Apocalipsis 16:12 - Kaqchiquel Bible

¹² Ri ruwaq ángel xberuq'eja' kan pa ruwi' ri nimalej raqen-ya' Éufrates ri ruk'uan-el chupan ri qumbel. Y ri raqen-ya' ri' xchaqi'j-qa richin chi xunaba' kan ri kibey ri q'atoy taq tzij ri e peteneq kere' pa relebel-q'ij.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Ri ruwaq ángel xbꞌa, y pa ruwiꞌ ri nimalej raqen yaꞌ rubꞌiniꞌan Éufrates xbꞌeruwoxij ri kꞌo chupan ri copa rukꞌuan, y ri raqen yaꞌ riꞌ xchaqiꞌj qa chin xbꞌan kan rukꞌojlen ri bꞌey apeꞌ ngeꞌeqꞌax ri reyes ri ngeꞌel pe apeꞌ ndalex ri qꞌij.

Kaqchikel Santa Maria de Jesus

¹² Ri chi vakiꞌ ángel xbꞌarukꞌijaꞌ ri cꞌo chupan ri copa paroꞌ ri nem río Eufrates. Y ri río reꞌ xchakej-ka chi cꞌo cheꞌl ncaꞌkꞌax ri reyes ri i-patanak oriente.

Kaqchikel Central Guatemala

¹² Ri ruvak (ruvakak) ángel xberuk'eja' can pa ruvi' ri nimalej raken-ya' Eufrates ri ruc'uan-el chupan ri lek ri ruc'uan. Y ri raken-ya' ri' xchaki'j-ka richin chi yetiquir yek'ax ri k'atoy tak tzij ri e petenek quere' pa relebel-k'ij.

Re C'ac'a Testamento pa Kach'abal

¹² Re ruvakak ángel xbo'rk'aja' can pa rue' re moma' rakan-ya' Eufrates re c'o-a chupan re copa c'o pa ruk'a'. Y re ya' re' xchakij-ka chin c'o modo ye'kax re reyes re je'pitinak c'a quila pan oriente.

Kaqchikel Western Solola

¹² Ri ruwakak ángel xberutixa' c'a ca ri ruc'uan el chupan ri vaso pa ruwi' ri nimalaj raken ya' ri Eufrates rubi'. Y ri raken ya' ri' xchaki'j ka riche (rixin) chi xchojmitej jun bey ri xquek'ax wi ri aj k'atbel tak tzij ri ye petenak pa relebel k'ij.

Apocalipsis 16:12 ပူးပေါင်းရင်းမြစ်များ

Wuj Richin ri Isaías 11:15

Ri Jehová kan xtuchaqirisaj ri Kaqa-Palou richin xtujeq kibey ri xketzolin-pe. Kan rik'in jun k'aten kaq'iq' xtichaqer ri raqen-ya' Éufrates, richin xkek'oje' xaxe wuqu' taq ruq'a' ri raqen-ya' ri', richin ri xketzolin-pe xketikir xkeq'ax chikaqen chupan.

Wuj Richin ri Isaías 41:25

Y re wakami pa xaman xtink'en-wi-pe jun achin, ri xtipe re kere' pa relebel-q'ij, y kan xtuk'en-pe utzilej rutzijol pa nubi'. Y kan xkerupalibej ri ch'aqa' chik rey, achi'el nipalibex ri ch'abeq, y achi'el nuben ri banoy bojo'y toq nuxeq' ri xeq-ulew.

Wuj Richin ri Isaías 42:15

Kan xtinben k'a tz'iran chike ri kijuyu' ri e etzelanel wichin, Y kan xtinben chi xkemayamo-qa ronojel ruwech taq q'ayis. Xtinchaqirisaj ri raqen taq ya' richin xtiq'alajin-pe ri ulew. Chuqa' kan xtinchaqirisaj ri choy.

Wuj Richin ri Isaías 44:27

Ja yin ri yibin chire ri palou chi kechaqi'j-qa. Ja yin chuqa' yichaqirisan kichin ri raqen taq ya'.

Wuj Richin ri Isaías 46:11

Yin xtinwoyoj jun achin ri nipe kere' pa relebel-q'ij. Rija' xtipe anineq, achi'el nuben jun kot. Xtipe k'a kela' chire ri ruwach'ulew ri más nej, ri xtibanon ri nuch'obon chi ninben. Yin xich'on, y yin xtinben richin chi nibanatej. Kan jare' ri nuch'obon, y kan xtinben.

Wuj Richin ri Isaías 8:7

Y roma ri' yin xtink'en-pe ri rey richin Asiria, y rije' xkepe rik'in ronojel kuchuq'a' achi'el nibiyin ri nimalej raqen-ya' Éufrates. Achi'el toq nel pa ruk'ojelibal toq nipulin, y nuk'is ruwech ri ruwach'ulew,

Wuj Richin ri Jeremías 51:36

Ri Jehová nubij: Yin ninbenq'ata-tzij pa kiwi' ri aj-Babilonia, y kan xtinya' ri ruk'ayewal pa kiwi'. Kan xkenchaqirisaj k'a ri raqen taq ya' y ronojel ri alaxibel taq ya' ri ek'o chiri'.

Apocalipsis 11:14

Y kere' k'a xq'ax kan ri ruka'n ruk'ayewal pa ruwi' ri ruwach'ulew. Y kan ja chik k'a ri' chi'anin peteneq ri rox ruk'ayewal.

Apocalipsis 17:15

Ri ángel xubij chuqa' chuwe: Ri ya' ri akuchi tz'uyul-wi ri ixoq ri man utz ta ruk'aslen, xa e winaqi' richin jalajoj ruwach'ulew, ijatzul, tinamit y ch'abel.

Apocalipsis 7:2

K'ari' xintz'et chuqa' chi k'o jun ángel ri jotol-pe kere' pa relebel-q'ij, ruk'amon-pe ri sello richin ri k'aslik Dios. Y re ángel re' rik'in ronojel ruchuq'a' xch'on-apo chike ri e kaji' ángel ri kan ya'on uchuq'a' pa kiq'a' richin nikiya' ruk'ayewal pa ruwi' ri ruwach'ulew y ri palou,

Apocalipsis 9:14

y xubij k'a chire ri ángel ri': Ke'asolo' ri kaji' ángel ri e ximil kan chuchi' ri nimalej raqen-ya' Éufrates, xcha'.