Apocalipsis 14:14 - Kaqchiquel Bible

¹⁴ Y toq xitzu'un yan chik, xintz'et k'a jun sutz' seq. Y pa ruwi' k'a re sutz' re' tz'uyul jun ri xo'alex achi'el wineq. Rija' rukusan k'a jun corona ri banon rik'in q'anapueq y ri pa ruq'a' ruk'uan jun jos ri janila rey.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Atoq wakꞌaxan chik riꞌ, kꞌateꞌ ruwech xintzꞌet jun nube seq, y pariꞌ ri nube tzꞌuyul Jun ri kin achel ri aj chikaj ri xuꞌalex chiqakajal. Pa rujolon rukusan jun corona bꞌanun chare qꞌanapueq, y pa ruqꞌaꞌ rukꞌuan jun jos santienta rey.

Kaqchikel Santa Maria de Jesus

¹⁴ Y antok xitzuꞌn chic apa, xintzꞌat jun mukul sak. Y paroꞌ ri mukul reꞌ tzꞌuyul jun ri can incheꞌl ri Jun ri Xtak-pa chicaj chi xalax chikacajol. Jajaꞌ cꞌo jun corona ri bꞌanun cha oro pa rujaluon, y pa rukꞌaꞌ rucꞌuan jun juos ri simaꞌj rutzaꞌn y altíra roray.

Kaqchikel Central Guatemala

¹⁴ Y tok xitzu'un yan chic, xintz'et c'a jun sutz' sek. Y pa ruvi' c'a re sutz' re' tz'uyul c'a jun ri can achi'el ri Jun ri alaxinek chikacojol. Rija' rucusan c'a jun corona ri banon riq'uin k'anapuek, y ri pa ruk'a' ruc'uan jun kupibel-trigo ri janíla rey.

Re C'ac'a Testamento pa Kach'abal

¹⁴ Y tak xintzu'un-yan chic-apo, xintz'at jun nube sak. Y pa rue' re nube re' tz'uyul Jun re can ancha'l re Jun re xbalax-ka chakacojol. Reja' rucusan jun corona re banon cha k'anapuak, y pa ruk'a' ruc'uan jun ch'ich' re anchok cha nikupex-va re trigo y can ya' ray.

Kaqchikel Western Solola

¹⁴ Y tek riyin xitzu'un chic apo, xintz'et c'a jun sutz' sek. Y pa ruwi' c'a ri sutz' ri' tz'uyul c'a jun ri can achi'el ri C'ajolaxel ri xalex chkacojol. Riya' rucusan c'a jun corona ri banon riq'ui k'anapuek, y ri pa ruk'a' ruc'uan jun jos (wos) ri c'o sibilaj rey.

Apocalipsis 14:14 ပူးပေါင်းရင်းမြစ်များ

Wuj Richin Bix Chire ri Dios 21:3

Xaya' k'a pe urtisanik pa ruwi', corona ri banon rik'in q'anapueq xaya' pa rujolon.

Wuj Richin Bix Chire ri Dios 97:2

Ri sutz' y ri q'equ'm kan kisutin k'a rij rija'. Ri q'atoj-tzij y ri ruchojmilal kan jari' ri ruxe' ri rajawaren.

Wuj Richin ri Isaías 19:1

Ri Dios xuteq-pe rutzijol ri xtibebanatej pa ruwi' ri ruwach'ulew Egipto, y jare' k'a: Titz'eta' chi ri Jehová peteneq pa jun sutz', ri anineq peteneq pa ruwach'ulew Egipto. Y konojel k'a ri kiwachibel ri ch'aqa' chik dios kan xkebaybot chuwech. Chuqa' ri winaqi' ri ek'o chiri' kan xtimayamo-qa ri kánima.

Ez 1:26

Y pa ruwi' ri', xintz'et k'a chi k'o jun ri achi'el rubanik jun tz'uyubel, ri niyok'olin achi'el jun jebelej raxroj-abej y pa ruwi' ri' niyakatej-el jun achi'el wineq.

