Apocalipsis 14:20 - Kaqchiquel Bible

²⁰ Keri' ri uva ri' xpitz' k'a chuchi' el ri tinamit. Y chupan ri yitz'bel xbe'el-pe janila chi k'ik' y xbiyin-el nej y ri raqen jun la'eq lajuj q'ij binen, y ri rupimil napon k'a akuchi nibe-wi ri ch'ich' pa kichi' ri kiej.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Y saqil e chin ri tinamit xeyeqꞌeloꞌox ri ruwech uva chi aqen chupan ri nimalej pitzꞌbꞌel, y chiriꞌ xel pe kikꞌ ri xjoteꞌ hasta apeꞌ kꞌo ki-frenos ri kej pa kichiꞌ, y jun laꞌeq 300 kilómetros xchemeꞌ ri kikꞌ riꞌ.

Kaqchikel Santa Maria de Jesus

²⁰ Ri uva can chuchiꞌ ri tanamet xaꞌyitzꞌ-ve. Y antok xyitzꞌ ri uva chupan ri lugar incheꞌl pila, xa quicꞌ yan chic xbꞌaꞌiel-pa. Y altíra qꞌuiy ri quicꞌ, ruma can trescientos kilómetros xunojsaj. Y xjotieꞌ hasta cꞌa pacheꞌ niyoꞌx-ve ri freno pa quichiꞌ ri quiej.

Kaqchikel Central Guatemala

²⁰ Ri uva ri xerukupij ri ángel, can c'a ri chuchi' el ri tinamit xbeyitz'-vi. Y ri pila ri xyitz'-vi ri uva, tok xbe'el-pe ri ruya'al chupan, xa quic' yan chic. Y can janíla q'uiy, roma ri raken xapon c'a pan oxi' ciento kilómetros. Y ri rupimil napon c'a acuchi nibe-vi ri ch'ich' pa quichi' ri quiej.

Re C'ac'a Testamento pa Kach'abal

²⁰ Re uva re xe'rukupij re ángel, can c'a chuchi-a re tenemit xbeyitz'-va. Y re pila re anche' xyitz'-va re uva, tak xbe'el-pa re ruyi'al, xa quic' xel-pa chupan. Y camas q'uiy, roma can xuban abarcar oxe' ciento kilómetros, y re rupan napon c'a anche' nic'ue-va re ch'ich' re niya' pa quichi' re quiej.

Kaqchikel Western Solola

²⁰ Ri uva ri xerukupij ri ángel, can c'a chuchi' el ri tinamit xbeyitz' wi. Y ri pila ri xyitz' wi ri uva, tek xbe'el pe ri ruya'al ri uva chupan, ya xa can quic' chic. Y can sibilaj q'uiy, ruma ri raken xapon c'a pan oxi' ciento kilómetros. Y ri quic' ri' ntel anej c'a pa quichi' ri quiej ri acuchi (achique) niya'ox (nya') wi ri freno.

Apocalipsis 14:20 ပူးပေါင်းရင်းမြစ်များ

Wuj Richin ri Rutikeribel 49:11

Ri rubur xtuyuquba' chuwech ruche'el ri uva, kan chuwech k'a ri ruche'el ri jebelej uva xtuyuquba-wi, rija' kan pa vino chik xtuch'ej-wi ri rutziaq, ri ko'ol raqen rutziaq chupan ri kik'-kik' ruya'al uva xtuch'ej-wi.

Wuj Richin ri Isaías 66:24

Chirij re' xke'el-el richin xtikitz'et konojel winaqi' ri xeken roma xeyakatej chuwij yin. Y ri jut ri xkek'oje' chikij ri kich'akul man jun bey xkeken, y ri q'aq' ri achoq chupan xkebe-wi ri kaminaqi' ri' kan man jun bey xtichup. Y toq xtikitz'et konojel ri winaqi', kan xtimulun kik'u'x chirij. Yin Jehová ri yibin.

Wuj Richin ri K'uxla'anik 1:15

Ri qajaw kan xeruk'is k'a el ri aj-labal ri e qichin roj. Y xeroyoj k'a winaqi' chiqij richin chi yojkik'is. Xepe richin xekikamisaj kan ri k'ajola'. Ri Jehová kan xuben k'a chiqe achi'el toq nipitz' ri uva.

Ez 32:6

Y kan xtibiyin k'a ri ikik'el chuwech ri ruwach'ulew y napon k'a pa k'echelaj. Y kan xkenoj k'a ri akuchi nuk'ul-wi-ri' ri ch'uti'n raqen taq ya'.

Joel 3:13

Kan kekamisex, y ketzaq achi'el nitzaq ri trigo toq q'en chik y niq'at. Kan ke'ipitz'a' k'a achi'el nipitz' ri uva, roma ri kimak kan janila k'iy, achi'el ruk'iyal ri vino.

Deut 32:14

Chuqa' chiri' xitej jebelej mantequilla roma ri iwawej kan janila chi leche xkiya'. Xitej kich'akul karne'l y tzuntzun richin Basán, ri jebel e ti'ojirisan. Y xitej ri jebelej taq trigo y xiqum ri jebelej taq vino.

Apocalipsis 11:8

Y ri kich'akul xkek'oje' kan ri pa nima-bey richin ri nimalej tinamit Jerusalem, ri akuchi xkamisex-wi ri ajaw ri banon chire chi achi'el chik Sodoma o Egipto.