Apocalipsis 17:4 - Kaqchiquel Bible

⁴ Y ri ixoq ruwiqon ri' rik'in tzieq keq y q'eqq'oj-keq. E rukusan chuqa' janila chi wiqobel ri e banon rik'in q'anapueq, jalajoj ruwech abej, y perla. Y ri pa ruq'a', ruk'uan jun qumbel ri banon rik'in q'anapueq ri nojineq rik'in itzel taq rubanobal, achi'el ri mak kik'in achi'a'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Ri ixaq riꞌ, ruweqon riꞌ rikꞌin tzieq morado y keq y chuqaꞌ rikꞌin qꞌanapueq, jabꞌel teq abꞌej y perlas. Pa ruqꞌaꞌ rukꞌuan jun copa bꞌanun chare qꞌanapueq, nojneq rikꞌin mak ri ndimulu rukꞌuꞌx ri Dios rikꞌin, y keriꞌ chuqaꞌ nojneq kikꞌin seqꞌ teq mak ri ngerubꞌanalaꞌ ri ixaq xa achoq na ikꞌin.

Kaqchikel Santa Maria de Jesus

⁴ Y ri ixok reꞌ rucusan tziak quiak y morado. I-rucusan nicꞌaj chic kax ri i-bꞌanun cha oro, cha jaꞌal tak abꞌaj y cha perlas chi ruvakuon-riꞌ jaꞌal. Y pa rukꞌaꞌ rucꞌuan jun copa ri bꞌanun cha oro. Y ri copa reꞌ can nojnak-el rupan riqꞌuin ri itziel tak kax ri i-rubꞌanun choch ri Dios, y riqꞌuin jeꞌ nojiel ri pecado ri i-rubꞌanun quiqꞌuin achiꞌaꞌ.

Kaqchikel Central Guatemala

⁴ Y ri ixok ri' rucusan c'a tziek quek y morado. E rucusan chuka' ch'aka' chic cosas ri e banon riq'uin k'anapuek, riq'uin jebel tak abej y ri tak abej chuka' ri nibix perla chique, richin ruvikon-ri' (ruvekon-ri') jebel. Y ri pa ruk'a', ruc'uan c'a jun kumbel-ya' ri banon riq'uin k'anapuek. Y ri kumbel ri' can nojinek-el rupan riq'uin ri itzel tak rubanobal ri e rubanalon chuvech ri Dios, y riq'uin chuka' ri tz'ilolej tak banobel ri e rubanalon, achi'el ri mac quiq'uin achi'a'.

Re C'ac'a Testamento pa Kach'abal

⁴ Y re ixok re' rucusan tziak morado y quiak. Je'rucusan chuka' nic'aj chic cosas re je'banon cha k'anapuak, cha jabojoj tak aboj y chuka' re ch'utak aboj re nibex perlas chique, ronojel re' je'rucusan chin ruvekon-ri' jabal. Y ruc'uan jun copa re banon cha k'anapuak pa ruk'a'. Y re copa re' can nojnak-a riq'uin re itzel tak rubanabal re je'rubanalon chach re Dios y riq'uin chuka' re itzel tak banabal ancha'l re mac quiq'uin achi'a'.

Kaqchikel Western Solola

⁴ Y ri ixok ri' rucusan c'a tziek quek y morado. Ye rucusan chuka' nic'aj chic cosas ri ye banon riq'ui k'anapuek, riq'ui jabel tak abej y ri tak abej chuka' ri nibix perla chique, riche (rixin) chi ruwikon ri' jabel. Y ri pa ruk'a', ruc'uan c'a jun vaso ri banon riq'ui k'anapuek. Y ri vaso ri' can nojnek el rupan riq'ui ri itzel ri ye rubanalon chuwech ri Dios, y riq'ui chuka' ri tz'ilolaj tak mac ri ye rubanalon quiq'ui achi'a'.

Apocalipsis 17:4 ပူးပေါင်းရင်းမြစ်များ

1 Rey 14:24

Chiri' pa Judá ek'o k'iy achi'a' ri kijachon-ki' chubanik ri itzel k'aslen richin xkiya' kiq'ij ri ki-dios. Rije' xekik'amala-apo ri itzel taq kibanobal ri ch'aqa' chik winaqi' ri xek'oje' chiri' ojer, y roma ri banobel ri' ri Jehová xerelesaj-el chuwech ri ruwach'ulew ri' toq xe'apon ri israelita chiri'.

2 Rey 21:2

Kan itzel k'a xuben chuwech ri Jehová. Roma xa xuben ri k'ixbel taq banobel ri man niqa' ta chuwech ri Jehová achi'el yekiben ojer kan ri winaqi' ri ek'o chiri', ri e relesan chik el ri Jehová ri chiri' pan Israel.

Wuj Richin ri Esdras 9:11

ri xaya' chike ri qati't-qamama' koma ri asamajela' ri e q'alajirisey ri ach'abel rat. Xabij k'a: Ri ruwach'ulew ri akuchi yixok-wi y ri kan nibe'ok iwichin; re ruwach'ulew re' kan man ch'ajch'oj ta roma ri kimak ri winaqi' ri ek'o wawe'. Roma kan ye'ajin chubanik ri man niqa' ta chinuwech, y kan kinojisan chik ronojel ruk'ulba't ri ruwach'ulew rik'in ri kimak.

Wuj Richin ri Isaías 66:3

Ek'o winaqi' ri nikisuj jun bóyix chuwe, y k'ari' nibekikamisaj kan jun kiwinaq. Rije' nikisuj jun karne'l chuwe, y k'ari' nikisuj jun tz'i' chire ri ki-dios. Nikisuj jalajoj kiwech trigo chuwe, y k'ari' nikisuj ri rukik'el jun aq chire ri dios ri'. Nikisuj pom chuwe yin, y k'ari' nikiya' chik ruq'ij jun wachibel. Ri winaqi' ri' xa kan chikijujunal xkicha' ri achike xkiben, y kan janila xkajo' ri kan ninwetzelaj yin.

