Apocalipsis 16:11 - Kaqchiquel Bible

¹¹ Man rik'in ri' kan man xtzolin ta kik'u'x rik'in ri Dios richin xkiya' ta kan rubanik ri etzelal pa ruk'exel ri' xa xkiyoq' ri Dios ri k'o chila' chikaj, roma ri q'axomal y ri itzel ch'a'k ri k'o chikij.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y roma ri qꞌaxomal ndikinaꞌ y roma ri itzel y chuwilej teq chꞌaꞌk kꞌo chikij, ri wineq ndikiyaqꞌ rubꞌiꞌ ri aj chikaj Dios, y ma xkiyaꞌ ta kan ri itzel teq achike ngekibꞌanalaꞌ.

Kaqchikel Santa Maria de Jesus

¹¹ Pero ri vinak reꞌ, xa itziel xaꞌchꞌoꞌ chirij ri Dios ri cꞌo chicaj. Quireꞌ niquiꞌan ruma ri ruquiy, y ruma jeꞌ ri itziel tak sal-chꞌaꞌc ri cꞌo chiquij. Y ijejeꞌ man xquiyaꞌ ta can ri itziel tak kax ri ncaꞌquiꞌan y man xtzalaj ta pa cánima riqꞌuin ri Dios.

Kaqchikel Central Guatemala

¹¹ Man riq'uin c'a ri' ri vinek can man xtzolin ta quic'u'x riq'uin ri Dios richin xquiya' ta can rubanic ri etzelal. Xa pa ruq'uexel que ta ri' xquiben, xa xquiyok' ri Dios ri c'o chila' chicaj, roma ri k'axomal y ri itzel ch'a'c ri c'o chiquij.

Re C'ac'a Testamento pa Kach'abal

¹¹ Pero man riq'uin re' re vinak cama-va xjalataj-ta quic'aslen chach re Dios chin che xquiya-ta can rubanic re etzelal. Pa ruq'uixel che quire-ta xquiban xa xquiyok' re Dios re c'o chila' chicaj, roma re k'axomal y re itzel tak ch'a'c re c'o chiquij.

Kaqchikel Western Solola

¹¹ Pero ma riq'ui wi ri' ri winek xa can ma xtzolin ta pe quic'u'x riq'ui ri Dios riche (rixin) chi xquiya' ta ca rubanic ri etzelal. Xa pa ruq'uexel chi que ta ri' xquiben, xa xquiyok' ri Dios ri c'o chila' chicaj, ruma ri k'axomal y ri itzel ch'a'c ri c'o chiquij.

Apocalipsis 16:11 ပူးပေါင်းရင်းမြစ်များ

2 Crón 28:22

Stape' ri itzel rey Acaz kan k'o k'a pa ruk'ayewal, kan jantape' k'a nimakun chuwech ri Jehová.

2 Crón 36:23

Ri Ciro rey richin Persia kere' nubij: Ri Jehová Dios ri rajaw ri kaj, xuya' chuwe ronojel q'atbel taq tzij richin ri ruwach'ulew; y rija' yiruteq richin ninbenpaba-q'anej jun rachoch pa Jerusalem ri k'o pa ruwach'ulew Judá. Achike k'a chiwe rix ri kan k'o chupan ri rutinamit ri Jehová, ja ri Jehová ri xtito'on richin y xtibe chila' pa Jerusalem. Y ja ri Jehová ri ru-Dios ri xtuk'uan richin, xcha' ri Ciro.

Wuj Richin ri Esdras 1:2

Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Wuj Richin ri Esdras 6:10

Rik'in ronojel re' xtikisuj kamelabel ri niqa' chuwech ri ki-Dios, ri rajaw ri kaj, richin rije' yech'on rik'in ri ki-Dios pa ruwi' ri nuk'aslen yin y pa ruwi' ri kik'aslen ri walk'ual.

