq rubanobal kan achi'el ri vino ri niq'abarisan y konojel ri winaqi' richin ri ruwach'ulew eq'abarineq rik'in ri', xcha'.

Apocalipsis 17:5

Y nik'aj ruwech tz'ibatel-wi ri rubi'. Y man kan ta q'alaj achike nik'ulun chi tzij, y kere' ri nubij: Ri nimalej tinamit Babilonia, kite' ri ixoqi' ri itzel kik'aslen y kite' chuqa' ri winaqi' ri yebanon etzelal chuwech ri ruwach'ulew, nicha'.

Apocalipsis 18:22

Ni man jun bey chik xtik'ases ta ri pa taq rubey rik'in ri kich'abel ri arpa, ri trompeta y ri xul. Chuqa' man xkek'oje' ta chik samajela' ri yebanon jalajoj ruwech samaj y man xkeq'ajan ta chik ri ka'.

Apocalipsis 18:3

Roma ja ri Babilonia ri xbanon chike ri ch'aqa' chik ruwach'ulew richin chi xeqaqa pa mak. Xuben chike ri rey kichin ch'aqa' chik ruwach'ulew richin xemakun rik'in. Y kan k'iy k'ayinela' ri xebeyomer kan, roma ri aj-Babilonia xkik'uaj jun itzel k'aslen, xcha' ri ángel.

Apocalipsis 18:9

Y ri q'atoy taq tzij ri junan xemakun rik'in, janila xtikibisoj y xtikoq'ej toq xtikitz'et ri sib nijote' chikaj roma kan najin ruk'atik.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

Apocalipsis 22:5

Ri chiri' chupan ri tinamit ri', man jun bey xtiq'equmer ta richin nokoq'a-qa. Y konojel ri ek'o chupan ri tinamit ri', man jun xtik'atzin-wi ri rusaqil jun q'aq' o rusaqil ta ri q'ij chike. Roma kan ja ri Dios ri ajaw ri xtisaqirisan kichin. Y konojel re', jere' ri xkeq'aton-tzij richin tibe-q'ij tibe-seq.

Apocalipsis 6:15

Roma ri' konojel ri rey ri ek'o chuwech ri ruwach'ulew, ri q'atoy taq tzij, ri beyoma', ri e uk'uey kichin ri aj-labal, ri winaqi' ri k'o uchuq'a' pa kiq'a', ri loq'on taq samajela' y konojel ri winaqi'; xkewala-ki' pa taq jul y chukojol taq abej ri chuwech taq juyu'.

Apocalipsis 9:21

Man xtzolej ta k'a pe kik'u'x ri winaqi' ri' rik'in ri Dios, richin xkiyala' ta kan ri kamisanik, ri itz, ri eleq' y ri achi'a' y ri ixoqi' ri nikikanola-ki' richin yemakun.