Apocalipsis 17:11 - Kaqchiquel Bible

¹¹ Chirij ri', kan ja ri chikop ri xk'oje' y wakami maneq chik tz'eton, jari' ri xtok ruwaqxaq rey. Rija' jun chike ri wuqu' rey ri e q'axineq chik. Y xtuq'et chik tzij jun bey, y k'ari' xtibe chupan ri tojbel-mak.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Ri itzel chikap ri xkꞌojeꞌ yan y ma kꞌo chi ta, ri ndeyoꞌox apeꞌ ngeyoꞌox ri ma ngekolotej ta, ja rijaꞌ ri ruwaqxaq rey y jun chikikajal ri wuquꞌ teq reyes.

Kaqchikel Santa Maria de Jesus

¹¹ Ri bestia ri xcꞌujieꞌ ojier can y vacame manak chic tzꞌatuon, jareꞌ ri xtuoc can ri octavo rey. Jajaꞌ jun chiquicajol ri siete (vukuꞌ) reyes y xtiꞌa pa kꞌakꞌ.

Kaqchikel Central Guatemala

¹¹ C'ari', can jac'a ri chicop ri xc'oje' y vacami manek chic tz'eton, jari' ri xtoc can rey. Re ruq'uisibel rey re', can junan vi c'a runa'oj quiq'uin ri vuku' itzel tak reyes ri e k'axinek chic. Chuka' rija' xtuk'et tzij, y c'ari' xtibe pa k'ak'.

Re C'ac'a Testamento pa Kach'abal

¹¹ C'are', can jac'a re chicop re xc'ue' y vocame manak chic tz'eton, jare' re xtoc can Rey. Re ruq'uisibal Rey re', can junan runa'oj quiq'uin re vuku' itzel tak reyes re xe'k'ax-yan. Chuka' reja' xtuban gobernar, y c'are' xtiba pa k'ak'.

Kaqchikel Western Solola

¹¹ C'ac'ari', can ya ri chicop ri xc'oje' ojer ca ri majun chic tz'eton ta, yac'ari' ri xtoc ri ruwakxak aj k'atbel tzij. Riya' can junan wi c'a runa'oj quiq'ui ri wuku' itzel aj k'atbel tak tzij ri ye tzaknek chic. Chuka' riya' xtuk'et tzij, y c'ac'ari' xtibe pa k'ak'.

Apocalipsis 17:11 ပူးပေါင်းရင်းမြစ်များ

Apocalipsis 13:10

Ri winaqi' ri banon chike chi ye'uk'uex-el pa ximonri'il, kan xke'uk'uex-wi-el. Ri winaqi' ri banon chike chi yeken rik'in espada, kan chi espada xkekamisex-wi. Re' nel chi tzij chi ri e ralk'ual ri Dios k'o chi tikikoch'o' y tikuqer más kik'u'x.

Apocalipsis 13:12

Y re' nisamej rik'in ri ruchuq'a' ri chikop ri xel-pe pa ya' y nisamej chuxe' rutzij ri chikop ri'. Kan nuben chike ri winaqi' ri ek'o chuwech ri ruwach'ulew chi nikiya' ruq'ij, roma xk'achoj ri rusokotajik ri kan ruk'amon chik pe kamik.

Apocalipsis 13:3

Y jun k'a chike ri wuqu' rujolon ri chikop ri' xuk'uluwachij jun sokotajik ri kan ruk'amon-pe kamik. Jak'a rija' xa xk'achoj. Y roma ri' konojel winaqi' ri ek'o chuwech ri ruwach'ulew, xkimey y xkojqaj.

Apocalipsis 17:8

Ri chikop ri xatz'et, xk'oje' ojer kan y wakami maneq chik. Jak'a xa xtibek'ulun chik pe y xtel-pe chupan ri itzel siwan ri ruyon q'equ'm rupan richin xtibe chupan ri tojbel mak. Y ri janila chi winaqi' ri man xtz'ibex ta kibi' chupan ri wuj richin k'aslen, ri kan pa rutikeribel-pe ri ruwach'ulew, kan xtikimey k'a ri chikop ri xk'oje' ojer kan y xa maneq chik tz'eton, y xa kan xtibek'ulun chik pe jun bey.