Apocalipsis 14:7 - Kaqchiquel Bible

⁷ Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Y rikꞌin kaw ruchꞌabꞌel xubꞌij: Tiyaꞌ ruqꞌij ri Dios y tinimrisaj rubꞌiꞌ, porque ja xuqaqa ri qꞌij chin nduqꞌet tzij. Kixxukeꞌ y kixlukeꞌ chuwech ri Dios ri xbꞌanun ri kaj, ri rochꞌulew, ri mar y ri alaxbꞌel teq yaꞌ.

Kaqchikel Santa Maria de Jesus

⁷ Y ri ángel cof nuꞌej: Tixiꞌij-iviꞌ choch ri Dios, y tiyaꞌ rukꞌij, ruma ri kꞌij chi nuꞌon juzgar ya xalka. Tiyaꞌ rukꞌij ri Dios ri bꞌanayuon ri rocaj y ri roch-ulief, ri mar y ri nacimientos richin yaꞌ.

Kaqchikel Central Guatemala

⁷ Y riq'uin c'a ronojel ruchuk'a' nubij: Tixibij-ivi' y tinimaj rutzij ri Dios, y tiya' chuka' ruk'ij, roma ri k'ij richin chi nuk'et tzij xa xoka' yan. Tiya' c'a ruk'ij ri Dios ri banayon ri caj y ri ruvach'ulef, ri nima'k tak ya' y ri alaxibel tak ya'.

Re C'ac'a Testamento pa Kach'abal

⁷ Y jun pa ruchi' nubij: Tixibij-ivi' chach re Dios y tinimaj rutzij, y tiya' chuka' ruk'ij, roma re k'ij chin che reja' nuban juzgar xa xbeka-yan. Tiya' ruk'ij re Dios re banayon re rocaj y re ruch'ulef, re mar y re alaxbal tak ya'.

Kaqchikel Western Solola

⁷ Y can nurek c'a ruchi' chubixic: Tixibij iwi' y tinimaj rutzij ri Dios, y tiya' chuka' ruk'ij, ruma ri k'ij riche (rixin) chi nuk'et tzij xa xoka yan. Tiya' c'a ruk'ij ri banayon ri caj, ri banayon ri ruwach'ulef, ri banayon ri mar y ri ralaxbel (rutz'ucbel) tak ya'.

Apocalipsis 14:7 ပူးပေါင်းရင်းမြစ်များ

Wuj Richin ri Rutikeribel 22:12

Y xubij chire: Man takamisaj la ak'ajol y man jun taben chire, y roma man xapoqonaj ta xaya' ri juney ak'ajol pa kamik chuwe, wakami q'alaj chik chinuwech chi rat kan k'o-wi rukiy ri Dios chawech, xcha'.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Wuj Richin Bix Chire ri Dios 115:15

Kan utz ruwa-iq'ij rix ri ix richin ri Jehová, ri Jehová ri xbanon ri kaj y ri ruwach'ulew.

Wuj Richin Bix Chire ri Dios 124:8

Ri qato'onik roj kan rik'in k'a ri Jehová peteneq-wi, ri xbanon chijun ri kaj y ri ruwach'ulew.

Wuj Richin Bix Chire ri Dios 33:6

Rik'in ri ruch'abel ri Jehová xbanatej ri kaj. Xeruben k'a konojel ri xmotza' xaxe rik'in ri ruxla'.

Wuj Richin Bix Chire ri Dios 36:1

Ri etzelal kan nich'on k'a pa kánima ri e banoy etzelal. Rije' kan man jun bey nikiquqa' chi nikixibij ta ki' chuwech ri Dios.

Wuj Richin Bix Chire ri Dios 89:7

Rat kan k'o-wi aq'ij-ak'ojlen chikiwech ri ek'o awik'in. Konojel janila nikixibij-ki' chawech.

Wuj Richin Bix Chire ri Dios 95:5

Ri palou kan e richin chuqa' rija', roma kan ja rija' ri xebanon. Kan ja rija' xbanon ri chaqi'j ruwach'ulew.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Wuj Richin ri Isaías 40:3

K'o k'a jun q'ij k'o jun ri xtipe, y kan janila kow xtich'on y xtubij: Tachojmirisaj k'a jun bey chupan ri tz'iran ruwach'ulew richin ri Jehová. Tabana' jun choj laj bey richin ri qa-Dios.

