Apocalipsis 17:6 - Kaqchiquel Bible

⁶ Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Y xintzꞌet chi ri ixaq riꞌ ruqꞌabꞌarisan riꞌ rikꞌin ri kikikꞌel ri loqꞌolej ralkꞌuaꞌl ri Dios y rikꞌin ri kikikꞌel ri ekamisan roma xkiyaꞌ rutzijol ri rubꞌiꞌin kan ri Jesús. Y atoq xintzꞌet ri ixaq riꞌ, santienta xsach nukꞌuꞌx.

Kaqchikel Santa Maria de Jesus

⁶ Antok inreꞌ xintzꞌat ri ixok reꞌ, can xichapataj, ruma kꞌabꞌariel rubꞌanun riqꞌuin ri quiquiqꞌuiel ri i-ralcꞌual chic ri Dios y riqꞌuin quiquiqꞌuiel ri xquiꞌan-el sufrir ruma xquinimaj ri Jesús.

Kaqchikel Central Guatemala

⁶ Tok yin xintz'et c'a ri ixok ri', can xsach c'a nuc'u'x. Roma xa can k'abarinek roma ri janíla e q'uiy lok'olej tak ralc'ual ri Dios ri xerucamisaj. Can xerucamisaj-vi ri xeniman richin ri Jesús.

Re C'ac'a Testamento pa Kach'abal

⁶ Tak yen xintz'at re ixok re', can xsatz nuc'o'x. Roma can k'abarel rubanon roma re quiq'uiq'uel re je rajc'ual re Dios re je'ruquimisan. Can xe'ruquimisaj-va re xe'niman chin re Jesús.

Kaqchikel Western Solola

⁶ Tek riyin xintz'et c'a ri ixok ri', can xsach c'a nuc'u'x ruma xa can k'abarnek riq'ui ri quiquiq'uel ri lok'olaj tak ralc'ual ri Dios ri ye rucamisan y riq'ui ri quiquiq'uel ri can xquitij el pokon ruma xquinimaj ri Jesús.

Apocalipsis 17:6 ပူးပေါင်းရင်းမြစ်များ

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

Apocalipsis 13:15

Ri ruka'n chikop xjach k'a uchuq'a' pa ruq'a' richin tuya' ruk'aslen ri ruwachibel ri nabey chikop, richin chi ri wachibel ri' tich'on y tutaqa' kikamisaxik ri man yeya'on ta ruq'ij.

Apocalipsis 2:13

Yin wetaman chi ri akuchi ixk'o-wi, chiri' k'o-wi ri rutz'uyubal ri Satanás. Y man rik'in ri', kan ikuquban ik'u'x wik'in y man in imalin ta kan, stape' xitz'et chi ri Antipas ri xutzijoj ri nuch'abel xkamisex chiri' akuchi k'o-wi rachoch ri Satanás.

Apocalipsis 13:7

Chuqa' xya'ox q'ij chire richin chi xeruchop chi oyowal ri e ralk'ual ri Dios y yeruch'ek. Xya'ox uchuq'a' chire pa kiwi' ri jalajoj ruwach'ulew, ijatzul, tinamit y ch'abel.

Apocalipsis 12:11

Y ri qach'alal ri' xech'akon yan chirij ri Itzel-Wineq, roma ri rukik'el ri Karne'l, roma rije' kan man xek'ix ta xkiq'alajirisaj-ki' chi kiniman ri Cristo. Man xkixibij ta ki' stape' xe'apon pa kamik.

Hechos 22:20

Toq xkamisex ri Esteban ri xq'alajirisan ri abi', kan xqa-wi chinuwech ri xban chire, kan ink'o chuqa' apo kik'in ri kamisanela', nuchajin ri kitziaq ri e kelesalon kan chikij, xicha' chire ri Jesús.

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

Wuj Richin ri Habacuc 1:13

Rat Jehová kan at ch'ajch'oj y man nakoch' ta natz'et ri mak. Chuqa' man nakoch' ta natz'et ri etzelal ri yebanatej. ¿Achike k'a roma xtaya' q'ij chike ri aj-Babilonia richin xtikiben ri etzelal? ¿Achike k'a roma kan man jun xtabij, toq rije' xqojkiya' pa tijoj-poqonal, stape' roj más choj qak'aslen chikiwech rije'?

Dn 7:21

Y xintz'et k'a chi re jun ti uk'a' re', kan nuben oyowal kik'in ri e rutinamit ri Dios y kan yeruch'ek,

San Juan 2:10

Toq ri achijlonel xapon, ri pa'el chuwech ri nimaq'ij richin ri k'ulubik ri' xubij k'a chire: Toq k'o jun nimaq'ij kere', konojel k'a winaqi' ja ri vino ri utz nikiya' nabey, y toq ri winaqi' k'iy chik ri kiqumun, nikiya' k'a jun vino ri man kan ta utz. Jak'a rat xa man keri' ta xaben. Rat xa k'a ri' xabewelesaj-pe ri vino utz, xcha'.