Wuj Richin ri Jeremías 51:7

Rubanon kan ri Babilonia kan achi'el jun qumbel ri banon rik'in q'anapueq ri k'o pa nuq'a'. Y ri qumbel ri' nuk'exewachuj ri woyowal. Y yin kan xinya' chike chijun ruwach'ulew richin xkiqum y kan xeq'aber roma. Y toq kiqumun chik, kan xsach k'a kik'u'x jumul.

Wuj Richin ri K'uxla'anik 1:9

Ri kitziaq kan xtz'ilobitej roma ri mak ri', rije' kan man xkich'ob ta k'a ri nuk'en-pe pa kiwi'. Kan nak'en rukiy toq xechapatej chupan ri kimak. Y re wakami kan man jun k'a achike ta nikuquban kik'u'x. Nikik'utuj k'a chire ri Jehová chi tutzu' ri kiq'axo'n. roma ri e etzelanel kichin kan xkinimirisaj-ki'.

Ez 20:30

Tabij k'a chike ri awinaq re rutzijol re'. ¿Achike roma rix xixok man ch'ajch'oj ta, achi'el k'a xkiben ri iwati't-imama'? ¿Achike roma xa iya'on kiq'ij ri wachibel ri yenwixowaj yin?

Ez 24:11

Toq man jun chik k'o chupan ri bojo'y kan tik'oje' kan pa ruwi' q'aq', k'a toq ri kaqapueq xtikaqer na pa q'aq'. K'ari' xtich'ajch'ojir kan jebel y xtel-el ri ruchulun-ri'.

Ez 24:13

Kan nutijon-pe nuq'ij iwik'in rix aj-Jerusalem richin nich'ajch'ojirisaj-iwi' chire ronojel ri imak, jak'a rix man iya'on ta q'ij. Jak'a toq xtiqaqa ri woyowal pa ruwi' ri itinamit, k'ari' xkixch'ajch'ojir.

Ez 28:13

Kan qitzij wi chi achi'el xa ta xak'oje' pa qejoj ri kan nik'ases. Chuqa' kan xawiq-awi' rik'in k'iy jalajoj ruwech jebelej taq abej. Ri akuchi xak'oje-wi, k'o chuqa' k'iy q'anapueq, y ronojel re' kan e banon chik kutzil toq rat xatz'ukutej-pe.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Dn 11:38

Xa kan xaxe k'a ri dios ri richin uchuq'a' ri xtuya' ruq'ij, y re dios re' man ja ta re' ri ki-dios kan ri rati't-rumama'. Xtuya' k'a ruq'ij rik'in saqipueq, q'anapueq y jebejoj taq abej, y rik'in chuqa' ronojel ruwech ri kan k'o rejqalen.

Os 9:10

Ri Dios nubij: Kan achi'el ri uva ri k'o pa tz'iran ruwach'ulew, keri' xinwil ri tinamit Israel. Kan achi'el k'a ri nabey taq ruwech ri wíkix, keri' xentz'et ri ite-itata'. Jak'a rije' xa kan xkiya' ruq'ij ri Baal-peor, xa xkich'er kan ki' richin xkiya' kik'ix, xa xkiben k'a chi xenwetzelaj kan yin, achi'el ri xekiyala' kiq'ij.

Deut 29:17

Y chuqa' xitz'et ri itzel taq kibanobal ri xekiben rije', toq xekiben wachibel ri e banon rik'in che', rik'in abej, rik'in saqipueq y q'anapueq. Y ri winaqi' ri' jari' ri nikiya' kiq'ij.

Apocalipsis 14:8

Y kan jari' toq xok'ulun ri ruka'n ángel y xubij: Xtzaq yan ri nimalej tinamit Babilonia ri achi'el jun ixoqi' itzel ruk'aslen. Ja rija' xbanon chike konojel winaqi' chi xemakun y xuben chike chi achi'el xeq'aber pa ruq'a' ri mak, nicha'.

Apocalipsis 18:12

Y ri k'ayij ri e kik'ualon, ja ri q'anapueq, ri saqipueq, ri jalajoj kiwech wiqobel y ri perla, ri jebelej taq tzieq ri e banon rik'in lino, seda, y ri tzieq kaqkoj-keq y keq, ronojel ruwech jebelej y jubulej taq che', ri q'enq'ojpueq, ri q'eqapueq, ri mármol, y wiqobel ri e banon rik'in rey tix.

Apocalipsis 18:16

nikibij: Toq'ex k'a ruwech ri Babilonia, ri kan achi'el jun ixoq ri xuwiq-ri' rik'in jebelej taq tzieq ri e banon rik'in lino, ri keq y q'eQ'oj keq yetzu'un. Xerukusaj chuqa' q'anapueq, perla y ch'aqa' chik kiwech abej ri yalan e jebel.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

Apocalipsis 21:21

Y ri kablajuj ruxaq ruchi' ri okibel ri', chikijujunal e banon rik'in jun perla. Jak'a ri nima-bey richin ri tinamit, kan rik'in q'anapueq banon wi, y chay-chay nitzu'un.

Apocalipsis 9:21

Man xtzolej ta k'a pe kik'u'x ri winaqi' ri' rik'in ri Dios, richin xkiyala' ta kan ri kamisanik, ri itz, ri eleq' y ri achi'a' y ri ixoqi' ri nikikanola-ki' richin yemakun.