Apocalipsis 18:19 - Kaqchiquel Bible

¹⁹ Xkiyala' ulew pa kijolon, ye'oq' y yebison janila, y rik'in uchuq'a' nikibij: Toq'ex ruwech ri Babilonia. Kan rik'in ri rubeyomel rija' xebeyomer kan konojel rajaw ri nima-barco. Y xa pa jun ti ramaj xk'is ronojel, xecha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Ri wineq riꞌ, ndikijopij ulew pa kijolon, ndikibꞌisoj ri tinamit, y ngesikꞌin chi oqꞌej ndikibꞌilaꞌ: ¡Juyo ruwech! ¡Juyo ruwech ri nimalej tinamit, Porque xe pa jumel xkꞌis ruqꞌij! Chirij rubꞌeyomal xebꞌeyomer Konojel kajaw ri barcos.

Kaqchikel Santa Maria de Jesus

¹⁹ Y ri vinak ri ncaꞌa pa tak barcos y ri ncaꞌsamaj paroꞌ ri mar, xquiyaꞌ ulief pa tak quijaluon; can altíra ncaꞌuokꞌ y ncaꞌbꞌisuon, y ncaꞌsiqꞌuin niquiꞌej: ¡Juyeꞌ roch ri nem tanamet Babilonia! Can riqꞌuin rubꞌayomal jajaꞌ xaꞌbꞌayomer can quinojiel rajaf ri barcos. Y xa chi jun huora xqꞌuis nojiel, xaꞌchaꞌ.

Kaqchikel Central Guatemala

¹⁹ Y ri vinek c'a ri e richin pa tak barcos y ri samajela' ri richin pa tak ya', xquiyala' c'a ulef pa tak quijolon (quivi'), ye'ok' y yebison c'a janíla, y riq'uin uchuk'a' niquibij: Tok'ex c'a ruvech ri nimalej tinamit Babilonia. Can riq'uin c'a ri rubeyomel rija' xebeyomer can conojel rajaf tak barcos. Y xa pa jun hora xq'uis ronojel, xecha'.

Re C'ac'a Testamento pa Kach'abal

¹⁹ Y re vinak re jec'o pa tak barcos y re ye'samaj pa tak mar, xquiyala' ulef pa tak quijalom, camas ye'ok' y ye'bison y jun pa quichi' tak niquibij: Tivok'ex rach re namalaj tenemit Babilonia. Riq'uin re rubiyomal reja' xe'biyomar can conojel rajaf tak barcos. Y xa pa jun hora xq'uis ronojel, xe'cha'.

Kaqchikel Western Solola

¹⁹ Y ri winek c'a ri ye riche (rixin) pa tak barcos y ri ye samajel ri riche (rixin) pa tak ya', xquiyala' c'a ulef pa tak quijolon (quiwi'), ye'ok' y yebison c'a, y riq'ui quichuk'a' niquibij: Juyi' oc ruwech ri nimalaj tinamit Babilonia. Can riq'ui c'a ri rubeyomal riya' xebeyomer c'a quinojel rajaf tak barcos. Y xa pa jun hora xq'uis ronojel, xecha'.

Apocalipsis 18:19 ပူးပေါင်းရင်းမြစ်များ

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Wuj Richin ri Josúe 7:6

K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

Ez 27:30

Kan xkesik'in k'a roma ri Tiro, y xtikireq k'a kichi' rik'in janila q'axo'n. Y roma ri' xtikiyala' k'a ulew pa kijolon y xtikibolqotila-ki' pa chaj.

Apocalipsis 18:3

Roma ja ri Babilonia ri xbanon chike ri ch'aqa' chik ruwach'ulew richin chi xeqaqa pa mak. Xuben chike ri rey kichin ch'aqa' chik ruwach'ulew richin xemakun rik'in. Y kan k'iy k'ayinela' ri xebeyomer kan, roma ri aj-Babilonia xkik'uaj jun itzel k'aslen, xcha' ri ángel.

Wuj Richin ri Achin Job 2:12

Toq rije' ye'apon yan k'a apo rik'in, kan man niketamaj ta chik ruwech roma ri ruk'uluwachin. Jari' toq xkoq'ej ruwech rik'in raqoj-chi'ij, y chikijujunal rije' xkiretz ri kitziaq chikij y xkijopij ulew chikaj y pa kiwi'.

Apocalipsis 18:8

Y roma ri', xa kan pa jun q'ij k'a xkepe ronojel ruwech ruk'ayewal pa ruwi'; kamik, oq'ej y wayjal. Y pa ruk'isibel xa xtiya'ox ruq'aq'al roma ri niq'aton-tzij pa ruwi' kan ja ri ajaw Dios ri kan k'o ronojel uchuq'a' pa ruq'a', xcha'.

1 Sam 4:12

K'o k'a jun achin rijatzul kan ri Benjamín ri xtikir xanimej-el pan oyowal y xbe pa Siló y rutzeron-el ri rutziaq chirij y ruya'on-el poqolaj pa rujolon richin chi xuk'ut chi janila nibison.

Wuj Richin ri Nehemías 9:1

Y xkimol k'a ki' konojel ri nuwinaq, y chijun q'ij man jun kiway xkitej, xkikusaj kitziaq richin bis, y xkiya' poqolaj pa kijolon richin xkik'ut chi janila yebison. Y re' xbanatej chupan ri q'ij juwineq kaji' richin ri ik' wuqu'.

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

Apocalipsis 17:16

Ri lajuj uk'a' ri xatz'et y ri chikop, xa xtiketzelaj k'a ri ixoq ri xa man utz ta ruk'aslen. Xtikelesaj ronojel chire y nikich'anaba' kan. Y ri ruch'akul ri ixoq ri', xtikitej y ri xtikolotej kan xtikiporoj pa q'aq'.

Wuj Richin ri Isaías 13:19

Ri tinamit Babilonia janila rejqalen chikiwech ri ch'aqa' chik ruwach'ulew, achi'el jun jebelej abej ri janila rejqalen. Y ri tinamit ri' kan janila ruwa-ruq'ij chikiwech ri aj chiri'. Jak'a xa xtiwulex roma ri Dios, achi'el xuben ojer kan kik'in ri tinamit Sodoma y Gomorra.

Wuj Richin ri K'uxla'anik 2:10

Ri rijita'q taq achi'a' richin ri tinamit xetz'uye' k'a pa poqolaj, y kan man jun chik k'a nikibij. Xkiya' k'a poqolaj pa kijolon, y xkikusaj qirix taq tzieq. Keri' chuqa' ri xtani' kan xkiqasaj-ki' k'a pan ulew.