Wuj Richin ri Isaías 40:6

K'o k'a jun chik ri xbin chuwe chi kisik'in. Jak'a yin xinbij chire ri achike ninsik'ij, y xubij chuwe chi tinbij chi konojel ri winaqi' man richin ta q'asen yek'oje' re wawe', chi ri winaqi' xa e achi'el ri q'ayis. Y ri kiruwaq'ijaj man niyaloj ta, xa kan e achi'el ok ri kotz'i'j ri ek'o pa juyu'.

Wuj Richin ri Isaías 40:9

Rat ri ak'amon-pe utzilej rutzijol chike ri aj-Sión, kajote' k'a el pa ruwi' jun nimalej juyu'. Rat ri ak'amon-pe utzilej rutzijol chire ri tinamit Jerusalem, kan kasik'in rik'in uchuq'a'. Man taxibij-awi' richin yasik'in kow. Tabij chike ri aj-Judá chi re wawe' k'o-wi ri qa-Dios.

Wuj Richin ri Isaías 42:12

Kan tiqaya' ruq'ij ri Jehová, y chuqa' chi'iwonojel rix ri ixk'o pa taq'aj ruwach'ulew.

Wuj Richin ri Isaías 44:23

Roma ri' kan jajun ri kaj tibixan richin nuya' nuq'ij, roma yin kan xinya' kolotajik. Kan jajun ri ruwach'ulew tibixan rik'in kikoten, chuqa' ri juyu', ri k'echelaj y ronojel che' ri ek'o, roma kan xixinkol rix israelita, y kan xink'ut ri nimalej wuchuq'a' pan iwi', xcha' ri Dios.

Wuj Richin ri Isaías 58:1

Ri Jehová xubij k'a chire ri Isaías: Kan kow k'a kach'on, y man kakos richin yatane-qa. Kan kow k'a kach'on achi'el toq niq'ajan jun trompeta, y tabij chire ri nutinamit Judá, chi kan janila itzel ri kibanobal. Y tabij chuqa' chike chi janila kimak ri yekiben ri awinaq.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Ez 7:2

Rat Ezequiel, taya' k'a re jun rutzijol re' chike ri awinaq: Ri ruk'isibel q'ij naqaj chik k'o-wi.

Ez 7:6

Ri ruk'isibel taq q'ij kan noqaqa yan el y kan naqaj chik k'o-wi, ja q'ij ri' toq xtibek'is ri iruwach'ulew Israel.

Dn 8:19

Y xubij k'a chuwe: Yin kan xtink'ut k'a chawech ri xtipe toq xtik'is juba' ri oyowal, y re' kan qitzij.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Wuj Richin ri Malaquías 2:2

Wi rix man xtiwak'axaj ta y wi man xtinimirisaj ta ri nimalej nubi' rik'in ronojel ri iwánima, yin Jehová in k'iytisanel richin ronojel kan xtinwoyoj k'a pe ri itzel pan iwi'. Y pa ruwi' ri urtisanik ri ik'ulun chik wik'in yin, xa xtiqaqa itzel pan iwi'.

San Mateo 25:13

Roma ri' rix kan man kixmestan, kan kiniwoyobej-apo, roma xa man iwetaman ta achike q'ij, y achike hora toq yin ri xiqaqa-pe achi'el wineq chi'ikojol xkipe chik jun bey.

San Lucas 17:18

¿Kan man jun chik k'a ri xtzolin ta pe richin chi nuya' ruq'ij-ruk'ojlen ri Dios, xaxe re jun ri man judío ta ri xtzolin-pe?, xcha' ri Jesús.

Hechos 14:15

¿Achike roma toq rix niben kere'? Roj oj winaqi' achi'el rix, y oj peteneq iwik'in richin noqabij chiwe chi timestaj kan re na'oj ke taq re', ri xa man jun utz nuk'en-pe chiwe, y tinimaj k'a ri k'aslik Dios ri banayon ri kaj y ri ek'o chupan, ri banayon re ruwach'ulew y ri ek'o chuwech, ri banayon ri palou y ri ek'o chupan.

