Apocalipsis 14:8 - Kaqchiquel Bible

⁸ Y kan jari' toq xok'ulun ri ruka'n ángel y xubij: Xtzaq yan ri nimalej tinamit Babilonia ri achi'el jun ixoqi' itzel ruk'aslen. Ja rija' xbanon chike konojel winaqi' chi xemakun y xuben chike chi achi'el xeq'aber pa ruq'a' ri mak, nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Atoq xqꞌax yan riꞌ, xbꞌeꞌel pe jun rukan ángel ri xubꞌij: ¡Xkꞌis ruqꞌij, xkꞌis ruqꞌij ri nimalej tinamit Babilonia ri xbꞌanun chake ri wineq jalajaj kirochꞌulew chi xkiqꞌabꞌarisaj kiꞌ chupan nojel ri ruchuqꞌaꞌ ri mak ndajin chiriꞌ, y ri mak riꞌ ja ri ndikikꞌamalaꞌ qa kiꞌ xa achoq na ikꞌin chin ndikibꞌen mak!

Kaqchikel Santa Maria de Jesus

⁸ Y jun rucaꞌn ángel xchꞌoꞌ jeꞌ y xuꞌej: Ya xtzak, ya xtzak ri Babilonia; ri nem tanamet ri xbꞌano chica quinojiel naciones ri icꞌo choch-ulief chi xaꞌkꞌabꞌar pa rukꞌaꞌ; can xuꞌon chica chi xquiꞌan pecado riqꞌuin, ri incheꞌl niquiꞌan ri achiꞌaꞌ y ri ixokiꞌ ri niquicanuj-quiꞌ chi niquiꞌan pecado.

Kaqchikel Central Guatemala

⁸ Y jac'ari' tok xoc'ulun jun ruca'n ángel, y xubij: Xtzak yan ri nimalej tinamit Babilonia. Xtzak yan. Jac'a nimalej tinamit re' ri xbanon chique conojel ruvach'ulef richin chi xquiyec royoval ri Dios pa quivi', roma xuben chique chi xeruk'abarisaj pa ruk'a' ri mac quiq'uin achi'a' y ri ixoki'.

Re C'ac'a Testamento pa Kach'abal

⁸ Y can jare' tak xbec'ulum-pa re ruca'n ángel, y xubij: Xtzak-yan re namalaj tenemit Babilonia. Xtzak-yan. Jac'a namalaj tenemit re' re xbano chique ronojel naciones chin che xquiyac ruyoval re Dios, roma xuban chique che xe'ruk'abersaj pa ruk'a' re mac quiq'uin re achi'a' y re ixoki' chin xquicanola-qui' chin xe'macun.

Kaqchikel Western Solola

⁸ Y yac'ari' tek xbec'ulun pe jun ruca'n ángel, y xubij: Xtzak yan ri nimalaj tinamit Babilonia. Xtzak yan ri nimalaj tinamit ri xbano chique quinojel ri winek chuwech re ruwach'ulef chi xquiya' ca ri Dios y xquiyec royowal ri Dios pa quiwi', ruma ri tinamit ri' xuben chique quinojel ri winek chi can achi'el xeruk'abarisaj chi ma niquina' ta chic chi niquiben ri mac, achi'el ri mac tek ri achi'a' y ri ixoki' niquicanola' qui' chi yemacun y xa ma quic'ulaj ta qui'.

Apocalipsis 14:8 ပူးပေါင်းရင်းမြစ်များ

Wuj Richin ri Isaías 13:1

Ri Dios xuq'alajirisaj chinuwech ri xtuk'uluwachij ri ruwach'ulew Babilonia. Y jare' k'a ri rutzijol:

Wuj Richin ri Isaías 21:9

Y re wakami jare' yentz'et chi e peteneq achi'a' ri yech'oke' chikij kiej, kaka' kibanon-pe. Y ri achi'a' ri' nikibij chi ri Babilonia xtzaq, y konojel ri wachibel ri e paban ri yekiya' kiq'ij kan kebolqo't xetzaq k'a pan ulew, y xepax, xcha' ri chajinel.

Wuj Richin ri Jeremías 50:1

Ri Jehová xch'on rik'in ri Jeremías pa ruwi' ri ruwach'ulew Babilonia y kere' xubij chire:

Wuj Richin ri Jeremías 51:64

y xtubij: Kere' xtibe pa xulan ri Babilonia y man xtiyakatej ta chik chupan ri ruk'ayewal ri xtuteq-pe ri Jehová chirij, xicha' chire. Wawe' nitane-wi ri nuch'abel yin Jeremías ri in q'alajirisey ruch'abel ri Dios.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Wuj Richin ri Nahum 3:19

Rat Nínive kan maneq chik raq'omal ri asokotajik; ri sal ri k'o chawij kan man jun nitikir nik'achojirisan. Konojel k'a ri ye'ak'axan chi rat natej poqon kan nikipaq'apa' k'a ri kiq'a' chawij roma kikoten. Roma konojel winaqi' richin ri ruwach'ulew kitijon poqon pan aq'a'; konojel xkina' yan ri awetzelal ri man k'isel ta.

Apocalipsis 11:8

Y ri kich'akul xkek'oje' kan ri pa nima-bey richin ri nimalej tinamit Jerusalem, ri akuchi xkamisex-wi ri ajaw ri banon chire chi achi'el chik Sodoma o Egipto.

Apocalipsis 16:19

Y ri akuchi k'o-wi ri nimalej tinamit Babilonia xjaqatej ri ruwach'ulew roma ri silonel. Pan oxi' k'a xuben chire ri tinamit ri'. Y ri ch'aqa' chik nima'q taq tinamit ri ek'o chuwech ri ruwach'ulew, xetzaq. Richin keri' ri Dios xuben ruk'exel chike ri winaqi' aj-Babilonia, y xuben chike chi tikiqumu' ri royowal rija'.

Apocalipsis 17:18

Y ri ixoq ri xatz'et, ja ri jun nimalej tinamit ri k'o pa kiwi' ri ch'aqa' chik tinamit richin ri ruwach'ulew, xcha'.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.