Apocalipsis 18:13 - Kaqchiquel Bible

¹³ Kik'ualon chuqa' canela, jubulej taq aq'om, pom, mirra, vino, aceite richin oliwo, k'ej, trigo, kokoj y nima'q taq awej, kiej, karruaje, y xekik'ayij chuqa' winaqi'.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Keriꞌ chuqaꞌ canela, jubꞌulej teq qꞌayis, pon, mirra, jubꞌulej teq aqꞌon, vino, aceite, harina, trigo, wakx, karneꞌl, kej, carruajes y wineq chin ngekꞌayix.

Kaqchikel Santa Maria de Jesus

¹³ canela, kꞌayis jubꞌul ruxlaꞌ, incienso (puon), mirra y nicꞌaj chic jubꞌul tak akꞌuon; ri vino, aceite, harina, trigo, ovejas, quiej y nicꞌaj chic chicop, carruajes, y hasta vinak.

Kaqchikel Central Guatemala

¹³ Quic'ualon chuka' canela, tak ak'on, pon, mirra y ch'aka' chic jubulej tak ak'on; ri ruya'al-uva, aceite, q'uej y trigo. E quic'ualon-apo chuka' richin yebequic'ayij can, carne'l, quiej y ch'aka' chic chicop, carruajes, y hasta vinek.

Re C'ac'a Testamento pa Kach'abal

¹³ Quic'ualon chuka' canela, ch'utak ak'om, pom, mirra y nic'aj chic ak'om re jubul-oc cuxla', re ruyi'al-uva, aceite, harina y trigo. Je'quic'ualon-apo chuka' ovejas chin ye'bequic'ayij can, quiej y nic'aj chic chicop, carruajes y hasta vinak.

Kaqchikel Western Solola

¹³ Quic'ualon chuka' canela, y ak'om ri niya'ox (nya') chrij ri ruquil wey, pon, mirra y nic'aj chic ak'om ri sibilaj jubul ruxla'; ri ruya'al uva, aceite, q'uej (harina) ri sibilaj jabel y trigo. Ye quic'ualon apo chuka' riche (rixin) chi yebequic'ayij ca, carne'l, quiej y nic'aj chic chicop, carruajes, y chuka' yequic'ayij winek.

Apocalipsis 18:13 ပူးပေါင်းရင်းမြစ်များ

1 Rey 10:10

Ri reina xusipaj chire ri rey, jumuch' wuqu' quintal q'anapueq, janila chi jubulej taq aq'om, jebelej taq abej ri kan man jun bey tz'eton ta. Kan man jun bey ri k'o ta pe pan Israel pa ruk'iyal ri jubulej taq aq'om achi'el ri xusipaj ri reina richin Sabá chire ri rey Salomón.

1 Rey 10:15

Y chupan re' man etan ta ri nikitoj-apo ri k'ayinela', ni ri nitoj roma ri k'ayij, ni ri nikitoj ri rey ri ek'o pan Arabia, ni ri nikitoj ri e aj-raqen ri ek'o chupan ri ruwach'ulew Israel.

1 Rey 10:25

Konojel ri ye'apon rik'in kik'ualon k'a apo sipanik ri nalex pa kánima, richin nikiya' chire. Yekiyala' k'a saqipueq, q'anapueq ri jalajoj rubanik banon chire, chuqa' tzieq, kamisabel, jubulej taq aq'om, kiej y bur. Y kan kere' k'a xbanatej ronojel juna'.

1 Crón 5:21

Xekik'uala' k'a el ri kawej ri e etzelanel kichin: E 50,000 camello, e 250,000 karne'l y e 2,000 bur. Y chuqa' xekik'uaj k'a el e 100,000 winaqi'.

2 Crón 9:9

Jari' toq xujech-apo chire ri rey jumuch' wuqu' quintal q'anapueq, pa ruk'iyal jalajoj ruwech jebelej taq abej y jubulej taq aq'om ri man jun bey tz'eton chupan ri ruwach'ulew ri', jari' ri ruk'uan-el ri reina richin Sabá chire ri rey Salomón.