Wuj Richin ri Esdras 7:12

Yin, Artajerjes, rey kichin ri e rey, ninteq rubixik re' chawe Esdras sacerdote y tz'ibanel ri k'o awetamabal rik'in ri pixa' ri xuya' ri Dios ri rajaw ri kaj. K'o ta uxlanibel-k'u'x awik'in.

Wuj Richin ri Esdras 7:21

Yin, ri rey Artajerjes, ninbij chiwe ri ix yakol méro ri ixk'o pa ruwach'ulew ri k'o pa qajbel-q'ij chire ri raqen-ya' Éufrates: K'o chi niya'ox chi'anin ronojel ri nuk'utuj ri sacerdote Esdras, ri tz'ibanel y kan jebel tijon chupan ri pixa' ri ruya'on ri Dios rajaw ri kaj.

Wuj Richin ri Esdras 7:23

Ronojel ri nubij ri Dios ri rajaw ri kaj pa ruwi' ri rachoch, kan tiban chi'anin, richin chi man nipe ta ri ruk'ayewal pa ruwi' ri nuq'atbel-tzij y pa kiwi' ri walk'ual.

Wuj Richin ri Nehemías 1:4

Toq xinwak'axaj k'a re ch'abel re' xitz'uye' k'a qa y xinoq'. Kan xinchajij k'a ri nubis y k'o k'iy q'ij ri man xiwa' ta, y xich'on k'a rik'in ri aj-chikajil Dios.

Wuj Richin ri Nehemías 2:4

Y jari' toq ri rey xubij chuwe ri achike nitikir yirutobej. Jari' toq yin xink'utuj chire ri aj-chikajil Dios, richin yiruto'.

Wuj Richin Bix Chire ri Dios 136:26

Tiqanimirisaj k'a ruq'ij ri Jehová ri Dios ri k'o chila' chikaj: Roma ri rujoyowanik rija' kan richin jantape'.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Wuj Richin ri Jonás 1:9

Rija' xubij chike: Yin in hebreo, y ninya' ruq'ij ri Jehová ri Dios ri rajaw ri kaj, ri xbanon re palou y ri ruwach'ulew, xcha'.

2 Timoteo 3:13

Jak'a ri winaqi' ri xa itzel k'aslen kik'uan y ri q'olonela', xa más xtikinim ki' chupan ri etzelal. Xkekiq'ol ri winaqi', y rije' chuqa' xa xkeq'olotej.

Apocalipsis 11:13

Y kan chupan ri ramaj ri' xpe jun nimalej silonel, y xwulatej ri jun ri lajuj chire ri Jerusalem. Y xeken k'a e 7,000 winaqi' roma ri silonel ri'. Jak'a ri xek'ase' kan, janila xkixibij-ki' y xkiya' ruq'ij-ruk'ojlen ri Dios.

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Apocalipsis 16:21

Chuqa' chupan ri q'ij ri' xqaqa k'a pe saqboch ri chila' chikaj. Y jujun saqboch jujun la'eq kintal kalal. Y roma k'a re jun kamik saqboch re', ri winaqi' janila nikiyoq' ri Dios, roma kan janila k'ayew.

Apocalipsis 16:9

Y kan keri' k'a xk'uluwachitej, ri q'ij kan itzel-wi chi k'atik xuben ri chike ri winaqi' y man rik'in ri' ri winaqi' kan man xubij ta juba' kánima chi xtzolej ta kik'u'x rik'in ri Dios o xkiya' ta chuqa' ruq'ij-ruk'ojlen. Pa ruk'exel ri' xa xkiyoq' rubi' ri Dios ri taqayon-pe ri ruk'ayewal.

Apocalipsis 2:21

Yin kan nuya'on k'iy q'ij chire chi tuya' kan rubanik ri mak ri' y titzolej-pe ruk'u'x wik'in. Jak'a rija' man xrajo', ta xa beneq ránima rik'in ri mak ri nuben.