Apocalipsis 18:17 - Kaqchiquel Bible

¹⁷ Jak'a xa pa jun ti ramaj xk'is ri janipe' chi beyomel ri xk'oje' rik'in, yecha'. Y ri achi'a' ri k'o kiq'ij ri pa taq nima-barco, ri winaqi' ri e peteneq chupan, y kan konojel ri samajela' chupan ri nima-barco, kan k'a nej k'a xkitzu-wi-pe.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Porque, xe pa jumel xkꞌis ruqꞌij santienta bꞌeyomal! xechajeꞌ. Ri kikꞌuan ri barcos pariꞌ ri mar, keriꞌ chuqaꞌ ri kitojon chin ngeꞌukꞌuꞌex pa barco, ri samajelaꞌ chin ri barcos y ri ngebꞌanun chꞌaqa chik samaj chin pa mar, kꞌa nej xebꞌekꞌojeꞌ wi.

Kaqchikel Santa Maria de Jesus

¹⁷ Y xa chupan jun huora xqꞌuis nojiel ri bꞌayomal ri cꞌo riqꞌuin. Y ri achiꞌaꞌ ri i-cꞌuayuon ri barcos, ri nicꞌaj chic ri ncaꞌsamaj chupan, ri vinak ri i-bꞌanak chupan ri barcos, y quinojiel ri ncaꞌsamaj paroꞌ ri mar, cꞌa chi-naj xaꞌpiꞌie-ve-pa.

Kaqchikel Central Guatemala

¹⁷ Y xa pa jun hora xq'uis ri janipe' chi beyomel ri c'o riq'uin. Y ri achi'a' ri c'o quik'ij ri pa tak barcos y ri ch'aka' chic ri yesamej pa tak barcos, ri vinek ri e petenek pa tak barcos, y can conojel vi c'a ri samajela' ri richin pa ya', man c'a xejel ta apo chunakaj ri tinamit Babilonia. Xa can c'anej xepa'e-vi chire.

Re C'ac'a Testamento pa Kach'abal

¹⁷ Y xa pa jun hora xq'uis re jenipa' biyomal c'o riq'uin. Y re achi'a' re c'o quik'ij re nibex capitanes chique re jec'o pa tak barcos y re nic'aj chic re ye'samaj pa tak barcos, re vinak re je'pitinak pa tak barcos, y can conojel re ye'samaj pa mar, man can-ta xe'jelon-apo chunakaj re tenemit Babilonia. Xa can c'ac'anaj xe'pa'e-va.

Kaqchikel Western Solola

¹⁷ Y xa pa jun hora xq'uis ri jani' chi beyomel ri c'o riq'ui. Y ri achi'a' ri ye'uc'uan quiche (quixin) ri barcos y ri nic'aj chic ri yesamej pa tak barcos, ri winek ri ye petenak pa tak barcos, y can quinojel wi c'a ri winek ri yesamej pa ruwi' ya', man c'a xejel ta apo chunakajal ri tinamit Babilonia. Xa can c'anej xepa'e' wi apo.

Apocalipsis 18:17 ပူးပေါင်းရင်းမြစ်များ

Wuj Richin ri Isaías 23:14

Roma ri' kixjilon k'a rix aj-Tiro, ri yixuk'uan ri nimalej barco pa Tarsis, roma xa xtikiwulaj ri itinamit.

Wuj Richin ri Isaías 47:9

Jare' k'a ri chaq k'ate' xtibek'uluwachij: Kan xkixmalkanej kan, y kan man jun chik iwalk'ual xtik'oje'. Ronojel re' kan xtipe chiwij, stape' kan janila chi winaqi' ri nikiben meyel taq banobel, y janila chi aj-itza' ri ek'o iwik'in.

Wuj Richin ri Jeremías 51:8

Jak'a wakami ri aj-Babilonia kan chi'anin k'a xkech'akatej. Roma ri' kan ke'iwoq'ej k'a rije'. Tik'ama' k'a pe aq'om richin ri kisokotajik; rik'in juba' yek'achoj-el, xcha' ri Dios.

Wuj Richin ri K'uxla'anik 4:6

Ri nuwinaq kan xeya'ox pa tijoj-poqonal. Kan xik'o k'a ruwi' chuwech ri ruk'ayewal ri xya'ox pa kiwi' ri aj-Sodoma, roma ri aj-Sodoma kan pa jun ramaj xeruk'is ri Dios.

Wuj Richin ri Jonás 1:6

Jari' toq ri rajaw ri barco xqaqa-qa rik'in y xubij chire: ¿Achike roma toq yawer rat? Kayakatej y tak'utuj chire ri a-dios; rik'in juba' nujoyowaj qawech y man yojken ta, xcha'.

Hechos 27:11

Jak'a ri Julio man xunimaj ta ri xubij ri Pablo chire. Xa ja ri xubij ri rajaw y ri xubij ri uk'uayon richin ri nima-barco, xa jari' ri xuben.

Apocalipsis 17:12

Y ri lajuj uk'a' ri xatz'et chi ruk'uan ri chikop, xa e lajuj rey ri man jani yeq'aton-tzij. Y re lajuj rey re' kachibilan ri chikop, xtijach uchuq'a' pa kiq'a' richin yeq'aton-tzij, jak'a xa man xtiyaloj ta.

Apocalipsis 17:16

Ri lajuj uk'a' ri xatz'et y ri chikop, xa xtiketzelaj k'a ri ixoq ri xa man utz ta ruk'aslen. Xtikelesaj ronojel chire y nikich'anaba' kan. Y ri ruch'akul ri ixoq ri', xtikitej y ri xtikolotej kan xtikiporoj pa q'aq'.

Apocalipsis 18:19

Xkiyala' ulew pa kijolon, ye'oq' y yebison janila, y rik'in uchuq'a' nikibij: Toq'ex ruwech ri Babilonia. Kan rik'in ri rubeyomel rija' xebeyomer kan konojel rajaw ri nima-barco. Y xa pa jun ti ramaj xk'is ronojel, xecha'.