Wuj Richin ri Nehemías 5:8

Y xinbij chike: Roj kan qatijon-pe qaq'ij richin e qakolon-pe ri qawinaq ri xek'ayitej-el chike ri ch'aqa' chik winaqi' richin jun chik ruwach'ulew. Y wakami, xa ja chik rix ri yixloq'on-qa kichin ¿Kan nich'ob rix chi ja roj k'o chi yojkolo chik kichin?, xicha'. Y rije' man xeq'ajan ta, kan man jun ch'abel xetikir xkibij.

Ex 21:16

Chuqa' wi k'o jun wineq nreleq'aj-el jun chik wineq y ruk'ayin chik el o k'a k'o na rik'in toq nichap, kan tikamisex k'a.

Wuj Richin Etamabel-Tzij 7:17

Kan e nuyalon chik k'a kan jubulej taq aq'om chirij, jubulej taq aq'om ri e banon rik'in mirra, áloe y canela.

Wuj Richin ri Nimalej Bix 1:3

Ri jubulej taq awaq'om ri nakusaj, kan janila jebel kuxla'. Toq ninatex ri abi', achi'el ja ta ri jubulej aq'om ri kaq'utajineq. Xa roma aj k'a ri' konojel ri xtani' kan janila yatkajo'.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

Wuj Richin ri Nimalej Bix 5:5

K'ari' yin xiyakatej-q'anej richin ninjeq ri ruchi-jay chuwech rija'. Chirij ri nuq'a' kan nibiyin ri ruya'al mirra. Chirij ri ruwi' taq nuq'a' kan nibiyin-qa ri jubulej aq'om. Roma ri' kan xbiyin chirij ri ch'ich' ri tz'apeyon ri ruchi-jay.

Wuj Richin ri Isaías 50:1

Kere' k'a nubij ri Jehová: Rix walk'ual, ¿akuchi kami k'o-wi ri wuj ri nubij chi yin xinya' kan ri ite', achi'el nuben kan jun achin chire ri rixjayil? ¿Xixink'ayij roma k'o ta nuk'as? Ni, jak'a xa roma imak y ri iyakatajinenri'il. Chuqa' roma ri rumak ri ite', kan xinteq-el nej.

Ez 27:13

Chuqa' ri winaqi' aj-Grecia, ri aj-Tubal y ri aj-Mésec yepe richin ye'oloq'on-el rik'in. Y ri nikitojbej kan chire ja ri winaqi' ri e ximil pa samaj kik'in y samajibel ri e banon rik'in q'enq'oj-pueq.

Am 2:6

Kere' nubij ri Jehová pa kiwi' ri aj-Israel: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xekik'ayij ri winaqi' ri xa maneq kimak. Xekijel ri winaqi' ri man jun k'o kik'in rik'in juk'ulaj xajab.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Am 8:6

Kan xtiqak'ayij ri rij ri trigo. Rik'in ri' keqaloq'o' ri man jun k'o kik'in. Keqajala' rije' rik'in jun k'ulaj xajab, yixcha'.

Deut 24:7

Wi jun wineq nilitej chi releq'an-el jun ruwinaq richin nibe'ok rusamajel o richin nuk'ayij-el, ri nibanon keri' kan xtikamisex, richin nik'is-el ri etzelal chi'ikojol rix.

Deut 28:68

Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

Apocalipsis 18:14

Ri k'ayinela' nikibij chire ri tinamit: Ronojel ri xqa chiwech man xke'itz'et ta chik, xk'is chuqa' ri ibeyomel y ronojel ri niya'on ruwaq'ijaj chiwe, kan man jun bey chik xkebek'ulun-pe, yecha'.

Apocalipsis 18:15

Y stape' janila xebeyomer kan roma ri tinamit ri', nikixibij-ki' chuwech ri ruk'ayewal ri qajineq pa ruwi', y k'a nej k'a nikitzu-wi-pe. Y rik'in oq'ej y bis,