Apocalipsis 17:15 - Kaqchiquel Bible

¹⁵ Ri ángel xubij chuqa' chuwe: Ri ya' ri akuchi tz'uyul-wi ri ixoq ri man utz ta ruk'aslen, xa e winaqi' richin jalajoj ruwach'ulew, ijatzul, tinamit y ch'abel.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Y ri ángel xubꞌij chuqaꞌ chuwa: Ri santienta yaꞌ atzꞌeton apeꞌ tzꞌuyul ri ixaq ri ndukꞌayilaꞌ riꞌ chake achiꞌaꞌ, ndubꞌij tzij: Santienta wineq jalajaj kitinamit, kirochꞌulew y kichꞌabꞌel.

Kaqchikel Santa Maria de Jesus

¹⁵ Y ri ángel xuꞌej jeꞌ chuva: Ri yaꞌ ri xatzꞌat pacheꞌ tzꞌuyul-ve ri ramera, xa iqꞌuiy naciones, iqꞌuiy tanamet, iqꞌuiy vinak, y man junan ta quichꞌabꞌal.

Kaqchikel Central Guatemala

¹⁵ Y ri ángel ri uc'uayon vichin xubij c'a chuka' chuve yin Juan: Ri ya' ri xatz'et-vi chi tz'uyul ri ixok ri man utz ta ruc'aslen, xa e tinamit, e janíla q'uiy vinek, ri man junan ta quich'abel y man junan ta quiruvach'ulef chuka'.

Re C'ac'a Testamento pa Kach'abal

¹⁵ Y re ángel xubij chuka' chua yen Juan: Re ya' xatz'at re anche' tz'uyul-va re ixok re man otz-ta ruc'aslen, re' xa vinak y camas je q'uiy roma man junan-ta tenemit que'po-va, re man junan-ta quich'abal y chuka' man junan-ta naciones que'po-va.

Kaqchikel Western Solola

¹⁵ Y ri ángel ri uc'uayon wuche (wixin) xubij c'a chuka' chuwe riyin ri Juan: Ri ya' ri xatz'et ri acuchi (achique) tz'uyul wi ri ixok ri ma utz ta ruc'aslen, xa ye sibilaj q'uiy tinamit, y ye sibilaj q'uiy winek, ri ma junan ta quich'abel y ma junan ta quiruwach'ulef.

Apocalipsis 17:15 ပူးပေါင်းရင်းမြစ်များ

Wuj Richin Bix Chire ri Dios 18:4

Ri kamik kan xsutin k'a chuwij. Jalajoj k'a ruwech etzelal xrojqaj-ri' chuwij, roma ri' kan janila xinxibij-wi'.

Wuj Richin Bix Chire ri Dios 65:7

Rat kan naben k'a chi toq nijinin-pe ri palou, kan nitane-qa, Kan napaba' k'a ri ya' ri nibolqo't pa ruwi' ri palou, chuqa' kan natanaba' ri kich'abel ri winaqi' ri yeyakatej chawij rat.

Wuj Richin ri Jeremías 47:2

Kere' nubij ri Jehová: Kere' pa xaman e peteneq jun nimalej tzobaj winaqi', achi'el jun nimalej raqen-ya'. Y re raqen-ya' re' kan nibulbu'x y xtumuq ri iruwach'ulew, ri itinamit y konojel ri ixk'o chuwech. Y chi'iwonojel rix kan xkixsik'in roma q'axo'n.

Wuj Richin ri Jeremías 51:13

Rix aj-Babilonia ri ixk'o chunaqaj ri raqen-ya' y kan k'o janila beyomel iwik'in, xapon k'a ri q'ij richin yixk'is. Xapon k'a ri q'ij richin yixken.

Wuj Richin ri Jeremías 51:42

Ri e etzelanel kichin xkeyakatej chikij achi'el nibolqo't ri palou y xtikinojisaj ri ruwach'ulew.

Wuj Richin ri Jeremías 51:55

Roma ja yin Jehová xkik'ison kichin y xtinben chi xtik'is ri raqoj-chi'ij ri xtikiben, roma ri e etzelanel kichin kan xkeq'ajan achi'el xa ta janila ya' ri peteneq y xtoqaqa pa kiwi'.

Ez 31:4

Ri ya' janila xuto' richin xk'iy-q'anej, y ri alaxibel-ya' xuben chi xnimer-q'anej. Kan janila k'iy raqen taq ya' richin xkiya'aj ri ruxe'. Y chuqa' janila k'iy raqen taq ya' kichin ri ch'aqa' chik che' ri ek'o chiri'.

Apocalipsis 10:11

K'ari' xubij chuwe: K'o k'a chi naq'alajirisaj jun bey chik ri nubij ri Dios pa kiwi' ri tinamit, ri ruwach'ulew, ri rey y ri winaqi' ri jalajoj kich'abel, xcha'.

Apocalipsis 11:9

Y ri ch'akulaj ri' oxi' k'a q'ij rik'in nik'aj xkek'oje' chikiwech ri winaqi' ri richin jalajoj ijatzul, ch'abel, tinamit y ruwach'ulew. Y kan man xtikiya' ta k'a q'ij chi xkemuq.

Apocalipsis 17:1

Y jun chike ri wuqu' ángel ri e uk'uayon jujun qumbel, xch'on wik'in y xubij chuwe: Katanpe y xtink'ut chawech ri achike ruk'ayewal ri xtiqaqa pa ruwi' ri nimalej ixoq itzel ruk'aslen ri k'o chuchi' k'iy raqen taq ya'.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.