Wuj Richin ri Josúe 7:19

Jari' toq ri Josué xubij chire ri Acán: Kan chuwech k'a ri Jehová ri qa-Dios tabij ri qitzij, y tabij chuwe wakami achike ri xaben. Man k'a tawewaj chinuwech, xcha'.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Apocalipsis 11:13

Y kan chupan ri ramaj ri' xpe jun nimalej silonel, y xwulatej ri jun ri lajuj chire ri Jerusalem. Y xeken k'a e 7,000 winaqi' roma ri silonel ri'. Jak'a ri xek'ase' kan, janila xkixibij-ki' y xkiya' ruq'ij-ruk'ojlen ri Dios.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

Apocalipsis 15:4

Kan man jun k'a ri man ta xtuxibij-ri' chawech, y man ta chuqa' xtuya' aq'ij-ak'ojlen, rat ajaw. Y xaxe k'a rat ri at loq'olej. Y roma ri' konojel tzobaj winaqi' richin re ruwach'ulew xkepe chuya'ik aq'ij, roma xkitz'et chi xq'alajin yan ri aq'atoj-tzij, xecha'.

Apocalipsis 16:9

Y kan keri' k'a xk'uluwachitej, ri q'ij kan itzel-wi chi k'atik xuben ri chike ri winaqi' y man rik'in ri' ri winaqi' kan man xubij ta juba' kánima chi xtzolej ta kik'u'x rik'in ri Dios o xkiya' ta chuqa' ruq'ij-ruk'ojlen. Pa ruk'exel ri' xa xkiyoq' rubi' ri Dios ri taqayon-pe ri ruk'ayewal.

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Apocalipsis 18:17

Jak'a xa pa jun ti ramaj xk'is ri janipe' chi beyomel ri xk'oje' rik'in, yecha'. Y ri achi'a' ri k'o kiq'ij ri pa taq nima-barco, ri winaqi' ri e peteneq chupan, y kan konojel ri samajela' chupan ri nima-barco, kan k'a nej k'a xkitzu-wi-pe.

Apocalipsis 18:19

Xkiyala' ulew pa kijolon, ye'oq' y yebison janila, y rik'in uchuq'a' nikibij: Toq'ex ruwech ri Babilonia. Kan rik'in ri rubeyomel rija' xebeyomer kan konojel rajaw ri nima-barco. Y xa pa jun ti ramaj xk'is ronojel, xecha'.

Apocalipsis 19:5

Y jari' toq kan k'o jun ri xbech'on-pe akuchi k'o-wi ri tz'uyubel xubij: Kan tiya' ruq'ij ri Dios chi'iwonojel rix ri ix rusamajela', ri k'o rukiy ri Dios chiwech, chi ch'uti'q chi nima'q, xcha'.

Apocalipsis 4:11

Qajaw Dios, kan ruk'amon k'a chi nak'ul aq'ij-ak'ojlen y ronojel uchuq'a'. Kan ja rat k'a xabanon ronojel ri k'o y xe'ak'iytisaj, roma kan jari' ri arayibel, yecha'.

Apocalipsis 4:9

Y ronojel k'a mul toq ri e kaji' ri k'o k'iy runaq' taq kiwech, nikiya' ruq'ij-ruk'ojlen y yematioxin chire ri tz'uyul chiri', ri kan k'es tibe-q'ij tibe-seq,

Apocalipsis 8:10

Y toq ri rox ángel xuxupuj ri trompeta, xintz'et k'a chi jun nimalej ch'umil nibiro pa q'aq' achi'el jun antorcha nitzu'un xbetzaq-pe ri chila' chikaj y xqaqa k'a pa kiwi' jun chire ri oxi' chike ri raqen taq ya' y ri alaxibel taq ya'.

1 Sam 6:5

Ke'ibana' k'a ri wachibel ri' roma ja re ch'oy re' ri yek'ison yan re qaruwach'ulew. Y rik'in re' kan tiya' k'a ruq'ij ri ki-Dios ri aj-Israel. Rik'in juba' xtuben richin xtrelesaj-el ri q'axo'n ri k'o qik'in y ri k'o pa kiwi' ri qa-dios y pa ruwi' ri qaruwach'ulew.