Apocalipsis 18:21 - Kaqchiquel Bible

²¹ Y jari' k'a toq jun ángel ri kan janila ruchuq'a', xberuli'ej-pe jun nimalej abej richin nuke'ej trigo. K'ari' ri ángel ri' rik'in ronojel ruchuq'a' xuk'eq ri abej ri' chupan ri palou, y xubij: Kere' xtiban chire ri Babilonia richin chi tik'is jumul. Ri tinamit ri' man xtitz'etetej ta chik.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Ja atoq riꞌ jun ángel santienta ruchuqꞌaꞌ, xutzeqej jun mama abꞌej, achel jun nim abꞌej jokꞌbꞌel trigo y xutorij qa pa mar, y xubꞌij: Kereꞌ ndibꞌan chare ri nimalej tinamit Babilonia. Rikꞌin jun nimalej uchuqꞌaꞌ nditorix, Y ma ndilitej ta chik.

Kaqchikel Santa Maria de Jesus

²¹ Y jun ángel ri altíra ruchukꞌaꞌ, xbꞌaruma-pa jun nem abꞌaj, ri incheꞌl jun mamaꞌ caꞌ, y riqꞌuin nojiel ruchukꞌaꞌ xuqꞌuiak ri abꞌaj cꞌa chupan ri mar, y xuꞌej: Quireꞌ xtiꞌan cha ri nem tanamet Babilonia chi tiqꞌuis chireꞌ. Ri tanamet reꞌ man xtitzꞌatataj ta chic.

Kaqchikel Central Guatemala

²¹ Y jac'ari' tok jun ángel ri can janíla ruchuk'a', xberuli'ej c'a pe jun nimalej abej, ri achi'el jun ca' nitzu'un. C'ari' ri ángel ri' riq'uin ronojel ruchuk'a' xuq'uek ri abej c'a pa mar, y xubij c'a: Que c'a re' xtiban chire ri nimalej tinamit Babilonia richin chi tiq'uis chiri'. Ri tinamit ri' man xtitz'etetej ta chic.

Re C'ac'a Testamento pa Kach'abal

²¹ Y jun ángel re camas ru-poder, xbo'rli'ej-pa jun moma' aboj, re ancha'l ye'cusas chin molino. C'are' re ángel xusunc'utij re aboj re' pa mar, y xubij: Ja quira' xtiban cha re namalaj tenemit Babilonia chin che tiq'uis chire'. Re tenemit re' man jun bey chic xtitz'etetaj.

Kaqchikel Western Solola

²¹ Y yac'ari' tek jun ángel ri can c'o sibilaj ruchuk'a', xberuli'ej c'a pe jun nimalaj abej, ri achi'el jun ca' rubanic. Y ri ángel ri' riq'ui ronojel ruchuk'a' xuq'uek ri abej c'a pa mar, y xubij c'a: Quec'are' ri xtiban chare ri nimalaj tinamit Babilonia riche (rixin) chi xtiq'uis chiri'. Ri tinamit ri' ma xtitz'etetej ta chic.

Apocalipsis 18:21 ပူးပေါင်းရင်းမြစ်များ

Wuj Richin ri Nehemías 9:11

Chuqa' xach'er k'a ri ya' ri' chikiwech rije' richin pa chaqi'j xe'ik'o-wi. Jak'a ri e oqotey kichin xaben chi xejiq' pa ruk'u'x ri ya' achi'el jun abej.

Wuj Richin ri Achin Job 20:8

Ri wineq ri' kan xtibe k'a, achi'el nibe jun achik'. Kan xtuk'uluwachij achi'el toq nik'utumej jun achi'el achik' chuwech jun wineq.

Wuj Richin Bix Chire ri Dios 37:36

Jak'a rija' xa xken, y wakami kan man jun chik. Stape' xinkanoj, xa man xq'alajin ta chik.

Ex 15:5

Ri palou ri' xerumuq k'a; xebek'oje' kan chuxe', achi'el ri abej.

Ez 26:21

Keri' xtinben richin chi ri winaqi' xtikik'en rukiy toq xtikitz'et ronojel re', xkak'is k'a jumul y stape' xkakanox man xkatilitej ta chik. Yin Jehová ri yibin.

Dn 11:19

Y kan xtitzolej k'a pa Siria ri akuchi peteneq-wi. Y xtibe'ok k'a chupan ri tinamit ri e tz'apen-kij chi tz'aq, jak'a xa kan xtibetzaq rik'in ri ruch'obonik, y kan man jun chik xtinatan richin.

Apocalipsis 10:1

Yin xintz'et chik k'a chi chila' chikaj chupan jun sutz' peteneq jun ángel, ri kan k'o uchuq'a' pa ruq'a' ri pa rujolon k'o jun kotoq'a', ri rupalej achi'el ri q'ij, y ri raqen achi'el ruxaq q'aq'.

Apocalipsis 12:8

Jak'a ri nimalej itzel keq rij chikop y ri itzel taq ru-ángel man xech'akon ta, y xe'oqotex-pe ri chila' chikaj.

Apocalipsis 16:20

Y roma chuqa' ri nimalej silonel ri xuben, ri ruwach'ulew ri ek'o pa taq ya' xebe chuxe' ya'. Y ri juyu' man xetz'etetej ta chik.

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Apocalipsis 18:22

Ni man jun bey chik xtik'ases ta ri pa taq rubey rik'in ri kich'abel ri arpa, ri trompeta y ri xul. Chuqa' man xkek'oje' ta chik samajela' ri yebanon jalajoj ruwech samaj y man xkeq'ajan ta chik ri ka'.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Apocalipsis 5:2

Y kan jari' xintz'et jun ángel ri janila ruchuq'a' y nisik'in nubij: ¿K'o kami jun ri kan ruk'amon richin nrelesaj ri wuqu' tz'apebel richin ri wuj y nujeq?, xcha'.