Dn 7:13

Yin kan k'a nutzuliben na ronojel ri xk'utumej chinuwech, y chaq k'ate' k'a xintz'et jun chik banobel. Xintz'et k'a chi chupan ri sutz' chila' chikaj, peteneq k'a jun ri xo'alex achi'el jun wineq rubanik. Y xkiben chire richin xjel-apo chuwech ri k'aslik Dios.

San Mateo 13:30

Xa tiya' na k'a q'ij chi ri pach'un-q'os junan nik'iy-q'anej rik'in ri trigo, k'a xtapon na ri q'ij richin q'atoj. Roma toq xtapon ri q'ij ri' xtinbij k'a chike ri q'atonela' chi nabey tikimolo' ri pach'un-q'os y tikibana' pa taq boraj richin chi yeporox; y k'ari' k'a tikiq'ata' ri trigo richin chi nibekiyaka' kan, xcha' ri achin. Keri' xubij ri Jesús.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

Marcos 4:29

Y toq q'en chik rubanon, jari' k'a toq xapon ruq'ijul richin ri q'atoj, xcha'.

San Lucas 21:27

Jari' k'a toq xkinkitz'et chik yin ri xiqaqa-pe achi'el wineq chi'ikojol, chi yiqaqa-pe pa sutz', rik'in chik nimalej uchuq'a' y nuq'ij-nuk'ojlen.

Hebreos 2:9

Chuqa' ri Jesús maneq más ruq'ij xban chire chikiwech ri ángel jak'a xaxe richin ka'i-oxi' q'ij. Y ri' roma ri Dios xrajo' chi ri Jesús xutej-poqon y xken richin xuya' ri rutzil pa qawi'. Y wakami ya'on chik ruq'ij-ruk'ojlen.

Apocalipsis 1:13

Y pa kinik'ajal ri wuqu' kandelero ri' pa'el jun achi'el wineq, rukusan jun rutziaq ri napon k'a chiraqen-qa. Y rukusan chuqa' jun ximibel banon rik'in q'anapueq, y re ximibel re' q'axineq chuwa-ruk'u'x.

Apocalipsis 1:7

Roma ri Cristo kan xtipe na wi pa sutz' y qonojel xqojtz'eton richin, chuqa' ri winaqi' ri xeya'on richin pa kamik kan xtikitz'et. Kan konojel winaqi' ri ek'o chijun ruwach'ulew xke'oq' toq xtikitz'et rija'. Ja', kan keri' wi xtibanatej.

Apocalipsis 10:1

Yin xintz'et chik k'a chi chila' chikaj chupan jun sutz' peteneq jun ángel, ri kan k'o uchuq'a' pa ruq'a' ri pa rujolon k'o jun kotoq'a', ri rupalej achi'el ri q'ij, y ri raqen achi'el ruxaq q'aq'.

Apocalipsis 11:17

Y xkibij: Niqamatioxij chawe rat Dios, ri k'o ronojel uchuq'a' pan aq'a'. Kan atk'o-wi-pe pa rutikeribel y atk'o wakami y xkak'oje' jantape', roma xq'alajin ri nimalej uchuq'a' ri k'o pan aq'a', y xachop yan naq'et-tzij.

Apocalipsis 19:12

Ri runaq'-ruwech kan e achi'el ruxaq q'aq'. K'o k'a k'iy corona rukusan, y tz'ibatel-el ri rubi' chiri'. Y re bi'aj re', kan man jun achoq chuwech niq'ax-wi, xa kan xaxe chuwech rija'.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Apocalipsis 6:2

Y kan jari' xbek'ulun-pe jun seq rij kiej, ch'okoliben roma jun ri ruk'uan jun k'aqbel ch'ab. Xjach k'a jun ru-corona roma kan ch'akowineq chik y xel-el richin nibech'akon chik.